Փոքրիկ, բծավոր ու հմայիչ․ Նովոսիբիրսկում 3 պումա է ծնվել
Փոքրիկ, բծավոր ու հմայիչ․ Նովոսիբիրսկում 3 պումա է ծնվել
Sputnik Արմենիա
Մայրը՝ Էրին, ինքնուրույն է խնամում ձագերին և գրեթե չի հեռանում փոքրիկներից։ Փոքրիկ պումաների հայրը՝ Միչիգանը, նրանց դաստիարակությանը չի մասնակցում, ինչը լիովին... 15.08.2026, Sputnik Արմենիա
ԵՐԵՎԱՆ, 15 օգոստոսի – Sputnik. Նովոսիբիրսկի կենդանաբանական այգում պումաների զույգի՝ Միչիգանի և Էրիի ընտանիքում միանգամից երեք ձագ է ծնվել։ Կենդանաբանական այգուց հաղորդում են, որ բոլոր փոքրիկները էգ են։Փոքրիկները ծնվել են հուլիսի 6-ին։ Նրանք արդեն անասնաբուժական զննում են անցել, չիպեր են ստացել և մասնագետների մշտական հսկողության տակ են։ Առայժմ փոքրիկները սնվում են բացառապես մայրական կաթով և գրեթե ամբողջ ժամանակն անցկացնում են Էրիի կողքին։Արտաքուստ ձագերը նկատելիորեն տարբերվում են հասուն պումաներից։ Նրանց մորթին պատված է մուգ բծերով, թաթերին նկատելի են գծեր, իսկ պոչերին՝ բնորոշ օղակներ։ Այդպիսի գունավորումն օգնում է ձագերին քողարկվել և մեծացնում է նրանց գոյատևման հավանականությունը վայրի բնության մեջ։Բծերը սկսում են աստիճանաբար անհետանալ 6-9 ամսական հասակում, սակայն վերջնական հասուն գունավորումը կարող է ձևավորվել միայն երկու տարեկանում։Էրին ինքնուրույն է խնամում ձագերին և գրեթե չի հեռանում փոքրիկներից։ Ձագերի հայրը՝ Միչիգանը, նրանց դաստիարակությանը չի մասնակցում, ինչը լիովին բնական է այս տեսակի համար․ պումաները առանձնացված կյանք են վարում և զույգեր են կազմում գերազանցապես բազմացման շրջանում։Էրին ու Միչիգանը Նովոսիբիրսկի կենդանաբանական այգում են հայտնվել 2023 թվականին։ Կենդանիները ամբողջ տարին գտնվում են բացօթյա ազատավանդակներում։Կենդանաբանական այգում նաև նշել են, որ այսօր պուման դասվում է կատվազգիների ընտանիքի «ամենաբարեկեցիկ» ներկայացուցիչների շարքին․ բնության մեջ տեսակի թվաքանակը կայուն է մնում։
Մայրը՝ Էրին, ինքնուրույն է խնամում ձագերին և գրեթե չի հեռանում փոքրիկներից։ Փոքրիկ պումաների հայրը՝ Միչիգանը, նրանց դաստիարակությանը չի մասնակցում, ինչը լիովին բնական է այս տեսակի համար։
ԵՐԵՎԱՆ, 15 օգոստոսի – Sputnik. Նովոսիբիրսկի կենդանաբանական այգում պումաների զույգի՝ Միչիգանի և Էրիի ընտանիքում միանգամից երեք ձագ է ծնվել։ Կենդանաբանական այգուց հաղորդում են, որ բոլոր փոքրիկները էգ են։
Փոքրիկները ծնվել են հուլիսի 6-ին։ Նրանք արդեն անասնաբուժական զննում են անցել, չիպեր են ստացել և մասնագետների մշտական հսկողության տակ են։ Առայժմ փոքրիկները սնվում են բացառապես մայրական կաթով և գրեթե ամբողջ ժամանակն անցկացնում են Էրիի կողքին։
Արտաքուստ ձագերը նկատելիորեն տարբերվում են հասուն պումաներից։ Նրանց մորթին պատված է մուգ բծերով, թաթերին նկատելի են գծեր, իսկ պոչերին՝ բնորոշ օղակներ։ Այդպիսի գունավորումն օգնում է ձագերին քողարկվել և մեծացնում է նրանց գոյատևման հավանականությունը վայրի բնության մեջ։
Բծերը սկսում են աստիճանաբար անհետանալ 6-9 ամսական հասակում, սակայն վերջնական հասուն գունավորումը կարող է ձևավորվել միայն երկու տարեկանում։
Էրին ինքնուրույն է խնամում ձագերին և գրեթե չի հեռանում փոքրիկներից։ Ձագերի հայրը՝ Միչիգանը, նրանց դաստիարակությանը չի մասնակցում, ինչը լիովին բնական է այս տեսակի համար․ պումաները առանձնացված կյանք են վարում և զույգեր են կազմում գերազանցապես բազմացման շրջանում։
Էրին ու Միչիգանը Նովոսիբիրսկի կենդանաբանական այգում են հայտնվել 2023 թվականին։ Կենդանիները ամբողջ տարին գտնվում են բացօթյա ազատավանդակներում։
Կենդանաբանական այգում նաև նշել են, որ այսօր պուման դասվում է կատվազգիների ընտանիքի «ամենաբարեկեցիկ» ներկայացուցիչների շարքին․ բնության մեջ տեսակի թվաքանակը կայուն է մնում։
