https://arm.sputniknews.ru/20260813/pashinjany-hastatec-adrbejanci-masnagetnery-verlutsutjun-en-katarel-hh-taratsqum-105729986.html

Փաշինյանը հաստատեց` ադրբեջանցի մասնագետները վերլուծություն են կատարել ՀՀ տարածքում

Փաշինյանը հաստատեց` ադրբեջանցի մասնագետները վերլուծություն են կատարել ՀՀ տարածքում

Sputnik Արմենիա

Նիկոլ Փաշինյանի խոսքով` ՀՀ–ն Ադրբեջանի հետ կարող է ունենալ գործակցություն էլեկտրաէներգիայի արտահանման ու ներմուծման մասով։ 13.08.2026, Sputnik Արմենիա

2026-08-13T12:50+0400

2026-08-13T12:50+0400

2026-08-13T13:05+0400

հայաստան

նիկոլ փաշինյան

ատոմակայան

ադրբեջան

իլհամ ալիև

https://cdn.am.sputniknews.ru/img/07ea/08/0d/105732328_0:0:1281:720_1920x0_80_0_0_e6f3b5da07fbe376c8fdb0ea00b38406.jpg

ԵՐԵՎԱՆ, 13 օգոստոսի – Sputnik. ՀՀ վարչապետ Նիկոլ Փաշինյանը հաստատեց, որ ադրբեջանցի մասնագետները վերլուծություն են կատարել Հայաստանի տարածքում։ Նա այդ մասին ասաց կառավարության նիստից հետո լրագրողների հետ զրույցումԱդրբեջանի նախագահն Իլհամ Ալիևը օգոստոսի 11-ին հարցազրույց է տվել, որում անդրադարձել է նաև էներգետիկ ոլորտին` նշելով, որ TRIPP-ի շրջանակում ադրբեջանցի մասնագետները վերլուծություն են կատարել Հայաստանի տարածքում և որոշել այն վայրերը, որտեղ կարող են տեղադրվել էլեկտրահաղորդման գծերի հենարանները։Փաշինյանը նշեց, որ Ադրբեջանի նախագահ Իլհամ Ալիևի հայտարարության մեջ նորություն չկա։Նրա խոսքով՝ 2025 թվականի սեպտեմբերի 5–ին և 2026 թվականի հունվարին այդ մասին հաղորդագրություն է տարածվել։«Բոլոր քննարկումները եղել են այդ քննարկումների ընթացքում, բնականաբար մենք նախկինում ասել ենք, որ էլեկտրահաղորդման գծեր, խողովակաշարեր, մալուխներ, երկաթգիծ ունենալու թեմաներով աշխատում են, երկկողմ աշխատանք է տեղի ունենում»,– ասաց Փաշինյանը։Նա անդրադարձավ նաև Ալիևի այն հայտարարությանը, թե Հայաստանին էներգետիկ ճգնաժամ է սպասում ԱԷԿ-ի փակումից հետո, և Բաքուն պատրաստ է էլեկտրաէներգիայի լրացուցիչ աղբյուր ապահովել ճգնաժամից խուսափելու համարՓաշինյանը հայտարարեց, թե սա ևս նորություն չէ, քանի որ ԱԷԿ-ի շահագործման դադարեցման թեման արձանագրված է նաև միջազգային պայմանագրերում, որոնք կնքվել են դեռևս մինչ իր պաշտոնավարումը։Ինչ վերաբերում է Ադրբեջանի հետ էներգետիկ առևտրին, Փաշինյանը նշեց, որ պետք է երկու ուղղություն հաշվի առնել։«Բոլորովին վերջերս մենք խոսում էինք, որ Հայաստանում էներգետիկ ավելցուկ կա, սակայն հիմա պետք է խոսենք նրա մասին, որ ՀՀ–ն կարող է ունենալ էլեկտրաէներգիայի լրացուցիչ պահանջարկ, քանի որ մեծ տեմպերով զարգանում են արհեստական բանականության գործարանները, որոնք մեր պատկերացումներից անդին էլեկտրաէներգիայի ծավալներ են սպառում»,– ասաց Փաշինյանը։Միևնույն ժամանակ վարչապետը հայտարարեց, որ ՀՀ ռազմավարությունը 100-տոկոսանոց էներգետիկ անկախություն ունենալն է, սակայն դա չի ենթադրում, թե Հայաստանը դուրս է մնալու էներգետիկ միջազգային առևտրի շուկայից։«Երբեմն կարող ենք արտահանել, երբեմն՝ ներմուծել, այդ թվում՝ Ադրբեջանի հետ կարող ենք ունենալ գործակցություն էլեկտրաէներգիայի արտահանման ու ներմուծման մասով»,– նշեց Փաշինյանը։Հիշեցնենք` ՀՀ վարչապետ Նիկոլ Փաշինյանն ու Ադրբեջանի նախագահ Իլհամ Ալիևը 2025 թվականի օգոստոսի 8-ին Վաշինգտոնում ստորագրեցին 7 կետից բաղկացած համատեղ հռչակագիր, որով նախատեսվում է Հայաստանի հարավային հատվածով (Սյունիքի մարզ) ռազմավարական տարանցիկ ճանապարհ ստեղծել, որը կկոչվի «Թրամփի ուղի» (TRIPP) և Ադրբեջանին առևտրային հասանելիություն կապահովի դեպի Նախիջևան:Հայաստանի և Ադրբեջանի արտգործնախարարներ Արարատ Միրզոյանն ու Ջեյհուն Բայրամովն էլ Հայաստանի, Ադրբեջանի և ԱՄՆ ղեկավարների ներկայությամբ նախաստորագրեցին «Հայաստանի Հանրապետության և Ադրբեջանի Հանրապետության միջև խաղաղության և միջպետական հարաբերությունների հաստատման մասին» համաձայնագիրը։Փաշինյանը սեպտեմբերի 11-ին հայտարարեց, որ ՀՀ–ն ոչ թե 99 տարով հողը վարձակալության է տալիս ամերիկյան կողմին, այլ տալիս է կառուցապատման իրավունք։2026 թվականի հունվարի 14-ին հրապարակվեց«Թրամփի ուղի՝ հանուն միջազգային խաղաղության և բարգավաճման» նախագծի (TRIPP) իրականացման շրջանակը։

ադրբեջան

2026

Լուրեր

am_HY

հայաստան, նիկոլ փաշինյան, ատոմակայան, ադրբեջան, իլհամ ալիև, видео