Օրհնված խաղող, հացի ծես և ազգային տարազ. հոգևորն ու էթնիկը կմիավորվեն «Երազ» այգում
18:19 13.08.2026 (Թարմացված է: 18:27 13.08.2026)
© Sputnik
Բաժանորդագրվել
«Տարազ Ֆեստ» փառատոնի համակարգող Ալլա Պողոսյանը և կազմակերպիչ Նարե Զաքարյանը «Ուրիշ նորություններ» հաղորդման շրջանակում ներկայացրել են արդեն ավանդական դարձած փառատոնի այս տարվա հագեցած ծրագիրը։
Փառատոնն անցկացվելու է օգոստոսի 16-ին «Երազ» այգում՝ միահյուսվելով հոգևոր կարևորագույն տոներից մեկի՝ Աստվածամոր Վերափոխման (Խաղողօրհնեքի) հետ։
«Թե՛ «Տարազ Ֆեստը», թե՛ Աստվածամոր Վերափոխման տոնը մեզ համար շատ կարևոր են։ Այս հոգևոր տոնը մեր հեղինակային և կարևորագույն ծրագրերից մեկի հետ կապելը մեծ պատիվ է», - նշում է Ալլա Պողոսյանը։
«Թե՛ «Տարազ Ֆեստը», թե՛ Աստվածամոր Վերափոխման տոնը մեզ համար շատ կարևոր են։ Այս հոգևոր տոնը մեր հեղինակային և կարևորագույն ծրագրերից մեկի հետ կապելը մեծ պատիվ է», - նշում է Ալլա Պողոսյանը։
Միջոցառման գլխավոր իրադարձություններից է լինելու ազգային հավաքածուների և էթնո-նորաձևության 6 ցուցադրությունները, որտեղ Տերյան կենտրոնի և «ՏարազԱրտ» բրենդի կողքին իրենց աշխատանքները կներկայացնեն նաև կենտրոնում կրթված երիտասարդ դիզայներները:
«Մեր մշակույթն է, մեր արյան մեջ է։ Քանի որ էթնո-բրենդերի միջոցով ավանդական հագուստի տարրերը դարձել են ավելի արդի, կրելի ու ժամանակակից, ինչո՞ւ չկրել մերը առօրյայում», - ասում է Նարե Զաքարյանը։
«Մեր մշակույթն է, մեր արյան մեջ է։ Քանի որ էթնո-բրենդերի միջոցով ավանդական հագուստի տարրերը դարձել են ավելի արդի, կրելի ու ժամանակակից, ինչո՞ւ չկրել մերը առօրյայում», - ասում է Նարե Զաքարյանը։
Փառատոնը, որը «Տերյան» մշակութային կենտրոնի հեղինակային ու առանցքային նախագծերից է, այս տարի մեկնարկելու է ժամը 18:00-ին. այգում կկատարվի խաղողօրհնության սրբազան կարգը, որին կհաջորդի հացի ծեսի թատերականացված բեմականացումը՝ «Նավակատիկ» մշակութային կենտրոնի և «Մասունք» ազգային երգի-պարի համույթի կատարմամբ: Հյուրերը հնարավորություն կունենան մասնակցելու թաղիքագործության, կարպետագործության, կերամիկայի նկարչության, գլխազարդերի պատրաստման, ինչպես նաև դաջազարդման անվճար վարպետաց դասերին, ցանկության դեպքում կլուսանկարվեն ավանդական տարազներով հատուկ ֆոտոզոնայում, ժամը 19:30-ին շուրջպար կլինի, իսկ երեկոն ժամը 21:00-ին կեզրափակի «Ethno Colors» խումբը:
