https://arm.sputniknews.ru/20260811/evs-mek-mijazgajin-federacia-rd-marziknerin-tujlatrel-e-handes-gal-drvoshvov-u-orhnergvov-105652942.html

Եվս մեկ միջազգային ֆեդերացիա ՌԴ մարզիկներին թույլատրել է հանդես գալ դրոշով ու օրհներգով

Եվս մեկ միջազգային ֆեդերացիա ՌԴ մարզիկներին թույլատրել է հանդես գալ դրոշով ու օրհներգով

Sputnik Արմենիա

Գործող սահմանափակումը, որի համաձայն՝ ՌԴ և Բելառուսի մարզիկները մասնակցում են չեզոք կարգավիճակով, կպահպանվի մինչև 2026 թվականի դեկտեմբերի 31-ը։ 11.08.2026, Sputnik Արմենիա

2026-08-11T17:38+0400

2026-08-11T17:38+0400

2026-08-11T17:38+0400

ռուսաստան

սպորտ

https://cdn.am.sputniknews.ru/img/429/59/4295914_0:173:3026:1875_1920x0_80_0_0_46e8897a538c883efdb41b2a4015ef78.jpg

ԵՐԵՎԱՆ, 11 օգոստոսի - Sputnik. Կանոեի միջազգային ֆեդերացիան (Paddle Worldwide) որոշել է 2027 թվականի հունվարի 1-ից հանել միջազգային մրցումներին Ռուսաստանի և Բելառուսի մարզիկների մասնակցության սահմանափակումները։ Այս մասին հայտնում է ՌԻԱ Նովոստին։Գործող սահմանափակումը, որի համաձայն՝ ՌԴ և Բելառուսի մարզիկները մասնակցում են չեզոք կարգավիճակով, կպահպանվի մինչև 2026 թվականի դեկտեմբերի 31-ը։Բացառություններ հնարավոր են այն մրցաշարերի համար, որոնց անցկացման իրավունքը տրված է մինչև 2027 թվականի հունվարի 1-ը: Եթե տեղական օրենսդրությունը կամ իշխանությունների պարտադիր որոշումները թույլ չեն տալիս Ռուսաստանի և Բելառուսի մարզիկներին լիարժեք ներկայացնել իրենց երկրները, նրանք պաշտոնական արարողությունների ժամանակ հանդես կգան առանց ազգային դրոշների և օրհներգերի: Ավելի խիստ սահմանափակումների դեպքում նախատեսվում է մասնակցություն չեզոք կարգավիճակով։Paddle Worldwide-ի որոշումը հաջորդել է Միջազգային օլիմպիական կոմիտեի գործադիր կոմիտեի որոշմանը, որը 2026 թվականի հուլիսի 7-ին ժամանակավորապես վերականգնել է Ռուսաստանի օլիմպիական կոմիտեի կարգավիճակը և չեղյալ հայտարարել ՌԴ մարզիկների նկատմամբ սահմանափակումների վերաբերյալ միջազգային մարզական ֆեդերացիաների առաջարկությունները:

2026

Լուրեր

am_HY

ռուսաստան, սպորտ