Ալիևն ու Փաշինյանը հեռախոսազրույց են ունեցել. ի՞նչ են քննարկել
12:22 08.08.2026 (Թարմացված է: 12:56 08.08.2026)
© Photo : press office of the Prime Minister of RA
Բաժանորդագրվել
Նշվում է, որ Փաշինյանն ու Ալիևը կարևորել են խաղաղ գործընթացն առաջ մղելու և տևական խաղաղություն ապահովելու ուղղությամբ ջանքերի շարունակումը: Հայկական կողմը դեռևս պաշտոնապես չի հայտնել տեղի ունեցած զրույցի մասին։
ԵՐԵՎԱՆ, 8 օգոստոսի - Sputnik. Ադրբեջանի նախագահ Իլհամ Ալիևը և Հայաստանի վարչապետ Նիկոլ Փաշինյանը հեռախոսազրույց են ունեցել: Այս մասին հայտնում է Ադրբեջանի նախագահի մամուլի ծառայությունը:
«Հեռախոսազրույցի ընթացքում կողմերը մտքեր են փոխանակել TRIPP երթուղու իրականացման շուրջ՝ ըստ Վաշինգտոնում ձեռք բերված պայմանավորվածությունների», - ասված է հաղորդագրության մեջ:
Ադրբեջանի նախագահի մամուլի ծառայության հաղորգդագրության համաձայն՝ կողմերը մտքեր են փոխանակել 2025 թվականի օգոստոսի 8-ին ԱՄՆ նախագահ Դոնալդ Թրամփի աջակցությամբ տեղի ունեցած՝ խաղաղության վաշինգտոնյան գագաթաժողովի առաջին տարեդարձի կապակցությամբ։
Զրույցի ընթացքում ընդգծվել է երկու երկրների միջև առևտրատնտեսական կապերի զարգացումը՝ որպես խաղաղության առավելությունների ակնառու դրսևորում: Այս համատեքստում կողմերը նշել են ադրբեջանական նավթամթերքի արտահանումը Հայաստան, ինչպես նաև տարանցիկ բեռների փոխադրումը Ադրբեջանի տարածքով Հայաստան և Հայաստանից դեպի այլ ուղղություններ:
Կողմերը կարևորել են նաև տարածաշրջանում խաղաղ գործընթացի առաջմղման և ամուր խաղաղության, կայունության, տրանսպորտային-լոգիստիկ փոխկապակցվածության և տնտեսական համագործակցության ապահովմանն ուղղված ջանքերի շարունակումը:
Թարմացում. կես ժամ անց հաղորդագրություն տարածեց նաև ՀՀ վարչապետի մամուլի ծառայությունը` հստակեցնելով, որ հեռախոսազրույցը կայացել է հայկական կողմի նախաձեռնությամբ։
Հիշեցնենք` ՀՀ վարչապետ Նիկոլ Փաշինյանն ու Ադրբեջանի նախագահ Իլհամ Ալիևը 2025 թվականի օգոստոսի 8-ին Վաշինգտոնում ստորագրեցին 7 կետից բաղկացածհամատեղ հռչակագիր, որով նախատեսվում է Հայաստանի հարավային հատվածով (Սյունիքի մարզ) ռազմավարական տարանցիկճանապարհստեղծել, որը կկոչվի «Թրամփի ուղի» (TRIPP) և Ադրբեջանին առևտրային հասանելիություն կապահովի դեպի Նախիջևան:
Հիշեցնենք` ՀՀ վարչապետ Նիկոլ Փաշինյանն ու Ադրբեջանի նախագահ Իլհամ Ալիևը 2025 թվականի օգոստոսի 8-ին Վաշինգտոնում ստորագրեցին 7 կետից բաղկացածհամատեղ հռչակագիր, որով նախատեսվում է Հայաստանի հարավային հատվածով (Սյունիքի մարզ) ռազմավարական տարանցիկճանապարհստեղծել, որը կկոչվի «Թրամփի ուղի» (TRIPP) և Ադրբեջանին առևտրային հասանելիություն կապահովի դեպի Նախիջևան:
Հայաստանի և Ադրբեջանի արտգործնախարարներ Արարատ Միրզոյանն ու Ջեյհուն Բայրամովն էլ Հայաստանի, Ադրբեջանի և ԱՄՆ ղեկավարների ներկայությամբ նախաստորագրեցին «Հայաստանի Հանրապետության և Ադրբեջանի Հանրապետության միջև խաղաղության և միջպետական հարաբերությունների հաստատման մասին»համաձայնագիրը։
Փաշինյանը սեպտեմբերի 11-ին հայտարարեց, որ ՀՀ–ն ոչ թե 99 տարով հողը վարձակալության է տալիս ամերիկյան կողմին, այլ տալիս է կառուցապատման իրավունք։
2026 թվականի հունվարի 14-ին հրապարակվեց«Թրամփի ուղի՝ հանուն միջազգային խաղաղության և բարգավաճման» նախագծի (TRIPP) իրականացման շրջանակը։
2026 թվականի հունվարի 14-ին հրապարակվեց«Թրամփի ուղի՝ հանուն միջազգային խաղաղության և բարգավաճման» նախագծի (TRIPP) իրականացման շրջանակը։
