https://arm.sputniknews.ru/20260807/tatevi-nakhkin-ghekavaric-44-mln-dram-kbrnagandzvi-datakhazutjan-hajcy-bavararvel-e-105537956.html

Տաթևի նախկին ղեկավարից 4,4 մլն դրամ կբռնագանձվի․ դատախազության հայցը բավարարվել է

Տաթևի նախկին ղեկավարից 4,4 մլն դրամ կբռնագանձվի․ դատախազության հայցը բավարարվել է

Sputnik Արմենիա

Դատախազությունը պնդում է, թե համայնքային էքսկավատորը Մուրադ Սիմոնյանը տվել է ՍՊԸ-ի, իսկ շահագործումից ստացված գումարի մի մասը հափշտակել։ 07.08.2026, Sputnik Արմենիա

2026-08-07T17:41+0400

2026-08-07T17:41+0400

2026-08-07T17:47+0400

տաթև

համայնքի ղեկավար

հափշտակություն

https://cdn.am.sputniknews.ru/img/07e5/09/12/33417431_0:168:1600:1068_1920x0_80_0_0_61c0068d12a6d0c959e7e31c7fe0cab6.jpg

ԵՐԵՎԱՆ, 7 օգոստոսի – Sputnik. Սյունիքի մարզի Տաթև համայնքի նախկին ղեկավար Մուրադ Սիմոնյանից՝ որպես պետությանը պատճառված վնասի հատուցում, կբռնագանձվի ավելի քան 4,4 մլն դրամ։ Տեղեկությունը հայտնում է ՀՀ դատախազությունը։Դատախազությունից պնդում են, թե Սիմոնյանը համայնքային սեփականություն հանդիսացող էքսկավատորը 2018-2020 թվականներին տրամադրել է ՍՊԸ-ի ու շահագործումից ստացված 13 մլն 600 հազար դրամից 4 միլիոն 454 հազար դրամը հափշտակել է։ Դատախազությունը Հակակոռուպցիոն դատարան հայցը ներկայացրել էր մարտի 31-ին:Հիշեցնենք, որ դեռ 2023 թվականից Մուրադ Սիմոնյանը մեղադրվում է յուրացնելու կամ վատնելու, նույն արարքը խոշոր չափերով կատարելու, պաշտոնեական լիազորությունները չարաշահելու և նույն արարքը կատարելու մեջ, որն անզգուշությամբ ծանր հետևանքներ է առաջացրել։ Նրա նկատմամբ հետախուզում էր հայտարարվել ու 2023 թվականի հունվարի 14-ին Մուրադ Սիմոնյանը Մոսկվա-Երևան չվերթով տեղափոխվել էր Հայաստան, և «Զվարթնոց» օդանավակայանից նրան տարել էին Գորիսի ՔԿՀ։ Որոշ ժամանակ անց, նրա նկատմամբ կիրառված խափանման միջոցը փոխվել է, այժմ Սիմոնյանն ազատության մեջ է։

տաթև

2026

Լուրեր

am_HY

տաթև , համայնքի ղեկավար, հափշտակություն