https://arm.sputniknews.ru/20260803/bta-nakharar-e-nshanakvel-davit-tadevvosjany-105377619.html

ԲՏԱ նախարար է նշանակվել Դավիթ Թադևոսյանը. կառավարության մյուս անդամները վերանշանակվել են

ԲՏԱ նախարար է նշանակվել Դավիթ Թադևոսյանը. կառավարության մյուս անդամները վերանշանակվել են

Sputnik Արմենիա

Դավիթ Թադևոսյանն այս պաշտոնում փոխարինել է Մխիթար Հայրապետյանին։ 03.08.2026, Sputnik Արմենիա

2026-08-03T17:01+0400

2026-08-03T17:01+0400

2026-08-03T17:18+0400

հհ բարձր տեխնոլոգիական արդյունաբերության նախարար

նախարար

մխիթար հայրապետյան

դավիթ թադևոսյան

https://cdn.am.sputniknews.ru/img/07ea/08/01/105292894_0:126:1500:970_1920x0_80_0_0_3e33475c80ef1ee04225559e72aea449.jpg

ԵՐԵՎԱՆ, 3 օգոստոսի – Sputnik. ՀՀ բարձր տեխնոլոգիական արդյունաբերության նախարար է նշանակվել «Միջազգային ռադիոցանց» ՓԲԸ տնօրենի պաշտոնակատար Դավիթ Թադևոսյանը: Համապատասխան հրամանագիրը ստորագրել է ՀՀ նախագահ Վահագն Խաչատուրյանը։Թադևոսյանը նոր կառավարության միակ նոր նախարարն է. նա փոխարինել է Մխիթար Հայրապետյանին։Նախագահի ստորագրած համաձայնագրերից պարզ է դառնում, որ կառավարության մյուս անդամները` թե՛ նախարարնեըը, թե՛ փոխվարչապետները վերանշանակվել են։Հիշեցնենք, որ հուլիսի 9-ին կայացած կառավարության նիստի ժամանակ ՀՀ վարչապետ Նիկոլ Փաշինյանը հայտարարեց, որ ՀՀ բարձր տեխնոլոգիական արդյունաբերության նախարար Մխիթար Հայրապետյանը չի վերանշանակվի, չնայած, որ հունիսի 25-ին էլ հայտարարել էր, թե կառավարության կազմում փոփոխություններ չի նախատեսում։ ԶԼՄ–ներն էլ գրում են, որ Փաշինյանն ու Հայրապետյանը լուրջ տարաձայնություններ ունեն` IMEI կոդերի միասնական համակարգի ներդրման գործընթացի շուրջ։ Նշվում է, թե Փաշինյանը հայտարարել է, որ նախարարը թերացել է այս համակարգի ներդրման գործընթացի կազմակերպման հարցում։ Խոսվում էր նաև, որ տարեվերջին Հայաստանի ֆուտբոլի ֆեդերացիայի ընտրություններում Հայրապետյանը կարող է առաջադրվել որպես ՀՖՖ նախագահ։ Ներկայիս ղեկավարն արդեն հայտարարել է, որ չի առաջադրվի հաջորդ ընտրությանը։

2026

Լուրեր

am_HY

հհ բարձր տեխնոլոգիական արդյունաբերության նախարար, նախարար, մխիթար հայրապետյան, դավիթ թադևոսյան