https://arm.sputniknews.ru/20260726/sracum-irani-ev-amn-i-mijev-karevvorn-ajs-zhamin-105062720.html
Սրացում Իրանի և ԱՄՆ-ի միջև. կարևորն այս ժամին
Սրացում Իրանի և ԱՄՆ-ի միջև. կարևորն այս ժամին
Sputnik Արմենիա
ԱՄՆ-ի և Իրանի միջև լարվածությունը շարունակվում է։ 26.07.2026, Sputnik Արմենիա
2026-07-26T10:20+0400
2026-07-26T10:20+0400
2026-07-26T10:21+0400
տեսանյութեր
իրանի իսլամական հանրապետություն
ամն
պատերազմ
հորմուզի նեղուց
https://cdn.am.sputniknews.ru/img/07ea/07/1a/105061206_0:0:1920:1080_1920x0_80_0_0_29a4df3702ddf6d294188da67a19de86.jpg
Իրանի դեմ ԱՄՆ ռազմածովային շրջափակումը շարունակում է մնալ ուժի մեջ, հայտնել է ԱՄՆ Կենտրոնական հրամանատարությունը։«Իրանի դեմ ԱՄՆ ռազմածովային շրջափակումը շարունակում է լիարժեք ուժի մեջ մնալ։ Հուլիսի 25-ի դրությամբ, ամերիկյան կողմը 12 առևտրային նավ է առգրավել և շարքից հանել ևս երկուսը», - ասվում է CENTCOM-ի X սոցիալական մեդիա հարթակում տեղադրված հայտարարության մեջ։Մասնավորապես, հուլիսի 24-ին, CENTCOM-ը Օմանի ծոցում կալանել է Մոզամբիկի դրոշի ներքո նավարկող «Lavine» նավը, այն բանից հետո, երբ «անձնակազմը բազմիցս փորձել է խախտել շրջափակումը և անտեսել է նախազգուշացումները»։Իրանի պետական IRIB հեռարձակողը հայտնում է, երկրի արտաքին գործերի նախարարությունը բողոքի նոտա է հղել Ուկրաինայի գործերի ժամանակավոր հավատարմատարին՝ կապված Ուկրաինայի զինված ուժերի կողմից իրանական առևտրային նավի վրա հարվածի հետ։Իր հերթին, Իրանի ԻՀՊԿ-ն հայտարարել է, որ հրադադարի ավարտից ի վեր ԱՄՆ ռազմական օբյեկտների վրա հարվածների հետևանքով զոհվել է ավելի քան 200 ամերիկացի զինվոր։ Վերջին երկու շաբաթների ընթացքում հարվածներ են հասցվել նաև ԱՄՆ տասնյակ կարևոր ռազմական ենթակառուցվածքների, այդ թվում՝ կործանիչների և ռազմական պահեստների։ԻՀՊԿ-ն սպառնացել է հարվածել Մեծ Բրիտանիային, եթե այն աջակցի ԱՄՆ ռազմական գործողությանը։Իրանի հեղափոխության պահապանների կորպուսի (ԻՀՊԿ) խոսնակ գեներալ Հոսեյն Մոհեբին հայտարարել է, որ Մեծ Բրիտանիան, Պարսից ծոցի երկրները և ԱՄՆ-ին ռազմական աջակցություն ցուցաբերող ցանկացած այլ պետություն Իրանի կողմից կհամարվեն օրինական ռազմական թիրախներ։ Նրա խոսքով՝ Թեհրանը առանձին գործողությունների սցենարներ է պատրաստել իրադարձությունների ցանկացած հնարավոր զարգացման համար։Հիշեցնենք` Թեհրանն ու Վաշինգտոնը հունիսի 18-ի գիշերը հուշագիր ստորագրեցին, որը փետրվարի 28-ին սկսված հակամարտության ավարտ էր ենթադրում, սակայն ԱՄՆ զինվորականները հուլիսի 8-ի լույս 9-ի գիշերը հզոր հարվածների շարք սկսեցին Իրանի ուղղությամբ։ ԱՄՆ ԶՈւ կենտրոնական հրամանատարությունը հայտարարեց, թե դա իբր արվել է ի պատասխան Հորմուզի նեղուցով անցնող առևտրային նավերի դեմ Իրանի գործողությունների։Հուլիսի 8-ին Անկարայում ՆԱՏՕ-ի գագաթնաժողովի ժամանակ ԱՄՆ նախագահ Դոնալդ Թրամփը հայտարարեց, որ Իրանի հետ հրադադարն ավարտվել է: Հուլիսի 12-ի գիշերը ամերիկյան ուժերը հարձակվեցին Իրանում, Պարսից ծոցի ափերի երկայնքով և Հորմուզի նեղուցում գտնվող շուրջ 140 թիրախների վրա։ Իրանի Մեջլիսի խոսնակ Բաղեր Ղալիբաֆն իր հերթին հայտարարեց, որ միակողմանի գործարքների դարաշրջանն ավարտվել է, և զգուշացրեց` եթե ԱՄՆ–ն չպահպանի հրադադարի համաձայնագրի պայմանները, պատասխանը չի ուշանա։
իրանի իսլամական հանրապետություն
ամն
հորմուզի նեղուց
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Центральное командование США опубликовало видео морской блокады Ирана
Sputnik Արմենիա
Центральное командование США опубликовало видео морской блокады Ирана
2026-07-26T10:20+0400
true
PT0M41S
Sputnik Արմենիա
media@sputniknews.com
+74956456601
MIA „Rossiya Segodnya“
տեսանյութեր, видео, իրանի իսլամական հանրապետություն, ամն, պատերազմ, հորմուզի նեղուց
տեսանյութեր, видео, իրանի իսլամական հանրապետություն, ամն, պատերազմ, հորմուզի նեղուց
Սրացում Իրանի և ԱՄՆ-ի միջև. կարևորն այս ժամին
10:20 26.07.2026 (Թարմացված է: 10:21 26.07.2026) ԱՄՆ-ի և Իրանի միջև լարվածությունը շարունակվում է։
Իրանի դեմ ԱՄՆ ռազմածովային շրջափակումը շարունակում է մնալ ուժի մեջ, հայտնել է ԱՄՆ Կենտրոնական հրամանատարությունը։
«Իրանի դեմ ԱՄՆ ռազմածովային շրջափակումը շարունակում է լիարժեք ուժի մեջ մնալ։ Հուլիսի 25-ի դրությամբ, ամերիկյան կողմը 12 առևտրային նավ է առգրավել և շարքից հանել ևս երկուսը», - ասվում է CENTCOM-ի X սոցիալական մեդիա հարթակում տեղադրված հայտարարության մեջ։
Մասնավորապես, հուլիսի 24-ին, CENTCOM-ը Օմանի ծոցում կալանել է Մոզամբիկի դրոշի ներքո նավարկող «Lavine» նավը, այն բանից հետո, երբ «անձնակազմը բազմիցս փորձել է խախտել շրջափակումը և անտեսել է նախազգուշացումները»։
CENTCOM-ում ընդգծել են, թե ԱՄՆ ուժերը բարձր զգոնության և մարտական պատրաստության մեջ։ Միևնույն ժամանակ, «The New York Times»-ը հաղորդում է, որ ԱՄՆ նախագահ Դոնալդ Թրամփը հետաձգել է Իրանի դեմ ռազմական արշավը սրելու ծրագրերը՝ Մերձավոր Արևելքում «Patriot» հրթիռների և այլ հակաօդային պաշտպանության համակարգերի համար նախատեսված զինամթերքի սպառման վտանգի պատճառով։
Իրանի պետական IRIB հեռարձակողը հայտնում է, երկրի արտաքին գործերի նախարարությունը բողոքի նոտա է հղել Ուկրաինայի գործերի ժամանակավոր հավատարմատարին՝ կապված Ուկրաինայի զինված ուժերի կողմից իրանական առևտրային նավի վրա հարվածի հետ։
Իր հերթին, Իրանի ԻՀՊԿ-ն հայտարարել է, որ հրադադարի ավարտից ի վեր ԱՄՆ ռազմական օբյեկտների վրա հարվածների հետևանքով զոհվել է ավելի քան 200 ամերիկացի զինվոր։ Վերջին երկու շաբաթների ընթացքում հարվածներ են հասցվել նաև ԱՄՆ տասնյակ կարևոր ռազմական ենթակառուցվածքների, այդ թվում՝ կործանիչների և ռազմական պահեստների։
ԻՀՊԿ-ն սպառնացել է հարվածել Մեծ Բրիտանիային, եթե այն աջակցի ԱՄՆ ռազմական գործողությանը։
Իրանի հեղափոխության պահապանների կորպուսի (ԻՀՊԿ) խոսնակ գեներալ Հոսեյն Մոհեբին հայտարարել է, որ Մեծ Բրիտանիան, Պարսից ծոցի երկրները և ԱՄՆ-ին ռազմական աջակցություն ցուցաբերող ցանկացած այլ պետություն Իրանի կողմից կհամարվեն օրինական ռազմական թիրախներ։ Նրա խոսքով՝ Թեհրանը առանձին գործողությունների սցենարներ է պատրաստել իրադարձությունների ցանկացած հնարավոր զարգացման համար։
Հիշեցնենք` Թեհրանն ու Վաշինգտոնը հունիսի 18-ի գիշերը
հուշագիր ստորագրեցին, որը փետրվարի 28-ին սկսված հակամարտության ավարտ էր ենթադրում, սակայն ԱՄՆ զինվորականները հուլիսի 8-ի լույս 9-ի գիշերը հզոր հարվածների շարք սկսեցին Իրանի ուղղությամբ։ ԱՄՆ ԶՈւ կենտրոնական հրամանատարությունը հայտարարեց, թե դա իբր արվել է ի պատասխան Հորմուզի նեղուցով անցնող առևտրային նավերի դեմ Իրանի գործողությունների։
Հուլիսի 8-ին Անկարայում ՆԱՏՕ-ի գագաթնաժողովի ժամանակ ԱՄՆ նախագահ Դոնալդ Թրամփը հայտարարեց, որ Իրանի հետ հրադադարն ավարտվել է: Հուլիսի 12-ի գիշերը ամերիկյան ուժերը հարձակվեցին Իրանում, Պարսից ծոցի ափերի երկայնքով և Հորմուզի նեղուցում գտնվող շուրջ 140 թիրախների վրա։ Իրանի Մեջլիսի խոսնակ Բաղեր Ղալիբաֆն իր հերթին հայտարարեց, որ միակողմանի գործարքների դարաշրջանն ավարտվել է, և զգուշացրեց` եթե ԱՄՆ–ն չպահպանի հրադադարի համաձայնագրի պայմանները, պատասխանը չի ուշանա։
