https://arm.sputniknews.ru/20260726/ogvostvosin-teghi-kunenan-mi-qani-nshanakali-astghagitakan-erevujtner-azizjan-105066957.html
Օգոստոսին տեղի կունենան մի քանի նշանակալի աստղագիտական երևույթներ. Ազիզյան
Օգոստոսին տեղի կունենան մի քանի նշանակալի աստղագիտական երևույթներ. Ազիզյան
Sputnik Արմենիա
Օգոստոսի 12–ի լույս 13–ի գիշերը երկնքում տեսանելի կլինի մոլորակների շքերթ վեց մոլորակներով՝ Նեպտուն, Սատուրն, Ուրան, Մարս, Մերկուրի և Յուպիտեր։ 26.07.2026, Sputnik Արմենիա
2026-07-26T12:52+0400
2026-07-26T12:52+0400
2026-07-26T12:52+0400
արեգակ
արեգակի խավարում
լուսին
աստղագիտություն
երկիր մոլորակ
երկինք
https://cdn.am.sputniknews.ru/img/07e7/04/14/58484307_0:104:2000:1229_1920x0_80_0_0_89b66cf464fe2eb0c9401e0ff79965c0.jpg
ԵՐԵՎԱՆ, 26 հուլիսի — Sputnik. 2026 թ. օգոստոսի ընթացքում տեղի կունենան մի քանի նշանակալի աստղագիտական երևույթներ՝ Արեգակի լրիվ խավարում, Պերսեիդների աստղաթափի պիկ և Լուսնի մասնակի խավարում։ Այդ մասին «Ֆեյսբուքի» իր էջում հայտնել է Հիդրոօդերևութաբանության և մոնիթորինգի կենտրոնի ղեկավար Լևոն Ազիզյանը։ Ազիզյանը նշել է, որ մեկ ամսում գրանցվելու են տարվա ամենամեծ թվով աստղագիտական երևույթները, որը բացառիկ կլինի երկնքի սիրահարների համար։ Նրա խոսքով` ամենահետաքրքիրը կլինի օգոստոսի 12–ին։ «Այդ օրը գրեթե միաժամանակ տեղի կունենան երեք կարևոր իրադարձություն` Արեգակի լրիվ խավարում, Նորալուսին և Պերսեիդների ակտիվության առավելագույն փուլը։ Նման համադրություն հաճախ չի հանդիպում, և հենց դա է 2026 թ. օգոստոսը դարձնում առանձնահատուկ»,– ընդգծել է նա։ Ազիզյանը տեղեկացրել է, որ օգոստոսի 12–ին Լուսինը կանցնի Երկրի և Արեգակի միջև ու որոշ շրջաններում ամբողջությամբ կծածկի Արեգակի սկավառակը։ Խավարման առավելագույն փուլը կլինի Երևանի ժամանակով 21:47–ին: Լրիվ խավարման գոտին կանցնի Գրենլանդիայի, Իսլանդիայի, Իսպանիայի, Ատլանտյան օվկիանոսի հյուսիսային հատվածի և Ռուսաստանի հյուսիսային որոշ շրջանների վրայով։ Նրա խոսքով` օգոստոսի 12–ի լույս 13–ի գիշերը կլինի տարվա ամենահայտնի և դիտարժան Պերսեիդների աստղաթափը։ Ազիզյանը մանրամասնել է` նշելով, որ Պերսեիդներն առաջանում են, երբ Երկիրն անցնում է Սվիֆթ–Թաթլ գիսաստղի թողած մանր մասնիկների հոսքի միջով։ Մթնոլորտ մտնելիս այդ մասնիկներն այրվում են և երկնքում թողնում վառ հետքեր։ «Հայաստանում դիտումների համար լավագույն ժամանակը կլինի՝ 23:00-ից մինչև լուսաբաց, հատկապես՝ 02:00–05:00։ Իդեալական պայմաններում հնարավոր կլինի տեսնել մինչև 100 երկնաքար ժամում։ Ավելին, գագաթնակետի գիշերը երկնքում տեսանելի կլինի մոլորակների շքերթ վեց մոլորակներով՝ Նեպտուն, Սատուրն, Ուրան, Մարս, Մերկուրի և Յուպիտեր։ Իրականում երկնաքարերի թիվը կախված կլինի դիտման վայրից, երկնքի պարզությունից և լույսի աղտոտվածությունից»– գրել է նա։ Ազիզյանի վստահեցրել է, որ 2026 թվականին դիտման պայմանները հատկապես բարենպաստ կլինեն, քանի որ Պերսեիդների պիկը համընկնում է Նորալուսնին. Լուսնի լույսը չի խանգարի, և թույլ երկնաքարերն ավելի լավ տեսանելի կլինեն։ Դիտումների համար ցանկալի է ընտրել քաղաքային լուսավորությունից հեռու, բաց հորիզոն ունեցող վայր։Օգոստոսի 27–28–ը կլինի լիալուսին, և այս անգամ լիալուսինն առավել հետաքրքիր կլինի, քանի որ այն կուղեկցվի մասնակի Լուսնի խավարումով։Խավարման առավելագույն փուլը կլինի Երևանի ժամանակով 04:12 UTC-ին կամ 08:12–ին։Հիդրոօդերևութաբանության և մոնիթորինգի կենտրոնի ղեկավարը նշել է, որ խավարումը տեսանելի կլինի աշխարհի բազմաթիվ շրջաններից, սակայն Հայաստանի համար կարևոր է հաշվի առնել ոչ միայն խավարման ընդհանուր տեսանելիության գոտին, այլև Լուսնի մայր մտնելու ժամը։ Խավարման որոշ փուլեր կարող են համընկնել արևածագի և Լուսնի մայր մտնելու ժամանակահատվածի հետ, ուստի լավագույն տեսանելիությունը կարող է լինել սահմանափակ։
լուսին
երկիր մոլորակ
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
արեգակ, արեգակի խավարում, լուսին, աստղագիտություն, երկիր մոլորակ, երկինք
արեգակ, արեգակի խավարում, լուսին, աստղագիտություն, երկիր մոլորակ, երկինք
Օգոստոսին տեղի կունենան մի քանի նշանակալի աստղագիտական երևույթներ. Ազիզյան
Օգոստոսի 12–ի լույս 13–ի գիշերը երկնքում տեսանելի կլինի մոլորակների շքերթ վեց մոլորակներով՝ Նեպտուն, Սատուրն, Ուրան, Մարս, Մերկուրի և Յուպիտեր։
ԵՐԵՎԱՆ, 26 հուլիսի — Sputnik. 2026 թ. օգոստոսի ընթացքում տեղի կունենան մի քանի նշանակալի աստղագիտական երևույթներ՝ Արեգակի լրիվ խավարում, Պերսեիդների աստղաթափի պիկ և Լուսնի մասնակի խավարում։ Այդ մասին «Ֆեյսբուքի» իր
էջում հայտնել է Հիդրոօդերևութաբանության և մոնիթորինգի կենտրոնի ղեկավար Լևոն Ազիզյանը։
Ազիզյանը նշել է, որ մեկ ամսում գրանցվելու են տարվա ամենամեծ թվով աստղագիտական երևույթները, որը բացառիկ կլինի երկնքի սիրահարների համար։ Նրա խոսքով` ամենահետաքրքիրը կլինի օգոստոսի 12–ին։
«Այդ օրը գրեթե միաժամանակ տեղի կունենան երեք կարևոր իրադարձություն` Արեգակի լրիվ խավարում, Նորալուսին և Պերսեիդների ակտիվության առավելագույն փուլը։ Նման համադրություն հաճախ չի հանդիպում, և հենց դա է 2026 թ. օգոստոսը դարձնում առանձնահատուկ»,– ընդգծել է նա։
Ազիզյանը տեղեկացրել է, որ օգոստոսի 12–ին Լուսինը կանցնի Երկրի և Արեգակի միջև ու որոշ շրջաններում ամբողջությամբ կծածկի Արեգակի սկավառակը։
Խավարման առավելագույն փուլը կլինի Երևանի ժամանակով 21:47–ին: Լրիվ խավարման գոտին կանցնի Գրենլանդիայի, Իսլանդիայի, Իսպանիայի, Ատլանտյան օվկիանոսի հյուսիսային հատվածի և Ռուսաստանի հյուսիսային որոշ շրջանների վրայով։
«Եվրոպայի մի շարք երկրներում այն կդիտվի որպես մասնակի խավարում։ Խավարման պահին Լուսինը Երկրից կլինի մոտ 359 445 կմ հեռավորության վրա (միջինը 373320կմ)։ Այդ պատճառով այն երկնքում սովորականից փոքր–ինչ ավելի խոշոր կերևա և ամբողջությամբ կծածկի Արեգակը։ Լրիվ խավարման գոտու լայնությունը կհասնի մոտ 294 կմ–ի, իսկ ամբողջական խավարման առավելագույն տևողությունը կլինի շուրջ 2 րոպե 18 վայրկյան։ Հայաստանը չի գտնվի ոչ լրիվ, ոչ էլ մասնակի խավարման գոտում, ուստի այս երևույթը մեր երկրից հնարավոր չի լինի դիտել»,– գրել է Հիդրոօդերևութաբանության և մոնիթորինգի կենտրոնի ղեկավարը։
Նրա խոսքով` օգոստոսի 12–ի լույս 13–ի գիշերը կլինի տարվա ամենահայտնի և դիտարժան Պերսեիդների աստղաթափը։
Ազիզյանը մանրամասնել է` նշելով, որ Պերսեիդներն առաջանում են, երբ Երկիրն անցնում է Սվիֆթ–Թաթլ գիսաստղի թողած մանր մասնիկների հոսքի միջով։ Մթնոլորտ մտնելիս այդ մասնիկներն այրվում են և երկնքում թողնում վառ հետքեր։
«Հայաստանում դիտումների համար լավագույն ժամանակը կլինի՝ 23:00-ից մինչև լուսաբաց, հատկապես՝ 02:00–05:00։ Իդեալական պայմաններում հնարավոր կլինի տեսնել մինչև 100 երկնաքար ժամում։ Ավելին, գագաթնակետի գիշերը երկնքում տեսանելի կլինի մոլորակների շքերթ վեց մոլորակներով՝ Նեպտուն, Սատուրն, Ուրան, Մարս, Մերկուրի և Յուպիտեր։ Իրականում երկնաքարերի թիվը կախված կլինի դիտման վայրից, երկնքի պարզությունից և լույսի աղտոտվածությունից»– գրել է նա։
Ազիզյանի վստահեցրել է, որ 2026 թվականին դիտման պայմանները հատկապես բարենպաստ կլինեն, քանի որ Պերսեիդների պիկը համընկնում է Նորալուսնին. Լուսնի լույսը չի խանգարի, և թույլ երկնաքարերն ավելի լավ տեսանելի կլինեն։ Դիտումների համար ցանկալի է ընտրել քաղաքային լուսավորությունից հեռու, բաց հորիզոն ունեցող վայր։
Օգոստոսի 27–28–ը կլինի լիալուսին, և այս անգամ լիալուսինն առավել հետաքրքիր կլինի, քանի որ այն կուղեկցվի մասնակի Լուսնի խավարումով։
Խավարման առավելագույն փուլը կլինի Երևանի ժամանակով 04:12 UTC-ին կամ 08:12–ին։
Հիդրոօդերևութաբանության և մոնիթորինգի կենտրոնի ղեկավարը նշել է, որ խավարումը տեսանելի կլինի աշխարհի բազմաթիվ շրջաններից, սակայն Հայաստանի համար կարևոր է հաշվի առնել ոչ միայն խավարման ընդհանուր տեսանելիության գոտին, այլև Լուսնի մայր մտնելու ժամը։ Խավարման որոշ փուլեր կարող են համընկնել արևածագի և Լուսնի մայր մտնելու ժամանակահատվածի հետ, ուստի լավագույն տեսանելիությունը կարող է լինել սահմանափակ։
