«Եվրասիա» ՀԿ–ի կամավորները ՀՀ 2 մարզերում բարեկարգել են Մեծ Հայրենականի հուշահամալիրները
13:37 25.07.2026 (Թարմացված է: 14:16 25.07.2026)
© Sputnik
Բաժանորդագրվել
Այս նախաձեռնությունները միավորում են դպրոցականներին, ուսանողներին և երիտասարդ կամավորներին՝ հնարավորություն տալով նրանց ներդրում ունենալ ԽՍՀՄ ժողովրդի սխրանքի պատմական հիշողության պահպանման, ռազմական հուշահամալիրների նկատմամբ հոգատար վերաբերմունքի ամրապնդման գործում:
ԵՐԵՎԱՆ, 25 հուլիսի - Sputnik. «Եվրասիա» հասարակական կազմակերպության կամավորները բարեկարգել են Հայրենական մեծ պատերազմի հերոսների հուշարձանները Արմավիրի մարզի Ջանֆիդա գյուղում։
«Եվրասիա» հասարակական կազմակերպության կամավորները
© Photo : АНО "Евразия"
Հայրենական մեծ պատերազմի պատմական հիշողության պահպանման և հուշարձանների բարեկարգման «Պատմության հետքերով» ծրագրի առաջին փուլի իրականացումից հետո, որի շրջանակներում 2026 թվականի փետրվար-մայիս ամիսներին կազմակերպվել են չորս արտագնա միջոցառումներ՝ 286 դպրոցականների և ուսանողների ներգրավմամբ, որոշում է կայացվել շարունակել նախագիծը և ծրագրի երկրորդ փուլն իրագործել «Հաղթանակ 9/45» միջազգային հայրենասիրական շարժման հովանու ներքո։
«Ծրագիրը երկարաձգելու հետ կապված որևէ կասկած չկար։Հայրենական մեծ պատերազմի մասին հիշողությունը չպետք է լինի դասագրքերում պարփակված ձևականություն։ Մեր նախագիծը հիշողությունը վերակենդանացնում է կոնկրետ գործերով։Մենք տեսնում ենք, թե ինչպես են արձագանքում երիտասարդները, ինչ անկեղծությամբ են գործի անցնում։ Սա շատ կարևոր է։ Յուրաքանչյուր խնամված հուշահամալիր, մաքրված ցուցանակ նշան է, որ երիտասարդությունը հիշում է խորհրդային ժողովրդի սխրանքը, ինչը նշանակում է, որ պատմական ճշմարտությունը հետագա սերունդների համար պահպանվում է», — նշել է «Հաղթանակ 9/45» շարժման ղեկավար, ՌԴ Պետդումայի փոխխոսնակ Բորիս Չերնիշովը։
Ծրագրի երկրորդ փուլի առաջին միջոցառումը 50 կամավորների մասնակցությամբ արտագնա շաբաթօրյակն էր Արարատի մարզի Մասիս քաղաքում: Մասնակիցները կարգի բերեցին Հայրենական մեծ պատերազմի հերոսների հուշարձանն ու հարակից տարածքը, մաքրեցին ու բարեկարգեցին հանրային տարածքը:
«Եվրասիա» հասարակական կազմակերպության կամավորները
© Photo : АНО "Евразия"
Իսկ Արմավիրի մարզի Ջանֆիդա գյուղում 50 դպրոցականներ, ուսանողներ և երիտասարդ կամավորներ նույնպես բարեկարգեցին Հայրենական մեծ պատերազմի հերոսների հուշարձանը: Կամավորները մաքրեցին հուշահամալիրը և կարգի բերեցին հարակից տարածքը։
«Եվրասիա» հասարակական կազմակերպության կամավորները
© Photo : АНО "Евразия"
Ավելի վաղ ծրագրի մասնակիցներն արդեն իսկ բարեկարգել էին Արարատի մարզի Դիմիտրով, Արբաթ և Դվին գյուղերի, ինչպես նաև Արմավիրի մարզի Դողս գյուղի հուշարձանները: Ընդհանուր առմամբ, նախագիծը համախմբել է ավելի քան 280 կամավորների։
«Եվրասիա» հասարակական կազմակերպության կամավորները
© Photo : АНО "Евразия"
Կամավորության զարգացմանն ուղղված նման միջոցառումներն ու նախաձեռնությունները միավորում են դպրոցականներին, ուսանողներին և երիտասարդ կամավորներին՝ նրանց հնարավորություն տալով անձնական ներդրում ունենալ խորհրդային ժողովրդի սխրանքի պատմական հիշողության պահպանման և ռազմական հուշահամալիրների նկատմամբ հոգատար վերաբերմունքի ամրապնդման գործում:
«Եվրասիա» հասարակական կազմակերպության կամավորները
© Photo : АНО "Евразия"
«Եվրասիա» ՀԿ-ն միջազգային համագործակցության զարգացմանն աջակցող ինքնավար ոչ առևտրային կազմակերպություն է, որն իրականացնում է ծրագրեր մասնավոր միջոցներով: Կազմակերպության ծրագրերն ընդգրկում են տարբեր ոլորտներ՝ կրթությունից և բժշկությունից մինչև մշակույթ, կամավորություն և բարեգործություն: Նախագծերը նաև նպաստում են ռուսաց լեզվի դերի ամրապնդմանը՝ որպես մայրցամաքում միջմշակութային երկխոսության միջոց: Երկու տարվա ընթացքում «Եվրասիայի» նախաձեռնություններին աջակցել են 53 երկրների ավելի քան 200 հազար համախոհներ։
