https://arm.sputniknews.ru/20260717/amnn-israjelin-hajtnel-e-vor-tsragrum-e--tasnjak-licqavvorvogh-inqnatirner-teghapvokhel-ajntegh-104774077.html
ԱՄՆ–ն Իսրայելին հայտնել է, որ ծրագրում է տասնյակ լիցքավորող ինքնաթիռներ տեղափոխել այնտեղ
ԱՄՆ–ն Իսրայելին հայտնել է, որ ծրագրում է տասնյակ լիցքավորող ինքնաթիռներ տեղափոխել այնտեղ
Sputnik Արմենիա
Ավելի վաղ ԶԼՄ-ներում տեղեկություններ էին հայտնվել, որ ԱՄՆ նախագահը հակված է ընդլայնելու ԱՄՆ–ի ռազմական գործողություններն Իրանում։ 17.07.2026, Sputnik Արմենիա
2026-07-17T22:47+0400
2026-07-17T22:47+0400
2026-07-17T23:22+0400
ամն կոնգրես
ամն
անօդաչու ինքնաթիռ
ինքնաթիռ
իսրայել
սպառազինություն
իրանի իսլամական հանրապետություն
https://cdn.am.sputniknews.ru/img/07ea/07/11/104771308_140:0:993:480_1920x0_80_0_0_16e27a9c069a44affd5c743c1caf167f.jpg
ԵՐԵՎԱՆ, 17 հուլիսի – Sputnik. ԱՄՆ նախագահ Դոնալդ Թրամփի վարչակազմը Իրանի դեմ ռազմական գործողության հնարավոր ընդլայնումից առաջ Իսրայելին տեղեկացրել է մի քանի տասնյակ լիցքավորող ինքնաթիռներ երկիր տեղափոխելու ծրագրերի մասին։ Այս մասին հայտնում է Axios-ը՝ հղում անելով 3 ամերիկյան և իսրայելցի պաշտոնյաների։Նշվում է, որ Իսրայելում արդեն տեղակայված է 60 ամերիկյան լիցքավորող ինքնաթիռ, որոնցից մոտ 30-ը Թել Ավիվի մոտ գտնվող Բեն Գուրիոն միջազգային օդանավակայանում և նույնքան էլ Իսրայելի հարավում գտնվող «Ռամոն» օդանավակայանում։Հրապարակման մեջ ասվում է, որ ամերիկյան լիցքավորող ինքնաթիռների տեղակայումը «Բեն Գուրիոն» օդանավակայանում վիճելի հարց է դարձել Իսրայելում։ Դրանք զբաղեցնում են օդանավակայանի զգալի մասը, և նոր ինքնաթիռների ժամանումը արձակուրդային թեժ սեզոնին կարող է հանգեցնել քաղաքացիական չվերթերի զանգվածային չեղարկումների։Մասնավորապես, Իսրայելի տրանսպորտի նախարար Միրի Ռեգևը կողմ է հանդես եկել Բեն Գուրիոն օդանավակայանում ամերիկյան ինքնաթիռների թիվը կրճատելուն, սակայն պաշտպանության նախարարությունը դեմ է դրան։Իրանի իշխանությունները բնակչությանը հորդորել են պիկ ժամերին 1 ժամով անջատել օդորակիչըՊորտալի աղբյուրների համաձայն` ԱՄՆ զինվորականները նախընտրում են օգտագործել Բեն-Գուրիոն օդանավակայանը՝ այն համարելով իրենց ինքնաթիռների համար ավելի անվտանգ, քան տարածաշրջանի մյուս ավիաբազաները։Ավելի վաղ WSJ-ն, հղում անելով իր աղբյուրներին, հայտնել էր, որ ԱՄՆ նախագահ Դոնալդ Թրամփը հակված է ընդլայնել ԱՄՆ ռազմական գործողությունները Իրանում։ Ըստ որոշ տեղեկությունների` քննարկվում են Հորմուզի նեղուցի մոտ գտնվող կղզիների գրավման և իբր գաղտնի միջուկային հետազոտությունների համար օգտագործվող օբյեկտի վրա հարվածների տարբերակները։ Քննարկվում են նաև Պիկաքս լեռան թունելային համալիրի վրա հարձակումները (որտեղ, ԱՄՆ-ի ենթադրությունների համաձայն, գտնվում է այդ օբյեկտը) և երկրում թիրախների ուղղությամբ ավիահարվածների ընդլայնումը։Հիշեցնենք` Թեհրանն ու Վաշինգտոնը հունիսի 18-ի գիշերը հուշագիր ստորագրեցին, որը փետրվարի 28-ին սկսված հակամարտության ավարտ էր ենթադրում, սակայն ԱՄՆ զինվորականները հուլիսի 8-ի լույս 9-ի գիշերը հզոր հարվածների շարք սկսեցին Իրանի ուղղությամբ։ ԱՄՆ ԶՈւ կենտրոնական հրամանատարությունը հայտարարեց, թե դա իբր արվել է ի պատասխան Հորմուզի նեղուցով անցնող առևտրային նավերի դեմ Իրանի գործողությունների։Հուլիսի 8-ին Անկարայում ՆԱՏՕ-ի գագաթնաժողովի ժամանակ ԱՄՆ նախագահ Դոնալդ Թրամփը հայտարարեց, որ Իրանի հետ հրադադարն ավարտվել է: Հուլիսի 12-ի գիշերը ամերիկյան ուժերը հարձակվեցին Իրանում, Պարսից ծոցի ափերի երկայնքով և Հորմուզի նեղուցում գտնվող շուրջ 140 թիրախների վրա։Իրանի Մեջլիսի խոսնակ Բաղեր Ղալիբաֆն իր հերթին հայտարարեց, որ միակողմանի գործարքների դարաշրջանն ավարտվել է, և զգուշացրեց` եթե ԱՄՆ–ն չպահպանի հրադադարի համաձայնագրի պայմանները, պատասխանը չի ուշանա։
ամն
իսրայել
իրանի իսլամական հանրապետություն
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ամն կոնգրես, ամն, անօդաչու ինքնաթիռ, ինքնաթիռ, իսրայել, սպառազինություն, իրանի իսլամական հանրապետություն
ամն կոնգրես, ամն, անօդաչու ինքնաթիռ, ինքնաթիռ, իսրայել, սպառազինություն, իրանի իսլամական հանրապետություն
ԱՄՆ–ն Իսրայելին հայտնել է, որ ծրագրում է տասնյակ լիցքավորող ինքնաթիռներ տեղափոխել այնտեղ
22:47 17.07.2026 (Թարմացված է: 23:22 17.07.2026) Ավելի վաղ ԶԼՄ-ներում տեղեկություններ էին հայտնվել, որ ԱՄՆ նախագահը հակված է ընդլայնելու ԱՄՆ–ի ռազմական գործողություններն Իրանում։
ԵՐԵՎԱՆ, 17 հուլիսի – Sputnik. ԱՄՆ նախագահ Դոնալդ Թրամփի վարչակազմը Իրանի դեմ ռազմական գործողության հնարավոր ընդլայնումից առաջ Իսրայելին տեղեկացրել է մի քանի տասնյակ լիցքավորող ինքնաթիռներ երկիր տեղափոխելու ծրագրերի մասին։ Այս մասին հայտնում է Axios-ը՝ հղում անելով 3 ամերիկյան և իսրայելցի պաշտոնյաների։
Նշվում է, որ Իսրայելում արդեն տեղակայված է 60 ամերիկյան լիցքավորող ինքնաթիռ, որոնցից մոտ 30-ը Թել Ավիվի մոտ գտնվող Բեն Գուրիոն միջազգային օդանավակայանում և նույնքան էլ Իսրայելի հարավում գտնվող «Ռամոն» օդանավակայանում։
Հրապարակման մեջ ասվում է, որ ամերիկյան լիցքավորող ինքնաթիռների տեղակայումը «Բեն Գուրիոն» օդանավակայանում վիճելի հարց է դարձել Իսրայելում։ Դրանք զբաղեցնում են օդանավակայանի զգալի մասը, և նոր ինքնաթիռների ժամանումը արձակուրդային թեժ սեզոնին կարող է հանգեցնել քաղաքացիական չվերթերի զանգվածային չեղարկումների։
Մասնավորապես, Իսրայելի տրանսպորտի նախարար Միրի Ռեգևը կողմ է հանդես եկել Բեն Գուրիոն օդանավակայանում ամերիկյան ինքնաթիռների թիվը կրճատելուն, սակայն պաշտպանության նախարարությունը դեմ է դրան։
Պորտալի աղբյուրների համաձայն` ԱՄՆ զինվորականները նախընտրում են օգտագործել Բեն-Գուրիոն օդանավակայանը՝ այն համարելով իրենց ինքնաթիռների համար ավելի անվտանգ, քան տարածաշրջանի մյուս ավիաբազաները։
Ավելի վաղ WSJ-ն, հղում անելով իր աղբյուրներին, հայտնել էր, որ ԱՄՆ նախագահ Դոնալդ Թրամփը հակված է ընդլայնել ԱՄՆ ռազմական գործողությունները Իրանում։ Ըստ որոշ տեղեկությունների` քննարկվում են Հորմուզի նեղուցի մոտ գտնվող կղզիների գրավման և իբր գաղտնի միջուկային հետազոտությունների համար օգտագործվող օբյեկտի վրա հարվածների տարբերակները։ Քննարկվում են նաև Պիկաքս լեռան թունելային համալիրի վրա հարձակումները (որտեղ, ԱՄՆ-ի ենթադրությունների համաձայն, գտնվում է այդ օբյեկտը) և երկրում թիրախների ուղղությամբ ավիահարվածների ընդլայնումը։
Հիշեցնենք` Թեհրանն ու Վաշինգտոնը հունիսի 18-ի գիշերը հուշագիր ստորագրեցին, որը փետրվարի 28-ին սկսված հակամարտության ավարտ էր ենթադրում, սակայն ԱՄՆ զինվորականները հուլիսի 8-ի լույս 9-ի գիշերը հզոր հարվածների շարք սկսեցին Իրանի ուղղությամբ։ ԱՄՆ ԶՈւ կենտրոնական հրամանատարությունը հայտարարեց, թե դա իբր արվել է ի պատասխան Հորմուզի նեղուցով անցնող առևտրային նավերի դեմ Իրանի գործողությունների։ Հուլիսի 8-ին Անկարայում ՆԱՏՕ-ի գագաթնաժողովի ժամանակ ԱՄՆ նախագահ Դոնալդ Թրամփը հայտարարեց, որ Իրանի հետ հրադադարն ավարտվել է: Հուլիսի 12-ի գիշերը ամերիկյան ուժերը հարձակվեցին Իրանում, Պարսից ծոցի ափերի երկայնքով և Հորմուզի նեղուցում գտնվող շուրջ 140 թիրախների վրա։
Իրանի Մեջլիսի խոսնակ Բաղեր Ղալիբաֆն իր հերթին հայտարարեց, որ միակողմանի գործարքների դարաշրջանն ավարտվել է, և զգուշացրեց` եթե ԱՄՆ–ն չպահպանի հրադադարի համաձայնագրի պայմանները, պատասխանը չի ուշանա։
