Գյումրեցի լրագրող Լիլիթ Աղեկյանի նկատմամբ մեղադրական դատավճիռ է կայացվել
10:29 15.07.2026 (Թարմացված է: 11:04 15.07.2026)
© Photo : George Hodan / Public domain
Բաժանորդագրվել
Պաշտպանական կողմը պատրաստվում է բողոքարկել դատարանի որոշումը։
ԵՐԵՎԱՆ, 15 հուլիսի – Sputnik․ Գյումրեցի լրագրող Լիլիթ Աղեկյանի նկատմամբ մեղադրական դատավճիռ է կայացվել։ Շիրակի մարզի առաջին ատյանի ընդհանուր իրավասության դատարանը, դատավոր Վարսենիկ Մելքոնյանի նախագահությամբ, Աղեկյանի նկատմամբ նշանակեց մեկ տարի ժամկետով ազատության սահմանափակում՝ պրոբացիոն վերահսկողության ներքո։ Այդ ընթացքում նրան արգելվել է առանց իրավասու մարմնի համաձայնության փոխել բնակության վայրը:
Աղեկյանը համաձայն չէ դատավճռի հետ և պատրաստվում է բողոքարկել այն։ Այս մասին ֆեյսբուքյան էջում հայտնում է նրա պաշտպան Զարուհի Փոստանջյանը՝ կայացված դատական ակտն անվանելով՝ «խոսքի ազատությունը «սառեցնող» գործիք։
«Այս դատական ակտը, որը հիմնված է օրենքի կոպիտ խախտումների վրա, չի ստանալու օրինական ուժ և պարտադիր բողոքարկվելու է վերադաս ատյանում։ Նման անարդարացի դատավճիռները լուրջ «սառեցնող էֆեկտ» են առաջացնում հասարակության մեջ՝ վախի մթնոլորտ ստեղծելով և լռեցնելով լրագրողներին ու քաղաքացիական ակտիվիստներին, ինչն անթույլատրելի է ժողովրդավարական երկրում»,- գրում է Փոստանջյանը։
Նա ընդգծում է, որ իր պաշտպանյալի քրեական վարույթով տուժող ճանաչված ոստիկան ՍեթՄելիքսեթյանը իբրև տուժել է «մուսսոր» և «մենթ» բառերից։ Մինչդեռ, ըստ Փոստանջյանի, տուժող ճանաչվելուց հետո ոստիկանը ոչմիայն չի ցուցադրել տուժածին բնորոշ հոգեբանական ճնշվածություն, այլև ընդհակառակը՝ ստացել է պաշտոնի և աշխատավարձի բարձրացում։
Նրա խոսքով՝ ՀՀքրեական օրենսգրքի 490-րդ հոդվածը (Դատավորի, դատախազի, քննիչի, քննչական մարմնի ղեկավարի, հետաքննության մարմնի, փաստաբանի, ներկայացուցչի, փորձագետի կամ հարկադիր կատարողի նկատմամբ սպառնալիքը կամնրանց մասին տեղեկություն հրապարակելը) դարձել էմահակ իշխանությունների ձեռքին խոսքի ազատության սահմանափակման համար, և կայացված դատական ակտը
խոսքի ազատության նկատմամբ անօրինական միջամտության հերթական դրսևորումն է։
խոսքի ազատության նկատմամբ անօրինական միջամտության հերթական դրսևորումն է։
Հիշեցնենք, որ քրեական օրենսգրքի նույն հոդվածով մեղադրանք էր առաջադրվել նաև փաստաբան Ալեքսանդր Կոչուբաևին։
Ինչ վերաբերում է Աղեկյանի գործին, օրեր առաջ նա և փաստաբան Զարուհի Փոստանջյանը մամուլի ասուլիսում մանրամասներ էին ներկայացրել։ Ըստ Աղեկյանի՝ հետապնդումներն իր նկատմամբ սկսել են այն բանից հետո, երբ բացահայտել է, որ Գյումրու համայնքային ոստիկանության 2 աշխատողներ արդեն շուրջ երեք տասնամյակ զավթել են համայնքապատկան մանկապարտեզի շենքը և ընտանիքներով բնակվում են այնտեղ, գյումրեցի երեխաներն էլ ստիպված հաճախում են տնակային մանկապարտեզ։ Ինքը գնացել է այնտեղ, բռնության ենթարկվել, ճանաչվել տուժող, ապա տուժողից մեղադրյալի վերածվել։
Հավելենք, որ Աղեկյանը կալանավորվել էր նաև 2025թ. մայիսին խուլիգանության մեղադրանքով։
