ԵՐԵՎԱՆ, 14 հուլիսի – Sputnik. Լիբանանցի շեփորահար և կոմպոզիտոր Իբրահիմ Մաալուֆը Կոմիտասին համարում է նշանավոր երգահան, որը կարողացել է պահպանել իր դարաշրջանի ոգին:«Ոսկե ծիրան» 23-րդ միջազգային կինոփառատոնի շրջանակում Հայաստան ժամանած Մաալուֆն այսօր այցելեց Կոմիտասի թանգարան–ինստիտուտ և խոստովանեց, որ միայն թանգարան այցելելուց հետո լիովին գիտակցեց Կոմիտասի նշանակությունը հայկական մշակույթի համար։Երաժիշտը պատմեց, որ հայ ընկերները 20-25 տարի շարունակ իրեն խորհուրդ էին տալիս այցելել թանգարան, և ինքը վերջապես հետևեց նրանց խորհրդին:«Կարծում եմ, որ երգահանն ու երաժիշտը նախևառաջ իր ժամանակի վկան է։ Նա իր մեջ պահպանում և փոխանցում է իր դարաշրջանի կերպարը», - ասաց Մաալուֆը։Նա Կոմիտասի ստեղծագործությանը ծանոթացել է YouTube-ում։Նա նաև պատմեց, որ շատ ընդհանրություններ է տեսնում հայ և լիբանանցի ժողովուրդների միջև:«Կարծում եմ, որ լիբանանցիներն ու հայերը շատ ընդհանրություններ ունեն։ Երկու երկրներն էլ իրենց պատմության ընթացքում բազմաթիվ փոփոխություններ են ապրել և կրել են տարբեր մշակույթների և ժողովուրդների ազդեցությունը: Կարծում եմ` հենց դա է հատուկ իմաստ հաղորդում մեր ժողովուրդների աշխարհայացքին»,- ամփոփեց երաժիշտը։Հիշեցնենք` «Ոսկե ծիրան» 23-րդ միջազգային կինոփառատոնն անցկացվում է Հայաստանում հուլիսի 12-19-ը: Ծրագրում ներառված են շուրջ 90 ֆիլմեր 40 երկրից, նախատեսված են հանդիպումներ աշխարհահռչակ ռեժիսորների, դերասանների և կինոքննադատների հետ, ինչպես նաև վարպետության դասեր և ստեղծագործական քննարկումներ:
Մաալուֆը Երևան է ժամանել «Ոսկե ծիրան» միջազգային կինոփառատոնի շրջանակում:
ԵՐԵՎԱՆ, 14 հուլիսի – Sputnik. Լիբանանցի շեփորահար և կոմպոզիտոր Իբրահիմ Մաալուֆը Կոմիտասին համարում է նշանավոր երգահան, որը կարողացել է պահպանել իր դարաշրջանի ոգին:
«Ոսկե ծիրան» 23-րդ միջազգային կինոփառատոնի շրջանակում Հայաստան ժամանած Մաալուֆն այսօր այցելեց Կոմիտասի թանգարան–ինստիտուտ և խոստովանեց, որ միայն թանգարան այցելելուց հետո լիովին գիտակցեց Կոմիտասի նշանակությունը հայկական մշակույթի համար։
Երաժիշտը պատմեց, որ հայ ընկերները 20-25 տարի շարունակ իրեն խորհուրդ էին տալիս այցելել թանգարան, և ինքը վերջապես հետևեց նրանց խորհրդին:
«Կարծում եմ, որ երգահանն ու երաժիշտը նախևառաջ իր ժամանակի վկան է։ Նա իր մեջ պահպանում և փոխանցում է իր դարաշրջանի կերպարը», - ասաց Մաալուֆը։
Նա Կոմիտասի ստեղծագործությանը ծանոթացել է YouTube-ում։
«Շատերն էին ասում, որ Կոմիտասի երաժշտությունը շատ ընդհանրություններ ունի Մերձավոր Արևելքի երաժշտության հետ, որն ինձ անչափ հոգեհարազատ է։ Եվ ես սկսեցի լսել նրա ստեղծագործությունները։ Կոմիտասի ձայնը հորս է հիշեցնում», - նշեց Մաալուֆը։
Նա նաև պատմեց, որ շատ ընդհանրություններ է տեսնում հայ և լիբանանցի ժողովուրդների միջև:
«Կարծում եմ, որ լիբանանցիներն ու հայերը շատ ընդհանրություններ ունեն։ Երկու երկրներն էլ իրենց պատմության ընթացքում բազմաթիվ փոփոխություններ են ապրել և կրել են տարբեր մշակույթների և ժողովուրդների ազդեցությունը: Կարծում եմ` հենց դա է հատուկ իմաստ հաղորդում մեր ժողովուրդների աշխարհայացքին»,- ամփոփեց երաժիշտը։
Հիշեցնենք` «Ոսկե ծիրան» 23-րդ միջազգային կինոփառատոնն անցկացվում է Հայաստանում հուլիսի 12-19-ը: Ծրագրում ներառված են շուրջ 90 ֆիլմեր 40 երկրից, նախատեսված են հանդիպումներ աշխարհահռչակ ռեժիսորների, դերասանների և կինոքննադատների հետ, ինչպես նաև վարպետության դասեր և ստեղծագործական քննարկումներ:
