ՀՕՊ–ը 12 ժամում 252 ուկրաինական ԱԹՍ է ոչնչացրել Ռուսաստանի տարածքում․ ՊՆ
© Sputnik / Сергей Бобылев
Բաժանորդագրվել
Ուկրաինական զորքը տարբեր եղանակներով պարբերաբար գնդակոծում է Ռուսաստանի սահմանամերձ շրջանները։
ԵՐԵՎԱՆ, 14 հուլիսի – Sputnik. Հակաօդային պաշտպանության միջոցները 12 ժամվա ընթացքում ավելի քան 250 ուկրաինական ԱԹՍ են ոչնչացրել Ռուսաստանի տարածքում։ Այս մասին հայտնում է ՌԴ պաշտպանության նախարարությունը:
«Մոսկվայի ժամանակով 08:00-ից 20:00-ն ընկած ժամանակահատվածում ՀՕՊ հերթապահ միջոցները 252 ուկրաինական անօդաչու թռչող սարք են ոչնչացրել Բելգորոդի, Բրյանսկի, Կուրսկի, Տվերի, Կալուգայի, Տուլայի, Օրյոլի, Ռյազանի, Ռոստովի մարզերի, Կրասնոդարի երկրամասի, Մոսկվայի շրջանի, Ղրիմի Հանրապետության, Ադիգեայի Հանրապետության տարածքների և Ազովի ու Սև ծովերի ջրային տարածքների երկնքում», - ասված է հաղորդագրության մեջ:
Հիշեցնենք՝ 2022–ի փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ ռազմական հատուկ գործողություն սկսելու որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Մարտական գործողություններն ընթանում են մինչ օրս։
Ուկրաինական զորքը տարբեր եղանակներով (այդ թվում` ԱԹՍ–ներով) պարբերաբար գնդակոծում և գրոհում է ՌԴ սահմանամերձ շրջանները։
