https://arm.sputniknews.ru/20260714/amn-banaky-kievin-arker-matakarareluc-hetvo-dzakhvoghel-e-dranc-artadrutjan-plany-pentagvon-104626898.html
ԱՄՆ բանակը Կիևին արկեր մատակարարելուց հետո ձախողել է դրանց արտադրության պլանը. Պենտագոն
ԱՄՆ բանակը Կիևին արկեր մատակարարելուց հետո ձախողել է դրանց արտադրության պլանը. Պենտագոն
Sputnik Արմենիա
Ամերիկյան ռազմական գերատեսչությունը Կիևին տրվող լայնածավալ ռազմական օգնության ֆոնին ակնկալում էր կտրուկ ավելացնել արկերի արտադրությունը։ 14.07.2026, Sputnik Արմենիա
2026-07-14T23:14+0400
2026-07-14T23:14+0400
2026-07-14T23:41+0400
ամն
զենք
ուկրաինա
արկ
պենտագոն
https://cdn.am.sputniknews.ru/img/07e8/0b/0d/82950731_0:84:1600:984_1920x0_80_0_0_43a36d318fe67ff398f261c533242394.jpg
ԵՐԵՎԱՆ, 14 հուլիսի – Sputnik. Ամերիկյան բանակը չի կարողացել կատարել 155 մմ տրամաչափով հրետանային արկերի արտադրությունն ավելացնելու պլանը։ Պատճառը Տեխաս նահանգում նոր գործարանի աշխատանքի խափանումն է, որը չի թողարկել պայմանագրի պահանջներին համապատասխանող ոչ մի դետալ։ Այս մասին ասվում է Պենտագոնի ռազմական տեսչության զեկույցում, որը ուսումնասիրել է ՌԻԱ Նովոստին։Փաստաթղթում նշվում է, որ Կիևին տրվող լայնածավալ ռազմական օգնության ֆոնին ամերիկյան ռազմական գերատեսչությունն ակնկալում էր կտրուկ ավելացնել արկերի թողարկումը:«ԱՄՆ-ն օգնության նախագահական փաթեթների շրջանակում Ուկրաինային ավելի քան երեք միլիոն արկ է տրամադրել։ Այսպիսով` 155 մմ տրամաչափով DoW հրետանային արկերի պաշարները վերջին չորս տարվա ընթացքում ընդհանուր առմամբ կրճատվել են ավելի քան 3,6 միլիոնով», — ասվում է զեկույցում:Սկզբնական շրջանում ԱՄՆ բանակը նախատեսում էր 155 միլիմետրանոց արկերի ամսական արտադրությունը 14 հազարից հասցնել 100 հազարի։ Դրա համար 469 միլիոն դոլար էր հատկացվել Տեխաս նահանգի Մեսկիտ քաղաքում ձեռնարկություն կառուցելու համար, որը պետք է ամսական արտադրեր արկերի մինչև 30 հազար մետաղե կորպուս։Սակայն, ինչպես խոստովանել են ռազմական տեսչությունում, Մեսկիտի ձեռնարկությունում արկի ոչ մի մետաղական մաս չի արտադրվել, որը համապատասխանում է պայմանագրի պահանջներին:Արդյունքում 2026 թվականի մարտին արտադրությունը հաջողվել է հասցնել ամսական ընդամենը 36 հազար արկի՝ պլանավորված 100 հազարի փոխարեն։Զեկույցի հեղինակները նաև նշել են, որ նախագծի համար ծախսված 469 մլն դոլարը կարող էր ուղղվել ԱՄՆ բանակի կամ պաշտպանության նախարարության այլ գերակա խնդիրների:Հիշեցնենք` Ռուսաստանը բազմիցս հայտարարել է, որ Ուկրաինային զենք մատակարարելը խանգարում է հակամարտության կարգավորմանը` ուղղակիորեն ներգրավելով ՆԱՏՕ-ի երկրներին: ՌԴ արտգործնախարար Սերգեյ Լավրովը նշել է, որ ցանկացած բեռ, որը սպառազինություն է պարունակում Ուկրաինայի համար, օրինական թիրախ կդառնա Ռուսաստանի համար: Կրեմլում հայտարարել են, որ Ուկրաինային զենք մատակարարելը չի նպաստում բանակցություններին և բացասական ազդեցություն կունենա։
ամն
ուկրաինա
պենտագոն
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ամն, զենք, ուկրաինա, արկ, պենտագոն
ամն, զենք, ուկրաինա, արկ, պենտագոն
ԱՄՆ բանակը Կիևին արկեր մատակարարելուց հետո ձախողել է դրանց արտադրության պլանը. Պենտագոն
23:14 14.07.2026 (Թարմացված է: 23:41 14.07.2026) Ամերիկյան ռազմական գերատեսչությունը Կիևին տրվող լայնածավալ ռազմական օգնության ֆոնին ակնկալում էր կտրուկ ավելացնել արկերի արտադրությունը։
ԵՐԵՎԱՆ, 14 հուլիսի – Sputnik. Ամերիկյան բանակը չի կարողացել կատարել 155 մմ տրամաչափով հրետանային արկերի արտադրությունն ավելացնելու պլանը։ Պատճառը Տեխաս նահանգում նոր գործարանի աշխատանքի խափանումն է, որը չի թողարկել պայմանագրի պահանջներին համապատասխանող ոչ մի դետալ։ Այս մասին ասվում է Պենտագոնի ռազմական տեսչության զեկույցում, որը ուսումնասիրել է
ՌԻԱ Նովոստին։
Փաստաթղթում նշվում է, որ Կիևին տրվող լայնածավալ ռազմական օգնության ֆոնին ամերիկյան ռազմական գերատեսչությունն ակնկալում էր կտրուկ ավելացնել արկերի թողարկումը:
«ԱՄՆ-ն օգնության նախագահական փաթեթների շրջանակում Ուկրաինային ավելի քան երեք միլիոն արկ է տրամադրել։ Այսպիսով` 155 մմ տրամաչափով DoW հրետանային արկերի պաշարները վերջին չորս տարվա ընթացքում ընդհանուր առմամբ կրճատվել են ավելի քան 3,6 միլիոնով», — ասվում է զեկույցում:
Սկզբնական շրջանում ԱՄՆ բանակը նախատեսում էր 155 միլիմետրանոց արկերի ամսական արտադրությունը 14 հազարից հասցնել 100 հազարի։ Դրա համար 469 միլիոն դոլար էր հատկացվել Տեխաս նահանգի Մեսկիտ քաղաքում ձեռնարկություն կառուցելու համար, որը պետք է ամսական արտադրեր արկերի մինչև 30 հազար մետաղե կորպուս։
Սակայն, ինչպես խոստովանել են ռազմական տեսչությունում, Մեսկիտի ձեռնարկությունում արկի ոչ մի մետաղական մաս չի արտադրվել, որը համապատասխանում է պայմանագրի պահանջներին:
Արդյունքում 2026 թվականի մարտին արտադրությունը հաջողվել է հասցնել ամսական ընդամենը 36 հազար արկի՝ պլանավորված 100 հազարի փոխարեն։
Զեկույցի հեղինակները նաև նշել են, որ նախագծի համար ծախսված 469 մլն դոլարը կարող էր ուղղվել ԱՄՆ բանակի կամ պաշտպանության նախարարության այլ գերակա խնդիրների:
Հիշեցնենք` Ռուսաստանը բազմիցս հայտարարել է, որ Ուկրաինային զենք մատակարարելը խանգարում է հակամարտության կարգավորմանը` ուղղակիորեն ներգրավելով ՆԱՏՕ-ի երկրներին: ՌԴ արտգործնախարար Սերգեյ Լավրովը նշել է, որ ցանկացած բեռ, որը սպառազինություն է պարունակում Ուկրաինայի համար, օրինական թիրախ կդառնա Ռուսաստանի համար: Կրեմլում հայտարարել են, որ Ուկրաինային զենք մատակարարելը չի նպաստում բանակցություններին և բացասական ազդեցություն կունենա։
