Մեզ սպասում է նյարդային և շատ երկարատև հակամարտող տարածաշրջան․ Մենուա Սողոմոնյան
20:59 13.07.2026 (Թարմացված է: 22:29 13.07.2026)
Բաժանորդագրվել
Հայաստանի առջև ծառացած արտաքին և ներքին մարտահրավերների պայմաններում երկրի գլխավոր խնդիրը հասարակական համախմբվածության բացակայությունն է, իսկ իրավիճակից դուրս գալու համար անհրաժեշտ է ընդդիմադիր ուժերի լայն քաղաքական հարթակ ձևավորել։ Աբովյան Time-ի եթերում նման տեսակետ է հայտնել «ՀայաՔվե» ազգային քաղաքացիական միավորման նախաձեռնող խմբի անդամ, միջազգայնագետ Մենուա Սողոմոնյանը։
Նրա խոսքով՝ նման համախմբվածության անհրաժեշտությունը պայմանավորված է նաև տարածաշրջանում ձևավորված նոր աշխարհաքաղաքական իրողություններով։
«2020 թվականից հետո Թուրքիան ռևիզիոնիստական քաղաքականությամբ շատ ակտիվ մտավ խաղի մեջ Հարավային Կովկասում, և հիմա ստեղծվել է մի իրավիճակ, որ ցանկացած ուժային կենտրոն, եթե մեր տարածաշրջանում ինչ-որ բան ցանկանա անել, ստիպված է նրա հետ հաշվի նստել։ Այն երկիրը, որ ժամանակին ուներ գերակայություն մեր տարածաշրջանում և հիմա կիսում է դա, օրինակ, Թուրքիայի հետ, շատ անհասկանալի ու երկարատև հակամարտության փուլում է Եվրոպայի հետ»,-նշեց նա։
Բացի Ռուսաստանից, հարավային ուղղությունը՝ Իրանը, երկրորդ անգամ մտավ շատ վտանգավոր գործընթացի մեջ։
Նրա խոսքով՝ նման համախմբվածության անհրաժեշտությունը պայմանավորված է նաև տարածաշրջանում ձևավորված նոր աշխարհաքաղաքական իրողություններով։
«2020 թվականից հետո Թուրքիան ռևիզիոնիստական քաղաքականությամբ շատ ակտիվ մտավ խաղի մեջ Հարավային Կովկասում, և հիմա ստեղծվել է մի իրավիճակ, որ ցանկացած ուժային կենտրոն, եթե մեր տարածաշրջանում ինչ-որ բան ցանկանա անել, ստիպված է նրա հետ հաշվի նստել։ Այն երկիրը, որ ժամանակին ուներ գերակայություն մեր տարածաշրջանում և հիմա կիսում է դա, օրինակ, Թուրքիայի հետ, շատ անհասկանալի ու երկարատև հակամարտության փուլում է Եվրոպայի հետ»,-նշեց նա։
Բացի Ռուսաստանից, հարավային ուղղությունը՝ Իրանը, երկրորդ անգամ մտավ շատ վտանգավոր գործընթացի մեջ։
«Մենք տեսնում ենք, որ դեռևս մեզ սպասվում է նյարդային ու շատ երկարատև հակամարտող տարածաշրջան»,-նկատեց մեր զրուցակիցը։
Հայաստանի արձագանքը ստեղծված աշխարհաքաղաքական վիճակին բացառապես իրավիճակային զիջումների գնալն է՝ ժամանակ շահելու նպատակով։
Հայաստանի արձագանքը ստեղծված աշխարհաքաղաքական վիճակին բացառապես իրավիճակային զիջումների գնալն է՝ ժամանակ շահելու նպատակով։
«Ես չեմ ասում, որ ընդհանրապես հնարավոր է ոչ մի հարցում չզիջել։ Բայց եթե գոնե զիջումները զուգորդվեին, օրինակ, ներքին կազմակերպվածության բարձրացմամբ, բանակի շեշտակի արդիականացմամբ... Երբ հեռացնում ես նախկին ռազմավարական դաշնակցին, ստեղծվում է վակուում, որը դու չես լցնում նոր ուժով, այլ սպառնալիքներին պատասխանում ես զուտ նոր զիջումներով։ Իսկ ներսում շարունակվում է կործանարար խոսույթը»,- ընդգծում է Սողոմոնյանը։
Միջազգայնագետը հավելում է՝ կորուստները կարող են վերականգնվել, բայց երբ դրանք տեղի են ունենում ինքնության ու արժեքների մակարդակում, վերականգնելը շատ դժվար է լինելու։
Միջազգայնագետը հավելում է՝ կորուստները կարող են վերականգնվել, բայց երբ դրանք տեղի են ունենում ինքնության ու արժեքների մակարդակում, վերականգնելը շատ դժվար է լինելու։
