https://arm.sputniknews.ru/20260713/erevann-yndgrkvel-e-fiapfi-sharqum-voske-tsiran-paratvony-meknarkec-104570849.html
Երևանն ընդգրկվել է FIAPF–ի շարքում. «Ոսկե ծիրան» փառատոնը մեկնարկեց
Երևանն ընդգրկվել է FIAPF–ի շարքում. «Ոսկե ծիրան» փառատոնը մեկնարկեց
Sputnik Արմենիա
Ավանդական կարմիր գորգն այս տարի փոխարինվել է յուրօրինակ դիզայներական ինստալյացիայով։ 13.07.2026, Sputnik Արմենիա
2026-07-13T19:45+0400
2026-07-13T19:45+0400
2026-07-13T22:10+0400
հայաստան
«ոսկե ծիրան» կինոփառատոն
փառատոն
տեսանյութ
տեսանյութեր
https://cdn.am.sputniknews.ru/img/07ea/07/0d/104569170_0:0:1920:1080_1920x0_80_0_0_abd629a816701dbeb5fd5d60e7b3e2eb.jpg
ԵՐԵՎԱՆ, 13 հուլիսի – Sputnik. Երևանում մեկնարկեց «Ոսկե ծիրան» 23-րդ միջազգային կինոփառատոնը, որն այս տարի առաջին անգամ անցկացվում է «Ա» կարգի փառատոնի կարգավիճակով:Այս կարգավիճակը, որը շնորհվում է Կինոպրոդյուսերների ասոցիացիաների միջազգային ֆեդերացիայի (FIAPF) կողմից, համարվում է համաշխարհային կինոարտադրության մեջ ամենահեղինակավորներից մեկը և երևանյան փառատոնը դասում միջազգային խոշորագույն կինոփառատոների շարքը:Այս տարվա փառատոնում ավանդական կարմիր գորգ չկա։ Այն փոխարինվել է ռուս նկարիչ և դիզայներ Իգոր Գուրովիչի ստեղծած եզակի դիզայներական ինստալյացիայով։ Գուրովիչը նաև փառատոնի պաշտոնական պաստառի հեղինակն է։Փառատոնը բացվեց հայ ռեժիսոր Թամարա Ստեփանյանի «In the Land of Arto» ֆիլմի պրեմիերայով, որը նկարահանվել է Հայաստանում հայ և ֆրանսիացի դերասանների մասնակցությամբ:Շաբաթվա ընթացքում հանդիսատեսին սպասում են մրցութային և արտամրցութային ցուցադրումներ, հանդիպումներ հայտնի ռեժիսորների, դերասանների և կինոքննադատների հետ, վարպետության դասեր և ստեղծագործական քննարկումներ:«Ոսկե ծիրան» միջազգային կինոփառատոնի տնօրեն և գեղարվեստական ղեկավար Կարեն Ավետիսյանը լրագրողներին ասաց, որ «Ա» կարգի կարգավիճակ ստանալը փառատոնի միջազգային հեղինակության ամրապնդման բազմամյա աշխատանքի արդյունք է:«Հատուկ ուշադրություն է դարձվել այս բարդ և դրամատիկ տարածաշրջանում փառատոնի դիրքերի ամրապնդման հարցերին։ Նպատակն էր ստեղծել այնպիսի արժեք, որը ճանաչված է ոչ այնքան մեր, որքան համաշխարհային հանրության կողմից», - ասաց նա։Ավետիսյանի խոսքով՝ երևանյան փառատոնի միջազգային ճանաչումը ընտրված ռազմավարության հաջողության վառ ապացույցն էր։ Բացի այդ, այս ճանաչումը լուրջ հիմքեր է ստեղծում ապագայի համար, որպեսզի այն դառնա տարածաշրջանային մշակույթի դրոշակակիրներից մեկը, քանի որ փառատոնի գլխավոր նպատակներից մեկը միշտ եղել է միջազգային մշակութային քարտեզի վրա Հայաստանի և ամբողջ տարածաշրջանի դրական կերպարի ձևավորումը:Փառատոնը կշարունակվի մինչև հուլիսի 19-ը, կցուցադրվի 90 ֆիլմ աշխարհի 40 երկրից:Այս տարի ժյուրիի նախագահն է Ջեսիկա Հաուսները, որը ժամանակակից ավստրիական կինոյի առաջատար դեմքերից է, որի ֆիլմերի պրեմիերաները կայացել են Կաննում և Վենետիկում՝ արժանանալով լայն ճանաչման ժանրային կինոյում նորարարական մոտեցման համար: Ժյուրիի կազմում ընդգրկված են նաև իռլանդա-շոտլանդացի կինոգետ և ռեժիսոր Մարկ Քազընսը, արգենտինացի դերասան Նաուել Պերես Բիսկայարտը, որը հայտնի է «Րոպեում 120 հարված» ֆիլմով, կանադացի գրող և պրոդյուսեր Մարկ Պերանսոնը, ինչպես նաև գերմանա-թուրքական թատերական պրոդյուսեր Շերմին Լանգհոֆը:Ինչպես նախորդ տարիներին, «Ոսկե ծիրանը» այս տարի ևս ներկայացնելու է մրցութային և արտամրցութային ծրագրեր, որոնցում ընդգրկված են ֆիլմեր ամբողջ աշխարհից, այդ թվում՝ միջազգային խոշորագույն կինոփառատոներում (Կանն, Բեռլին և այլն) արդեն ցուցադրված կինոնկարներ։Փառատոնի շրջանակում Հայաստան կայցելեն աշխարհահռչակ ռեժիսորներ, դերասաններ, սցենարիստներ և կինոարտադրության այլ ներկայացուցիչներ: Նրանք կներկայացնեն իրենց նոր աշխատանքները, հանդիպումներ կունենան հանդիսատեսի հետ և կփոխանցեն իրենց մասնագիտական փորձը:«Ոսկե ծիրան» փառատոնի պատվավոր հյուրը կլինի ֆրանսահայ դերասան Սիմոն Աբգարյանը
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, «ոսկե ծիրան» կինոփառատոն, փառատոն, видео, տեսանյութ, տեսանյութեր
հայաստան, «ոսկե ծիրան» կինոփառատոն, փառատոն, видео, տեսանյութ, տեսանյութեր
Երևանն ընդգրկվել է FIAPF–ի շարքում. «Ոսկե ծիրան» փառատոնը մեկնարկեց
19:45 13.07.2026 (Թարմացված է: 22:10 13.07.2026) Ավանդական կարմիր գորգն այս տարի փոխարինվել է յուրօրինակ դիզայներական ինստալյացիայով։
ԵՐԵՎԱՆ, 13 հուլիսի – Sputnik. Երևանում մեկնարկեց «Ոսկե ծիրան» 23-րդ միջազգային կինոփառատոնը, որն այս տարի առաջին անգամ անցկացվում է «Ա» կարգի փառատոնի կարգավիճակով:
Այս կարգավիճակը, որը շնորհվում է Կինոպրոդյուսերների ասոցիացիաների միջազգային ֆեդերացիայի (FIAPF) կողմից, համարվում է համաշխարհային կինոարտադրության մեջ ամենահեղինակավորներից մեկը և երևանյան փառատոնը դասում միջազգային խոշորագույն կինոփառատոների շարքը:
Այս տարվա փառատոնում ավանդական կարմիր գորգ չկա։ Այն փոխարինվել է ռուս նկարիչ և դիզայներ Իգոր Գուրովիչի ստեղծած եզակի դիզայներական ինստալյացիայով։ Գուրովիչը նաև փառատոնի պաշտոնական պաստառի հեղինակն է։
Փառատոնը բացվեց հայ ռեժիսոր Թամարա Ստեփանյանի «In the Land of Arto» ֆիլմի պրեմիերայով, որը նկարահանվել է Հայաստանում հայ և ֆրանսիացի դերասանների մասնակցությամբ:
Շաբաթվա ընթացքում հանդիսատեսին սպասում են մրցութային և արտամրցութային ցուցադրումներ, հանդիպումներ հայտնի ռեժիսորների, դերասանների և կինոքննադատների հետ, վարպետության դասեր և ստեղծագործական քննարկումներ:
«Ոսկե ծիրան» միջազգային կինոփառատոնի տնօրեն և գեղարվեստական ղեկավար Կարեն Ավետիսյանը լրագրողներին ասաց, որ «Ա» կարգի կարգավիճակ ստանալը փառատոնի միջազգային հեղինակության ամրապնդման բազմամյա աշխատանքի արդյունք է:
«Հատուկ ուշադրություն է դարձվել այս բարդ և դրամատիկ տարածաշրջանում փառատոնի դիրքերի ամրապնդման հարցերին։ Նպատակն էր ստեղծել այնպիսի արժեք, որը ճանաչված է ոչ այնքան մեր, որքան համաշխարհային հանրության կողմից», - ասաց նա։
Ավետիսյանի խոսքով՝ երևանյան փառատոնի միջազգային ճանաչումը ընտրված ռազմավարության հաջողության վառ ապացույցն էր։ Բացի այդ, այս ճանաչումը լուրջ հիմքեր է ստեղծում ապագայի համար, որպեսզի այն դառնա տարածաշրջանային մշակույթի դրոշակակիրներից մեկը, քանի որ փառատոնի գլխավոր նպատակներից մեկը միշտ եղել է միջազգային մշակութային քարտեզի վրա Հայաստանի և ամբողջ տարածաշրջանի դրական կերպարի ձևավորումը:
Փառատոնը կշարունակվի մինչև հուլիսի 19-ը, կցուցադրվի
90 ֆիլմ աշխարհի 40 երկրից:
Այս տարի ժյուրիի նախագահն է Ջեսիկա Հաուսները, որը ժամանակակից ավստրիական կինոյի առաջատար դեմքերից է, որի ֆիլմերի պրեմիերաները կայացել են Կաննում և Վենետիկում՝ արժանանալով լայն ճանաչման ժանրային կինոյում նորարարական մոտեցման համար: Ժյուրիի կազմում ընդգրկված են նաև իռլանդա-շոտլանդացի կինոգետ և ռեժիսոր Մարկ Քազընսը, արգենտինացի դերասան Նաուել Պերես Բիսկայարտը, որը հայտնի է «Րոպեում 120 հարված» ֆիլմով, կանադացի գրող և պրոդյուսեր Մարկ Պերանսոնը, ինչպես նաև գերմանա-թուրքական թատերական պրոդյուսեր Շերմին Լանգհոֆը:
Ինչպես նախորդ տարիներին, «Ոսկե ծիրանը» այս տարի ևս ներկայացնելու է մրցութային և արտամրցութային ծրագրեր, որոնցում ընդգրկված են ֆիլմեր ամբողջ աշխարհից, այդ թվում՝ միջազգային խոշորագույն կինոփառատոներում (Կանն, Բեռլին և այլն) արդեն ցուցադրված կինոնկարներ։
Փառատոնի շրջանակում Հայաստան կայցելեն աշխարհահռչակ ռեժիսորներ, դերասաններ, սցենարիստներ և կինոարտադրության այլ ներկայացուցիչներ: Նրանք կներկայացնեն իրենց նոր աշխատանքները, հանդիպումներ կունենան հանդիսատեսի հետ և կփոխանցեն իրենց մասնագիտական փորձը:
