https://arm.sputniknews.ru/20260703/hhum-datapartjalnerin-ajlevs-chen-zrki-harazatneri-het-tesakcutjunneric-104135853.html
ՀՀ–ում դատապարտյալներին այլևս չեն զրկի հարազատների հետ տեսակցություններից
ՀՀ–ում դատապարտյալներին այլևս չեն զրկի հարազատների հետ տեսակցություններից
Sputnik Արմենիա
Կտուգանվեն ոչ միայն դատապարտյալներին արգելված իրեր փոխանցելու, այլև դրանք ՔԿՀ–ի տարածք բերելու համար։ 03.07.2026, Sputnik Արմենիա
2026-07-03T14:17+0400
2026-07-03T14:17+0400
2026-07-03T14:19+0400
հայաստան
դատապարտյալ
տեսակցություն
քրեակատարողական հիմնարկ (քկհ)
աժ (ազգային ժողով)
https://cdn.am.sputniknews.ru/img/07e6/0c/0a/52449647_0:0:1600:901_1920x0_80_0_0_892e912341bd330aaf0b733b8a011d28.jpg
ԵՐԵՎԱՆ, 3 հուլիսի – Sputnik. Հայաստանում դատապարտյալներին մերձավոր ազգականների հետ տեսակցություններից զրկելն այլևս չի կիրառվի որպես կարգապահական տույժ։ ԱԺ–ն Քրեակատարողական օրենսգրքի համապատասխան փոփոխություններն ընդունեց երկրորդ և վերջնական ընթերցմամբ։Ինչպես օրինագիծը ներկայացնելիս ասել էր արդարադատության փոխնախարար Գևորգ Քոչարյանը, ազգականների հետ տեսակցությունների սահմանափակումը կիրառվել է այն դատապարտյալների նկատմամբ, որոնք խախտել են պահման սահմանված կարգը։ Սակայն միջազգային չափանիշներով` հարազատների հետ շփումներից զրկելը համարվում է ոչ մարդասիրական միջոց, ուստի որոշվել է հրաժարվել նման պրակտիկայից։Միևնույն ժամանակ խորհրդարանը երկրորդ և վերջնական ընթերցմամբ ընդունեց ևս մեկ նախագիծ, որով փոփոխություններ են արվում Վարչական իրավախախտումների վերաբերյալ օրենսգրքում։Ըստ այդ փոփոխությունների` ավելի խիստ միջոցներ են սահմանվում քրեակատարողական հիմնարկների տարածք արգելված իրեր բերելու համար։Խոսքը բջջային հեռախոսների և այլ էլեկտրոնիկայի, ալկոհոլային արտադրանքի և սպիրտ պարունակող նյութերի, դրամական միջոցների և թանկարժեք իրերի մասին է։ Պատիժ կսահմանվի ոչ միայն դրանք բանտարկյալին փոխանցելու, այլև ՔԿՀ տարածք բերելու համար։ Խախտում անողները նախկինում կարող էին պնդել, որ արգելված իրերը բերել են անձնական օգտագործման համար, եթե նրանց չեն «բռնացրել» անմիջապես փոխանցելու պահին։Տուգանքների չափը կավելանա` 100-300 հազար դրամից դառնալով 200-500 հազար դրամ։ Մեկ տարվա ընթացքում կրկին նման խախտում անելու դեպքում տուգանքի չափը կլինի 300-600 հազար դրամ։ Բոլոր դեպքերում հայտնաբերված արգելված իրերը կբռնագրավվեն` առանց տիրոջը վերադարձնելու իրավունքի։Թոշակառուները կկարողանան տունը գրավադրել և եկամուտ ստանալ. ԱԺ–ն ընդունեց նախագիծը
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, դատապարտյալ, տեսակցություն, քրեակատարողական հիմնարկ (քկհ), աժ (ազգային ժողով)
հայաստան, դատապարտյալ, տեսակցություն, քրեակատարողական հիմնարկ (քկհ), աժ (ազգային ժողով)
ՀՀ–ում դատապարտյալներին այլևս չեն զրկի հարազատների հետ տեսակցություններից
14:17 03.07.2026 (Թարմացված է: 14:19 03.07.2026) Կտուգանվեն ոչ միայն դատապարտյալներին արգելված իրեր փոխանցելու, այլև դրանք ՔԿՀ–ի տարածք բերելու համար։
ԵՐԵՎԱՆ, 3 հուլիսի – Sputnik. Հայաստանում դատապարտյալներին մերձավոր ազգականների հետ տեսակցություններից զրկելն այլևս չի կիրառվի որպես կարգապահական տույժ։ ԱԺ–ն Քրեակատարողական օրենսգրքի համապատասխան փոփոխություններն ընդունեց երկրորդ և վերջնական ընթերցմամբ։
Ինչպես օրինագիծը ներկայացնելիս ասել էր արդարադատության փոխնախարար Գևորգ Քոչարյանը, ազգականների հետ տեսակցությունների սահմանափակումը կիրառվել է այն դատապարտյալների նկատմամբ, որոնք խախտել են պահման սահմանված կարգը։ Սակայն միջազգային չափանիշներով` հարազատների հետ շփումներից զրկելը համարվում է ոչ մարդասիրական միջոց, ուստի որոշվել է հրաժարվել նման պրակտիկայից։
Միևնույն ժամանակ խորհրդարանը երկրորդ և վերջնական ընթերցմամբ ընդունեց ևս մեկ նախագիծ, որով փոփոխություններ են արվում Վարչական իրավախախտումների վերաբերյալ օրենսգրքում։
Ըստ այդ փոփոխությունների` ավելի խիստ միջոցներ են սահմանվում քրեակատարողական հիմնարկների տարածք արգելված իրեր բերելու համար։
Խոսքը բջջային հեռախոսների և այլ էլեկտրոնիկայի, ալկոհոլային արտադրանքի և սպիրտ պարունակող նյութերի, դրամական միջոցների և թանկարժեք իրերի մասին է։ Պատիժ կսահմանվի ոչ միայն դրանք բանտարկյալին փոխանցելու, այլև ՔԿՀ տարածք բերելու համար։ Խախտում անողները նախկինում կարող էին պնդել, որ արգելված իրերը բերել են անձնական օգտագործման համար, եթե նրանց չեն «բռնացրել» անմիջապես փոխանցելու պահին։
Տուգանքների չափը կավելանա` 100-300 հազար դրամից դառնալով 200-500 հազար դրամ։ Մեկ տարվա ընթացքում կրկին նման խախտում անելու դեպքում տուգանքի չափը կլինի 300-600 հազար դրամ։ Բոլոր դեպքերում հայտնաբերված արգելված իրերը կբռնագրավվեն` առանց տիրոջը վերադարձնելու իրավունքի։
