https://arm.sputniknews.ru/20260701/finansakan-khardakhutjunneri-zvoh-dardzats-qaghaqacinery-krkin-bvoghvoqi-akcia-en-anum-104038853.html

Ֆինանսական խարդախությունների զոհ դարձած քաղաքացիները կրկին բողոքի ակցիա են անում

Ֆինանսական խարդախությունների զոհ դարձած քաղաքացիները կրկին բողոքի ակցիա են անում

Sputnik Արմենիա

Ակցիայի մասնակիցները պնդում են, որ կառավարությունը նախաձեռնում է քաղաքացիների հեռախոսների IMEI կոդերի միասնական շտեմարանի ստեղծում, որը պարարտ հող է լինելու... 01.07.2026, Sputnik Արմենիա

2026-07-01T12:50+0400

2026-07-01T12:50+0400

2026-07-01T13:12+0400

կիբեռհանցագործություն

բողոքի ակցիա

տուժածներ

հհ կառավարություն

https://cdn.am.sputniknews.ru/img/07ea/07/01/104037044_0:83:1600:983_1920x0_80_0_0_c9b457083151bb60a50b0cc8ce5c1c32.jpg

ԵՐԵՎԱՆ, 1 հուլիսի – Sputnik. Ֆինանսական խարդախությունների զոհ դարձած քաղաքացիները կրկին բողոքի ակցիա են անում ՀՀ կառավարության շենքի մոտ` պահանջելով լուծում տալ իրենց խնդիրներին։«Մենք հերթական անգամ այստեղ ենք և համառորեն շարունակելու ենք գալ, քանի դեռ ներդրումային խարդախությունից տուժած քաղաքացիների իրավունքները չեն վերականգնվել։ Պետությունը դեռևս չի ստեղծել գործուն մեխանիզմներ, հետևաբար մենք պահանջում ենք ստեղծել թիրախային ֆոնդ, որը կապահովի քաղաքացիների ֆինանսական իրավունքների վերականգնում և երկրորդ` պետությունը դեռևս կիբեռհանցագործությունների և ներդրումային խարդախությունների հետևանքները չկանխարգելած կառավարությունը նախաձեռնում է քաղաքացիների հեռախոսների IMEI կոդերի միասնական շտեմարան, որը պարարտ հող է լինելու հետագայում կիբեռհանցագործությունների համար»,– լրագրողների հետ զրույցում նշեց «Հանրային վերահսկողություն» կազմակերպության նախագահ, իրավապաշտպան Մհեր Կարագյոզյանը։Տուժած քաղաքացիներից մեկը` Միհրան Դանիելյանը, ներկայացրեց, որ ինքը կորցրել է 12.000 դոլար գումար, որը ներդրել է HelloBit ֆինանսական ներդրումային հարթակում։Ցուցարարների խոսքով` պետությունը վերահսկողություն չի սահմանել, այդ պատճառով էլ հանցագործություններ են կայացել։ Նրանք վստահ են, որ ֆինանսական փոխհատուցումը պետության պարտավորությունն է, ոչ թե բարեգործություն։Հիշեցնենք` զեղծարարությունների զոհ դարձած քաղաքացիները պարբերաբար բողոքի ակցիաներ են իրականացնում ՀՀ կառավարության, նաև տարբեր բանկերի գլխամասային գրասենյակների մոտ։ Նրանց անուններով տարբեր չափերի կեղծ վարկեր են ձևակերպվել, անձնական հաշիվներից գումարի հափշտակություն է արվել և այլն։Վերջին շրջանում զեղծարարությունների զոհ դարձած քաղաքացիները բողոքում են, որ թեպետ քրեական վարույթներ են նախաձեռնված և պարզ է, որ իրենք զեղծարարության զոհ են, սակայն բանկերը պահանջում են կատարել պարտավորությունները և վճարել ձևակերպված վարկերի դիմաց։ Արդեն կան դեպքեր, որ բանկերը մարդկանցից անշարժ ու շարժական գույքը բռնագանձելու գործընթաց են սկսել, տներ են աճուրդի հանվել։Քաղաքացիների դժգոհ են նաև քննչական մարմինների աշխատանքից, ասում են՝ կատարվող գործողությունները դանդաղ են և ոչ արդյունավետ։

2026

Լուրեր

am_HY

կիբեռհանցագործություն, բողոքի ակցիա, տուժածներ, հհ կառավարություն