https://arm.sputniknews.ru/20260630/pvoliklinikanerum-1-mlnic-aveli-ashkhatavardz-stacvogh-bzhishkner-unenq-avanesjan-104000758.html
Պոլիկլինիկաներում 1 մլն–ից ավելի աշխատավարձ ստացող բժիշկներ ունենք. Ավանեսյան
Պոլիկլինիկաներում 1 մլն–ից ավելի աշխատավարձ ստացող բժիշկներ ունենք. Ավանեսյան
Sputnik Արմենիա
Անահիտ Ավանեսյանի խոսքով` դեռևս կան պոլիկլինիկաներ, որտեղ որոշակի ֆինանսական բարդություններ կան` նախկինում կուտակված պարտքերից։ 30.06.2026, Sputnik Արմենիա
2026-06-30T13:07+0400
2026-06-30T13:07+0400
2026-06-30T14:16+0400
աշխատավարձ
բժիշկ
պոլիկլինիկա
անահիտ ավանեսյան
առողջության ապահովագրություն
https://cdn.am.sputniknews.ru/img/07ea/06/1e/104000440_0:0:1600:900_1920x0_80_0_0_3647abe169190a0b08ff3ab32f70ff92.jpg
ԵՐԵՎԱՆ, 30 հունիսի – Sputnik. ՀՀ–ում առողջության համընդհանուր ապահովագրության ներդրումից հետո պոլիկլինիկաներում կան մասնագետներ, որոնք 1 մլն դրամից ավելի աշխատավարձ են ստանում։ Այս մասին ասուլիսի ժամանակ ասաց ՀՀ առողջապահության նախարար Անահիտ Ավանեսյանը` ներկայացնելով առողջության ապահովագրության 6 ամսվա արդյունքները։Նշենք, որ առողջության համընդհանուր ապահովագրության համակարգի ներդրումից հետո պոլիկլինիկաներում բուժաշխատողների շրջանում դժգոհության ալիք էր բարձրացել։ Նշում էին, որ ամսական աշխատավարձը նախկինում ֆիքսված էր, իսկ հիմա կազմում է 14 000 կամ օրինակ 22 000 դրամ։ Սա պայմանավորված էր իրենց կատարած աշխատանքով` քանի անձ էին ընդունում և սպասարկում։Նրա խոսքով` դեռևս կան առաջնային օղակներ, որտեղ որոշակի ֆինանսական բարդություններ կան` նախկինում կուտակված պարտքերից։ Այժմ այդ պոլիկլինիկաները վճարում են այդ պարտքերը` «առողջացած» վիճակում իրենց աշխատողներին հավելյալ գումարներ վճարելու համար։Հիշեցնենք` առողջության համընդհանուր ապահովագրության համակարգը գործում է հունվարի 1-ից։ Առաջին փուլում համակարգում ընդգրկվել են 200 հազար դրամ և ավելի աշխատավարձ ստացող անձինք։ Այս փուլում ներառվել են նաև մինչև 18 տարեկան երեխաներն ու 65 տարեկանը լրացած մեծահասակները` առանց բացառությունների։ Այս խմբի անձանց համար 2026 թվականին կգործի պետական 100–տոկոսանոց աջակցություն։Առողջության պարտադիր ապահովագրության համակարգի տարեկան փաթեթը 129 600 դրամ է, որն իր մեջ ներառում է կանխարգելիչ, վաղ հայտնաբերմանն ուղղված, սքրինինգային, հիվանդանոցային ծրագրեր, դեղորայքային ապահովում, շտապօգնության ծառայություններ։Մեկը շահում է, մյուսը՝ տուժում․ առողջության ապահովագրության խութերը
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
աշխատավարձ, բժիշկ, պոլիկլինիկա, անահիտ ավանեսյան, առողջության ապահովագրություն
աշխատավարձ, բժիշկ, պոլիկլինիկա, անահիտ ավանեսյան, առողջության ապահովագրություն
Պոլիկլինիկաներում 1 մլն–ից ավելի աշխատավարձ ստացող բժիշկներ ունենք. Ավանեսյան
13:07 30.06.2026 (Թարմացված է: 14:16 30.06.2026) Անահիտ Ավանեսյանի խոսքով` դեռևս կան պոլիկլինիկաներ, որտեղ որոշակի ֆինանսական բարդություններ կան` նախկինում կուտակված պարտքերից։
ԵՐԵՎԱՆ, 30 հունիսի – Sputnik. ՀՀ–ում առողջության համընդհանուր ապահովագրության ներդրումից հետո պոլիկլինիկաներում կան մասնագետներ, որոնք 1 մլն դրամից ավելի աշխատավարձ են ստանում։ Այս մասին ասուլիսի ժամանակ ասաց ՀՀ առողջապահության նախարար Անահիտ Ավանեսյանը` ներկայացնելով առողջության ապահովագրության 6 ամսվա արդյունքները։
Նշենք, որ առողջության համընդհանուր ապահովագրության համակարգի ներդրումից հետո պոլիկլինիկաներում բուժաշխատողների շրջանում դժգոհության ալիք էր բարձրացել։ Նշում էին, որ ամսական աշխատավարձը նախկինում ֆիքսված էր, իսկ հիմա կազմում է 14 000 կամ օրինակ 22 000 դրամ։ Սա պայմանավորված էր իրենց կատարած աշխատանքով` քանի անձ էին ընդունում և սպասարկում։
«Առաջին 2 ամսում այս նոր համակարգի աշխատելաոճը դեռ անսովոր էր բուժաշխատողների համար։ Որոշակի ժամանակ պահանջվեց, որպեսզի նրանք մուտքագրեն իրենց կողմից ապահովագրվածների ծառայությունները։ Այս պահին աշխատավարձերի մասով մենք բավարար ավելացումներ ունենք։ Սա մեր երազանքի չափը չէ, բայց միայն ապահովագրության ներդրման արդյունքում առաջնային օղակում միջինում 30-40%-ի աշխատավարձի աճ է գրանցվել։ Բժիշկը, եթե չի սպասարկում օրվա ընթացքում, պացիենտ չի ունենում, ապա աշխատավարձի առումով բարդություններ կունենա։ Մեր բոլոր նեղ մասնագետները, որոնք ծանրաբեռնվածություն ունեն` աշխատավարձերն անգամներով աճել են։ Պոլիկլինիկական օղակում մասնագետներ ունենք, որոնք 1 մլն դրամից ավելի աշխատավարձ են ստանում»,– ասաց Ավանեսյանը։
Նրա խոսքով` դեռևս կան առաջնային օղակներ, որտեղ որոշակի ֆինանսական բարդություններ կան` նախկինում կուտակված պարտքերից։ Այժմ այդ պոլիկլինիկաները վճարում են այդ պարտքերը` «առողջացած» վիճակում իրենց աշխատողներին հավելյալ գումարներ վճարելու համար։
Հիշեցնենք` առողջության համընդհանուր ապահովագրության համակարգը գործում է հունվարի 1-ից։ Առաջին փուլում համակարգում ընդգրկվել են 200 հազար դրամ և ավելի աշխատավարձ ստացող անձինք։ Այս փուլում ներառվել են նաև մինչև 18 տարեկան երեխաներն ու 65 տարեկանը լրացած մեծահասակները` առանց բացառությունների։ Այս խմբի անձանց համար 2026 թվականին կգործի պետական 100–տոկոսանոց աջակցություն։
Առողջության պարտադիր ապահովագրության համակարգի տարեկան փաթեթը 129 600 դրամ է, որն իր մեջ ներառում է կանխարգելիչ, վաղ հայտնաբերմանն ուղղված, սքրինինգային, հիվանդանոցային ծրագրեր, դեղորայքային ապահովում, շտապօգնության ծառայություններ։
