https://arm.sputniknews.ru/20260630/baqvi-dataranum-haj-gerineric-mi-qanisi-pashtpannern-ardaracman-vtshirner-en-pahanjel-104023357.html
Բաքվի դատարանում հայ գերիներից մի քանիսի «պաշտպաններն» արդարացման վճիռներ են պահանջել
Բաքվի դատարանում հայ գերիներից մի քանիսի «պաշտպաններն» արդարացման վճիռներ են պահանջել
Sputnik Արմենիա
Դատական նիստը կշարունակվի հուլիսի 3-ին։ 30.06.2026, Sputnik Արմենիա
2026-06-30T19:35+0400
2026-06-30T19:35+0400
2026-06-30T19:56+0400
արցախ
ադրբեջան
գերի
դատ
https://cdn.am.sputniknews.ru/img/07ea/06/1e/104022457_0:0:945:532_1920x0_80_0_0_1a12d14f269badd1573eeb5dc8c024c9.jpg
ԵՐԵՎԱՆ, 30 հունիսի – Sputnik. Բաքվի վերաքննիչ դատարանում այսօր շարունակվել է Արցախի նախկին ռազմաքաղաքական ղեկավարների և մյուս հայ գերիների բողոքների քննությունը։ Ինչպես հայտնում են ադրբեջանական ԶԼՄ-ները, Արցախի ԱԺ նախկին նախագահ Դավիթ Իշխանյանի, ինչպես նաև Դավիթ Ալահվերդյանի, Մելիքսեթ Փաշայանի «պաշտպանները» խնդրել են բեկանել փետրվարի 5-ի դատարանի վճիռն ու իրենց պաշտպանյալների նկատմամբ արդարացման դատավճիռներ կայացնել։Այնուհետև դատական նիստն ընդմիջվել է, որպեսզի «մեղադրյալներն» իրենց «պաշտպանների» հետ փակ, գաղտնի հանդիպումներ անցկացնելու հնարավորություն ունենան։Ընդմիջումից հետո ելույթները շարունակվել են։Իշխանյանը նախ միջնորդություն է ներկայացրել՝ դատարանին խնդրելով քրեական գործի նյութերին կցել իր կողմից պատրաստված վերաքննիչ բողոքի և դիմումի կրկնօրինակները: Նա նաև նշել է, որ չի ընդունում իրեն առաջադրված մեղադրանքը։ Այս նիստի ընթացքում նաև Արցախի ԱԳ նախկին նախարար Դավիթ Բաբայանի և Մադաթ Բաբայանի «պաշտպանները» փոխվել են, քանի որ նրանց փաստաբաններն առողջական խնդիրների պատճառով չէին կարողացել մասնակցել նիստին։Հաջորդ դատական նիստը նշանակված է հուլիսի 3-ին։Հիշեցնենք` պաշտոնական տվյալներով` Ադրբեջանում 19 հայ գերի կա։ Արցախի նախկին ռազմաքաղաքական առաջնորդների գործով «դատավարությունը», որը Բաքվում սկսվել էր 2025 թվականի հունվարին, ավարտվեց այս տարվա փետրվարի 5–ին, և հրապարակվեցին դատավճիռները` ցմահ ազատազրկման դատապարտվեցին Արցախի Հանրապետության նախկին նախագահ Արայիկ Հարությունյանը, ՊԲ նախկին հրամանատար Լևոն Մնացականյանը և ՊԲ հրամանատարի նախկին տեղակալ Դավիթ Մանուկյանը։ Արցախի նախկին նախագահներ Արկադի Ղուկասյանն ու Բակո Սահակյանը դատապարտվեցին 20 տարվա ազատազրկման։Քաղաքացիական գերիներ Մադաթ Բաբայանը և Մելքիսեթ Փաշայանը դատապարտվեցին 19 տարվա ազատազրկման, Գարիկ Մարտիրոսյանը՝ 18, Դավիթ Ալահվերդյանը և Լևոն Բալայանը՝ 16, Էրիկ Ղազարյանը, Գուրգեն Ստեփանյանը, Վասիլ Բեգլարյանը՝ 15 տարվա ազատազրկման։Արցախի նախկին պետնախարար Ռուբեն Վարդանյանի «գործը» քննվում էր առանձնացված վարույթով։ Փետրվարի 17-ին Բաքվի դատարանը Ռուբեն Վարդանյանին 20 տարվա ազատազրկման դատապարտեց: Ապրիլի 28-ին հայտնի դարձավ, որ նրան այլ հայ գերիների հետ տեղափոխել են Բաքվի Ղարադաղի շրջանի Ումբակի բանտային համալիր:
ադրբեջան
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
արցախ, ադրբեջան, գերի, դատ
արցախ, ադրբեջան, գերի, դատ
Բաքվի դատարանում հայ գերիներից մի քանիսի «պաշտպաններն» արդարացման վճիռներ են պահանջել
19:35 30.06.2026 (Թարմացված է: 19:56 30.06.2026) Դատական նիստը կշարունակվի հուլիսի 3-ին։
ԵՐԵՎԱՆ, 30 հունիսի – Sputnik. Բաքվի վերաքննիչ դատարանում այսօր շարունակվել է Արցախի նախկին ռազմաքաղաքական ղեկավարների և մյուս հայ գերիների բողոքների քննությունը։ Ինչպես հայտնում են ադրբեջանական ԶԼՄ-ները, Արցախի ԱԺ նախկին նախագահ Դավիթ Իշխանյանի, ինչպես նաև Դավիթ Ալահվերդյանի, Մելիքսեթ Փաշայանի «պաշտպանները» խնդրել են բեկանել փետրվարի 5-ի դատարանի վճիռն ու իրենց պաշտպանյալների նկատմամբ արդարացման դատավճիռներ կայացնել։
Այնուհետև դատական նիստն ընդմիջվել է, որպեսզի «մեղադրյալներն» իրենց «պաշտպանների» հետ փակ, գաղտնի հանդիպումներ անցկացնելու հնարավորություն ունենան։
Ընդմիջումից հետո ելույթները շարունակվել են։
Իշխանյանը նախ միջնորդություն է ներկայացրել՝ դատարանին խնդրելով քրեական գործի նյութերին կցել իր կողմից պատրաստված վերաքննիչ բողոքի և դիմումի կրկնօրինակները: Նա նաև նշել է, որ չի ընդունում իրեն առաջադրված մեղադրանքը։
Այս նիստի ընթացքում նաև Արցախի ԱԳ նախկին նախարար Դավիթ Բաբայանի և Մադաթ Բաբայանի «պաշտպանները» փոխվել են, քանի որ նրանց փաստաբաններն առողջական խնդիրների պատճառով չէին կարողացել մասնակցել նիստին։
Հաջորդ դատական նիստը նշանակված է հուլիսի 3-ին։
Հիշեցնենք` պաշտոնական տվյալներով` Ադրբեջանում 19 հայ գերի կա։ Արցախի նախկին ռազմաքաղաքական առաջնորդների գործով
«դատավարությունը», որը Բաքվում սկսվել էր 2025 թվականի հունվարին, ավարտվեց այս տարվա փետրվարի 5–ին, և
հրապարակվեցին դատավճիռները` ցմահ ազատազրկման դատապարտվեցին Արցախի Հանրապետության նախկին նախագահ Արայիկ Հարությունյանը, ՊԲ նախկին հրամանատար Լևոն Մնացականյանը և ՊԲ հրամանատարի նախկին տեղակալ Դավիթ Մանուկյանը։ Արցախի նախկին նախագահներ Արկադի Ղուկասյանն ու Բակո Սահակյանը դատապարտվեցին 20 տարվա ազատազրկման։
Քաղաքացիական գերիներ Մադաթ Բաբայանը և Մելքիսեթ Փաշայանը
դատապարտվեցին 19 տարվա ազատազրկման, Գարիկ Մարտիրոսյանը՝ 18, Դավիթ Ալահվերդյանը և Լևոն Բալայանը՝ 16, Էրիկ Ղազարյանը, Գուրգեն Ստեփանյանը, Վասիլ Բեգլարյանը՝ 15 տարվա ազատազրկման։
Արցախի նախկին պետնախարար
Ռուբեն Վարդանյանի «գործը» քննվում էր առանձնացված վարույթով։ Փետրվարի 17-ին
Բաքվի դատարանը Ռուբեն Վարդանյանին 20 տարվա ազատազրկման դատապարտեց: Ապրիլի 28-ին հայտնի դարձավ, որ նրան այլ հայ գերիների հետ
տեղափոխել են Բաքվի Ղարադաղի շրջանի Ումբակի բանտային համալիր:
