https://arm.sputniknews.ru/20260618/atsneri-hardzakum-mvoskvaji-marzi-vra-16-mard-e-tuzhel-ajd-tvum-2-erekha-103612990.html

ԱԹՍ–ների հարձակում Մոսկվայի մարզի վրա. 16 մարդ է տուժել, այդ թվում` 2 երեխա

ԱԹՍ–ների հարձակում Մոսկվայի մարզի վրա. 16 մարդ է տուժել, այդ թվում` 2 երեխա

Sputnik Արմենիա

Մոսկվայի մարզպետ Անդրեյ Վորոբյովը ուկրաինական անօդաչուների հարձակման հետևանքների վերաբերյալ տվյալներ է ներկայացրել։ 18.06.2026, Sputnik Արմենիա

2026-06-18T13:43+0400

2026-06-18T13:43+0400

2026-06-18T13:44+0400

ռուսաստան

մոսկվա

անօդաչու թռչող սարք (աթս)

տուժածներ

https://cdn.am.sputniknews.ru/img/07ea/06/12/103601337_0:0:1280:721_1920x0_80_0_0_b49d83977424a5e77e885a498e22436a.jpg

ԵՐԵՎԱՆ, 18 հունիսի – Sputnik. Մոսկվայի մարզի վրա ԱԹՍ–ների հարձակման հետևանքով 16 մարդ է վնասվածք ստացել։ Այս մասին հայտնել է Մոսկվայի մարզպետ Անդրեյ Վորոբյովը։«Այս ժամի դրությամբ վիրավորվել է 16 մարդ, այդ թվում՝ երկու երեխա», – գրել է Վորոբյովը տելեգրամյան ալիքում։Մարզպետի խոսքով՝ Ռամենսկոյեում 3 մարդ է տուժել. որովայնի, կոնքի և վերջույթների վնասվածքներ ստացած 22-ամյա տղամարդը տեղափոխվել է Ռամենսկոյեի հիվանդանոց, սրունքի վնասվածքներ ստացած 10-ամյա աղջիկը գտնվում է Մոր և մանկան պահպանության կենտրոնի բժիշկների հսկողության տակ: Եվս մեկ տուժած՝ 35-ամյա մի տղամարդ, տեղափոխվել է Ժուկովսկիի հիվանդանոց՝ սրունքի, ազդրի, ուսի և պարանոցի բազմաթիվ վնասվածքներով։Սոլնեչնոգորսկում 46-ամյա տղամարդը ուսի բեկորային վնասվածք է ստացել։Նա ամբուլատոր բուժօգնություն է ստացել։ Լյուբերցիում տուժել են 20 և 33 տարեկան երկու տղամարդիկ։ Նրանք ազդրի վնասվածքով և ձեռքի կոտրվածքով տեղափոխվել են հիվանդանոց: Երկուսի վիճակը միջին ծանրության է։Դերժինսկիում պարանոցի վնասվածք ստացած տղամարդը տեղափոխվել է Լյուբերցիի հիվանդանոց։Կոտելնիկիում 8 մարդ է տուժել։ 5-ը գտնվում են Լյուբերցիի հիվանդանոցում։ Նրանց թվում բեկորային վնասվածքներով և տարբեր ծանրության վնասվածքներով տղամարդիկ կան, ինչպես նաև 58-ամյա կին՝ գլխուղեղի և ուսի վնասվածքով։ 3-ամյա երեխան տեղափոխվել է Մոր և մանկան պաշտպանության կենտրոն։ Եվս մեկ 19-ամյա տուժած բուժվում է Ժուկովսկիի հիվանդանոցում։ Մեկ մարդ հոսպիտալացումից հրաժարվել է։Եվս մեկ 50-ամյա տղամարդ «Սադովոդ» առևտրի կենտրոնից Լյուբերցիի հիվանդանոց է տեղափոխվել որովայնի պատի բեկորային վնասվածքներով։ԱԹՍ–ները Մոսկվայի նավթավերամշակման գործարան են հասել. զանգվածային հարձակման մանրամասներըՀիշեցնենք՝ 2022–ի փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ ռազմական հատուկ գործողություն սկսելու որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։Մարտական գործողություններն ընթանում են մինչ օրս։Ուկրաինական զորքը տարբեր եղանակներով (այդ թվում` ԱԹՍ–ներով) պարբերաբար գնդակոծում և գրոհում է ՌԴ սահմանամերձ շրջանները, մասնավորապես` Բելգորոդի, Բրյանսկի, Կուրսկի և Վորոնեժի մարզերը։

մոսկվա

2026

Լուրեր

am_HY

ռուսաստան, մոսկվա, անօդաչու թռչող սարք (աթս), տուժածներ