https://arm.sputniknews.ru/20260617/sa-ishkhanutjan-vakheri-masin-e-ghazinjany-iren-andzernmkheliutjunic-zrkelu-masin-103575154.html

Սա իշխանության վախերի մասին է. Ղազինյանը` իրեն անձեռնմխելիությունից զրկելու մասին

Սա իշխանության վախերի մասին է. Ղազինյանը` իրեն անձեռնմխելիությունից զրկելու մասին

Sputnik Արմենիա

Դավիթ Ղազինյանը հերքեց ՀՀ հակակոռուպցիոն կոմիտեի պնդումը, թե ինքը ընտրակաշառք է տվել։ 17.06.2026, Sputnik Արմենիա

2026-06-17T12:47+0400

2026-06-17T12:47+0400

2026-06-17T12:57+0400

հայաստան

դավիթ ղազինյան

արամ վարդևանյան

կենտրոնական ընտրական հանձնաժողով (կըհ)

անձեռնմխելիություն

հակակոռուպցիոն կոմիտե

հհ դատախազություն

ձայնագրություն

https://cdn.am.sputniknews.ru/img/07e9/07/15/91530084_0:0:1600:900_1920x0_80_0_0_c9af3d8778de4f3397db01617b18e198.jpg

ԵՐԵՎԱՆ, 17 հունիսի – Sputnik. ՀՀ կենտրոնական ընտրական հանձնաժողովի այսօրվա փակ նիստը գործող իշխանության վախերի մասին է։ ԿԸՀ–ի շենքի մոտ այս հայտարարությունն արեց «Ուժեղ Հայաստան» կուսակցության անդամ, պատգամավորի թեկնածու Դավիթ Ղազինյանը։Հանձնաժողովը քննում է Ղազինյանին անձեռնմխելիությունից զրկելու մասին դիմումը, որը ներկայացրել է ՀՀ դատախազությունը։ Դիմումի քննությունը հիմնված է ՀՀ հակակոռուպցիոն կոմիտեի` հունիսի 5–ին հրապարակած ձայնագրության վրա, որտեղ իբր խոսվում է Ղազինյանի կողմից ինչ–որ մեկին 1 մլն 400 հազար դրամ ընտրակաշառք տալու մասին։Ղազինյանը նախ հերքեց կոմիտեի այս պնդումը, ապա նշեց, որ այսօրվա նիստից որևէ ակնկալիք չունի։ Նա համոզված է, որ հանձնաժողովը համաձայնություն տալու է իրեն անձեռնմխելիությունից զրկելու համար։«Ուժեղ Հայաստան» կուսակցության անդամ, փաստաբան Արամ Վարդևանյանն էլ նշեց, որ այս գործի հանգամանքները հանրայնացվել և, ըստ էության, նախաքննական գաղտնիքը բացահայտվել է հենց ՀՀ հակակոռուպցիոն կոմիտեի կողմից, ուստի ԿԸՀ նիստի փակ լինելու հանգամանքն առնվազն տարօրինակ է։«Ձայնագրությունը հրապարակվել է հունիսի 5–ին, այսինքն` հունիսի 5–ից սկսած հանրային ի՞նչ ոչ պատշաճ վարքագծի մասին կարող է խոսք լինել, որ մի հատ էլ քննարկվի Ղազինյանին կալանավորելու հարցը։ Ղազինյանն այս ընթացքում միշտ հասանելի է եղել, միշտ շփման մեջ է եղել լրագրողների հետ»,– նշեց Վարդևանյանը։Լրագրողների հետ զրույցից հետո Դավիթ Ղազինյանն ու փաստաբանը մտան ԿԸՀ–ի շենք, բայց կարճ ժամանակ անց դուրս եկան` հայտարարելով, որ պահանջել են նիստը դռնբաց անցկացնել։ «Դատախազությունը որևէ հիմնավոր հակափաստարկ չբերեց, քանի որ իրենք արդեն իսկ խախտել են նախաքննական գաղտնիքի շեմը։ ԿԸՀ նախագահն էլ իր հերթին ասաց, որ չի պատրաստվում գործն ամբողջովին քննել, քանի որ իրենք դատարան չեն»,– ասաց Ղազինյանը։Նա ընդգծեց` չի պատրաստվում մասնակից լինել այս շոուին, ԿԸՀ–ի որոշմանը կսպասի տանը։Ի դեպ, այսօր ԿԸՀ–ն կքննի նաև «Ուժեղ Հայաստան» կուսակցության անդամ Վահե Եղիազարյանին անձեռնմխելիությունից զրկելու համաձայնություն տալու հարցը։

2026

Լուրեր

am_HY

հայաստան, դավիթ ղազինյան, արամ վարդևանյան, կենտրոնական ընտրական հանձնաժողով (կըհ), անձեռնմխելիություն, հակակոռուպցիոն կոմիտե, հհ դատախազություն, ձայնագրություն