https://arm.sputniknews.ru/20260617/hajastanum-svocialapes-anapahvov-bnakichnerin-kargelvi-ogtvel-arcanc-khaghatneric-103579207.html

Հայաստանում սոցիալապես անապահով բնակիչներին կարգելվի օգտվել առցանց խաղատներից

Հայաստանում սոցիալապես անապահով բնակիչներին կարգելվի օգտվել առցանց խաղատներից

Sputnik Արմենիա

2017-2025 թվականներին Հայաստանի բնակիչների կողմից առցանց խաղատներում կատարված խաղադրույքների ծավալն աճել է ավելի քան 35 անգամ՝ հասնելով 7.41 տրլն դրամի։ 17.06.2026, Sputnik Արմենիա

2026-06-17T14:29+0400

2026-06-17T14:29+0400

2026-06-17T15:11+0400

խաղատուն

օնլայն

հայաստան

արգելք

խաղադրույք

օրենք

նաիրի սարգսյան

նախագիծ

աժ (ազգային ժողով)

https://cdn.am.sputniknews.ru/img/07e6/01/19/37961589_0:23:1600:923_1920x0_80_0_0_4ae3e4d19f13ee7317f66796a6c358dc.jpg

ԵՐԵՎԱՆ, 17 հունիսի – Sputnik. Սոցիալապես խոցելի բնակիչների համար Հայաստանում կսահմանափակվի հասանելիությունը առցանց շահումով խաղերին։ Իշխող «Քաղաքացիական պայմանագիր» խմբակցության պատգամավոր Հայկ Սարգսյանի կողմից մշակված «Խաղային գործունեության կարգավորման մասին» օրենքում փոփոխություններ կատարելու մասին նախագիծը ԱԺ–ն հաստատել է երկրորդ և վերջնական ընթերցմամբ։Մասնավորապես, առաջարկվում է արգելել խաղալը պետական ​​սուբսիդիաներ (հիփոթեքային վարկերի, ուսման վարձի, գյուղատնտեսական վարկերի և այլնի համար) ստացող քաղաքացիներին, սոցիալական նպաստ ստացողներին, բացի թոշակից այլ եկամուտ չունեցող կենսաթոշակառուներին, սնանկության գործընթացի մասնակիցներին, ինչպես նաև բարձր վարկային բեռ ունեցող անձանց (ովքեր իրենց տարեկան եկամտի ավելի քան 40%-ը ուղղում են վարկերի մարմանը)։Միկրոբիզնեսը կաշխատի «ручной тормоз»–ը քաշած. Փաշինյանի նախկին օգնականն ԱԺ էր եկել տրցակովՈրոշ սահմանափակումներ կկիրառվեն նաև այն քաղաքացիների համար, որոնց արգելված չէ խաղալ առցանց խաղատներում. խաղադրույքների վրա ծախսվող գումարները չպետք է գերազանցեն նրանց տարեկան եկամտի 20%-ը։Բացի այդ, Հայաստանում գործող բոլոր առցանց խաղատների հարթակները (տեղական և արտասահմանյան) պարտավոր կլինեն իրենց ինտերֆեյսներում տեսանելի տեղում տեղադրել ավտոմատ արգելափակման կոճակ, որի օգնությամբ մոլախաղերի նկատմամբ կախվածությունը գիտակցող օգտատերերը մեկ սեղմումով կկարողանան արգելափակել իրենց հաշիվը ոչ միայն այդ հարթակում, այլև երկրում գործող մյուս բոլոր հարթակներում (արտասահմանյան հարթակները, որոնք չեն ենթարկվում ՀՀ ազգային օրենսդրության պահանջներին, արգելափակվում են երկրում)։Օրինագծին կից բացատրական նամակում Սարգսյանի կողմից նշված տվյալների համաձայն՝ ՀՀ բնակիչների կողմից առցանց խաղատներում կատարված խաղադրույքների ծավալը2017-2025 թվականների ընթացքում աճել է ավելի քան 35 անգամ՝ հասնելով 7.41 տրիլիոն դրամի։Առցանց խաղատներն ու նորակառույցները «ահագին շահեցին». հայաստանյան խոշոր բիզնեսի միտումներըԱռցանց խաղադրույքների ծավալը, որպես կանոն, մի քանի անգամ փոքր է ներդրված իրական գումարից, քանի որ առցանց խաղատներում նույն գումարով կարելի է կատարել մի քանի խաղադրույքներ։ Այնուամենայնիվ, նույնիսկ եթե վերցնենք իրական գումարի և խաղադրույքների 1:10 հարաբերակցությունը, գումարը, միևնույնն է, մեծ է (2 մլրդ դոլար)։Միևնույն ժամանակ, խաղային բիզնես ունեցող ընկերությունների հարկերը կազմում են բյուջեի ընդհանուր եկամուտների միայն 1%-ը։Նախկինում օրենքով առցանց խաղատներում խաղադրույքներ կատարելն արգելված էր մինչև 21 տարեկաններին, ինչպես նաև պետական ​​ծառայողներին և զինծառայողներին։

2026

Լուրեր

am_HY

խաղատուն, օնլայն, հայաստան, արգելք, խաղադրույք, օրենք, նաիրի սարգսյան, նախագիծ, աժ (ազգային ժողով)