Գազատար են վնասել. Շիրակի մարզի 19 բնակավայր զրկվել են գազամատակարարումից
10:59 17.06.2026 (Թարմացված է: 11:00 17.06.2026)
Գազօջախ
© Sputnik / Константин Михальчевский
Բաժանորդագրվել
Գազամատակարարումը կվերականգնվի վթարավերականգնողական աշխատանքների ավարտից հետո։
ԵՐԵՎԱՆ, 17 հունիսի – Sputnik. Գազատարի վնասման պատճառով Շիրակի մարզի Արթիկ քաղաքն ու 18 գյուղեր զրկվել են գազամատակարարումից։ Տեղեկությունը հայտնում է «Գազպրոմ Արմենիա» ընկերությունը։
«Այլ կազմակերպության կողմից իրականացվող հողային աշխատանքների ժամանակ վնասվել է միջին ճնշման ստորգետնյա գազատար, ինչի պատճառով ժամը 09:45-ից դադարեցվել է Շիրակի մարզի Արթիկ քաղաքի, Հոռոմ, Հովտաշեն, Վարդաքար, Նոր Կյանք, Փանիկ, Անուշավան, Մեղրաշեն, Գետափ, Սպանդարյան, Արևշատ, Մեծ Մանթաշ, Փոքր Մանթաշ, Հառիճ, Նահապետավան, Սարալանջ, Պեմզաշեն, Տուֆաշեն, Հայկասար բնակավայրերի գազասպառողների և հարակից տարբեր նշանակության հանրային կազմակերպությունների գազամատակարարումը,–հայտնում է «Գազպրոմ Արմենիա» ընկերությունը։
Գազամատակարարումը կվերականգնվի վթարավերականգնողական աշխատանքների ավարտից հետո։
