https://arm.sputniknews.ru/20260615/kbn-aleq-manukjani-tsnndjan-125-amjakin-nvirvats-hushadram-e-shrjanarutjan-mej-dnum-103525439.html
ԿԲ–ն Ալեք Մանուկյանի ծննդյան 125-ամյակին նվիրված հուշադրամ է շրջանառության մեջ դնում
ԿԲ–ն Ալեք Մանուկյանի ծննդյան 125-ամյակին նվիրված հուշադրամ է շրջանառության մեջ դնում
Sputnik Արմենիա
Հուշադրամի արժեքը 10 000 դրամ է, մետաղը` 900 հարգի, քաշը` 8.6 գրամ։ 15.06.2026, Sputnik Արմենիա
2026-06-15T17:21+0400
2026-06-15T17:21+0400
2026-06-15T17:23+0400
հայաստան
հուշադրամ
կենտրոնական բանկ (կբ)
ալեք մանուկյան
https://cdn.am.sputniknews.ru/img/07ea/06/0f/103521384_0:92:1122:723_1920x0_80_0_0_1b068ef13348b2a4871ed14d1edd5cd2.png
ԵՐԵՎԱՆ, 15 հունիսի – Sputnik. ՀՀ կենտրոնական բանկը հունիսի 16-ից շրջանառության մեջ է դնում «Ալեք Մանուկյանի ծննդյան 125-ամյակ» ոսկե հուշադրամը: Տեղեկությունը հայտնում է ԿԲ մամուլի ծառայությունը։Հուշադրամի արժեքը 10 000 դրամ է, մետաղը` 900 հարգի, քաշը` 8.6 գրամ, տրամագիծը` 22.0 մմ։ Ընդհանուր առմամբ թողարկվելու է 300 հատ։Ալեք Մանուկյանը ծնվել է 1901 թվականին Քասաբայում (Իզմիր)։ Տեղի հայկական դպրոցում սովորելուն զուգահեռ աշխատել է տարբեր վայրերում՝ ձեռք բերելով ձեռներեցության նշանակալի փորձ։ 1920 թ․ տեղափոխվել է ԱՄՆ և 1924 թ-ից հաստատվել Դետրոյթում (Միչիգան նահանգ), որտեղ աշխատել է ավտոմեքենաների պահեստամասեր արտադրող մի շարք գործարաններում։ Նա 5 տարի անց հիմնել է սեփական ձեռնարկությունը՝ «Մասքո կորպորացիան», որը սկզբում զբաղվել է ավտոարդյունաբերական պահեստամասերի արտադրությամբ, ապա «Դելտա» միաբռնակ ծորակի և սանտեխնիկական սարքավորումների արտադրությամբ է զբաղվել։1942 թ. իր կնոջ՝ Մարի Մանուկյանի հետ հիմնել է «Ալեք և Մարի Մանուկյան հիմնադրամը» և մեծ գումարներ նվիրաբերել հայկական ծրագրերի իրականացմանը բազմաթիվ երկրներում՝ Հայաստան, ԱՄՆ, Կանադա, Արգենտինա, Ուրուգվայ, Հոլանդիա, Ֆրանսիա, Լիբանան, Երուսաղեմ, Իրան, Ավստրալիա։ Էական ներդրումներ ուղղվել են եկեղեցու, դպրոցների, մշակութային կենտրոնների, գրադարանների, ծերանոցների կառուցմանը և բարենորոգմանը, համալսարաններում հայագիտական ամբիոնների հիմնադրմանը, երիտասարդական կազմակերպությունների աջակցմանը:1994 թ. նրան շնորհվել է Հայաստանի ազգային հերոսի կոչում և հանձնվել Հայրենիքի շքանշան: Հայաստանում և աշխարհի բազմաթիվ քաղաքներում նրա անունով անվանակոչվել են դպրոցներ ու փողոցներ:Մեծ բարերարի և նրա կնոջ աճյունները հանգչում են Մայր աթոռ Սուրբ էջմիածնում՝ իրենց իսկ նվիրաբերությամբ կառուցված «Ալեք և Մարի Մանուկյան» գանձատան դիմաց:
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, հուշադրամ, կենտրոնական բանկ (կբ), ալեք մանուկյան
հայաստան, հուշադրամ, կենտրոնական բանկ (կբ), ալեք մանուկյան
ԿԲ–ն Ալեք Մանուկյանի ծննդյան 125-ամյակին նվիրված հուշադրամ է շրջանառության մեջ դնում
17:21 15.06.2026 (Թարմացված է: 17:23 15.06.2026) Հուշադրամի արժեքը 10 000 դրամ է, մետաղը` 900 հարգի, քաշը` 8.6 գրամ։
ԵՐԵՎԱՆ, 15 հունիսի – Sputnik. ՀՀ կենտրոնական բանկը հունիսի 16-ից շրջանառության մեջ է դնում «Ալեք Մանուկյանի ծննդյան 125-ամյակ» ոսկե հուշադրամը: Տեղեկությունը հայտնում է ԿԲ
մամուլի ծառայությունը։
«Հուշադրամի դիմերեսին լինելու է հայ բարերարի հավաքական կերպարը խորհրդանշող հուշակոթողը («Հայ բարերարների ճեմուղի» հուշահամալիր, հեղինակ՝ Ֆ. Առաքելյան), «Երախտապարտություն» և «GRATITUDE» մակագրությունները: Դարձերեսին լինելու է Ալեք Մանուկյանի դիմապատկերը և ստորագրությունը: Հուշադրամը հատվել է Նիդեռլանդների արքայական դրամահատարանում»,– ասված է հաղորդագրությունում։
Հուշադրամի արժեքը 10 000 դրամ է, մետաղը` 900 հարգի, քաշը` 8.6 գրամ, տրամագիծը` 22.0 մմ։ Ընդհանուր առմամբ թողարկվելու է 300 հատ։
Ալեք Մանուկյանը ծնվել է 1901 թվականին Քասաբայում (Իզմիր)։ Տեղի հայկական դպրոցում սովորելուն զուգահեռ աշխատել է տարբեր վայրերում՝ ձեռք բերելով ձեռներեցության նշանակալի փորձ։ 1920 թ․ տեղափոխվել է ԱՄՆ և 1924 թ-ից հաստատվել Դետրոյթում (Միչիգան նահանգ), որտեղ աշխատել է ավտոմեքենաների պահեստամասեր արտադրող մի շարք գործարաններում։ Նա 5 տարի անց հիմնել է սեփական ձեռնարկությունը՝ «Մասքո կորպորացիան», որը սկզբում զբաղվել է ավտոարդյունաբերական պահեստամասերի արտադրությամբ, ապա «Դելտա» միաբռնակ ծորակի և սանտեխնիկական սարքավորումների արտադրությամբ է զբաղվել։
1942 թ. իր կնոջ՝ Մարի Մանուկյանի հետ հիմնել է «Ալեք և Մարի Մանուկյան հիմնադրամը» և մեծ գումարներ նվիրաբերել հայկական ծրագրերի իրականացմանը բազմաթիվ երկրներում՝ Հայաստան, ԱՄՆ, Կանադա, Արգենտինա, Ուրուգվայ, Հոլանդիա, Ֆրանսիա, Լիբանան, Երուսաղեմ, Իրան, Ավստրալիա։ Էական ներդրումներ ուղղվել են եկեղեցու, դպրոցների, մշակութային կենտրոնների, գրադարանների, ծերանոցների կառուցմանը և բարենորոգմանը, համալսարաններում հայագիտական ամբիոնների հիմնադրմանը, երիտասարդական կազմակերպությունների աջակցմանը:
1994 թ. նրան շնորհվել է Հայաստանի ազգային հերոսի կոչում և հանձնվել Հայրենիքի շքանշան: Հայաստանում և աշխարհի բազմաթիվ քաղաքներում նրա անունով անվանակոչվել են դպրոցներ ու փողոցներ:
Մեծ բարերարի և նրա կնոջ աճյունները հանգչում են Մայր աթոռ Սուրբ էջմիածնում՝ իրենց իսկ նվիրաբերությամբ կառուցված «Ալեք և Մարի Մանուկյան» գանձատան դիմաց:
