https://arm.sputniknews.ru/20260615/evrvopakan-4-erkir-patrast-e-amn-i-het-hamadzajnagric-hetvo-hanel-irani-dem-patzhamijvocnery-103504696.html
Եվրոպական 4 երկիր պատրաստ է ԱՄՆ-ի հետ համաձայնագրից հետո հանել Իրանի դեմ պատժամիջոցները
Եվրոպական 4 երկիր պատրաստ է ԱՄՆ-ի հետ համաձայնագրից հետո հանել Իրանի դեմ պատժամիջոցները
Sputnik Արմենիա
Վաշինգտոնն ու Թեհրանն ավելի վաղ հաստատել են փոխըմբռնման հուշագրի վրա աշխատանքն ավարտելու մասին տեղեկությունը: 15.06.2026, Sputnik Արմենիա
2026-06-15T08:46+0400
2026-06-15T08:46+0400
2026-06-15T08:56+0400
իրանի իսլամական հանրապետություն
ամն
իտալիա
ֆրանսիա
գերմանիա
մեծ բրիտանիա
պատժամիջոցներ
https://cdn.am.sputniknews.ru/img/07ea/05/0a/102026485_0:0:1501:844_1920x0_80_0_0_00ce1f32fddadc0b849d59647a2118ae.jpg
ԵՐԵՎԱՆ, 15 հունիսի-Sputnik. Իտալիան, Ֆրանսիան, Գերմանիան և Մեծ Բրիտանիան պատրաստ են վերացնել Իրանի նկատմամբ պատժամիջոցները Թեհրանի և Վաշինգտոնի միջև համաձայնության հասնելուց հետո, նշված է եվրոպական չորս պետությունների համատեղ հայտարարությունում:Ավելի վաղ ԱՄՆ նախագահ Դոնալդ Թրամփը և Իրանի փոխարտգործնախարար Քազեմ Ղարիբ-Աբադին հաստատել են փոխըմբռնման հուշագրի վրա աշխատանքն ավարտելու մասին տեղեկությունը, որը կստորագրվի Շվեյցարիայում հունիսի 19-ին:Մեծ Բրիտանիայի վարչապետ Կիր Սթարմերը, ինչպես հետևում է երկրի կառավարության կայքում հրապարակված հրապարակումից, իր հերթին նշել է, որ Լոնդոնը պատրաստ է անհրաժեշտության դեպքում ստեղծել «պաշտպանական անկախ բազմակողմ առաքելություն», որի պլանավորման մեջ մինչ այս պահը առաջատար դեր է խաղացել Փարիզի հետ ականազերծման աշխատանքների համար:ԱՄՆ-ի նախագահ Դոնալդ Թրամփը ավելի ուշ սոցցանցային գրառմամբ հաստատել է Իրանի հետ գործարք կնքելու պայմանավորվածությունը և հայտարարել Հորմուզի նեղուցի շրջափակումը վերացնելու մասին։ Մինչ այդ Պակիստանի վարչապետ Շահբազ Շարիֆը հայտարարել էր, որ փաստաթղթի ստորագրման պաշտոնական արարողությունը տեղի կունենա հունիսի 19-ին Շվեյցարիայում։Մերձավոր Արևելքում իրավիճակը կրկին սրվեց այն բանից հետո, երբ ԱՄՆ նախագահ Դոնալդ Թրամփը Թեհրանին մեղադրեց բանակցությունները ձգձգելու մեջ և հրամայեց հարձակում սկսել: Էսկալացիայի պատճառ է դարձել վերջերս Հորմուզի նեղուցի մոտ ամերիկյան ռազմական ուղղաթիռի կործանումը։ Հունիսի 11-ի գիշերը ԱՄՆ-ն Իրանի ուղղությամբ արձակել է 49 Tomahawk թևավոր հրթիռ, Թեհրանն ի պատասխան հարվածել է տարածաշրջանում ամերիկյան ռազմակայաններին, ինչպես նաև փակել է Հորմուզի նեղուցը լցանավերի և առևտրային նավերի համար:Հիշեցնենք` ԱՄՆ–ն ու Իսրայելը փետրվարի 28-ի առավոտյան սկսեցին հարվածներ հասցնել Իրանին։ Իրանն էլ պատասխան հարվածներ հասցրեց Մերձավոր Արևելքում գտնվող ամերիկյան ռազմաբազաներին։ Ապրիլի 8-ին ԱՄՆ նախագահ Դոնալդ Թրամփը համաձայնեց երկու շաբաթով դադարեցնել Իրանի ուղղությամբ հարվածները և հավաստիացրեց, որ հրադադարը կլինի երկկողմանի։ Թեհրանն էլ հայտարարեց, որ ԱՄՆ-ի հետ բանակցություններ կսկսի Իսլամաբադում (Պակիստան) իրանական կողմի առաջարկած 10 կետերի շուրջ։Ապրիլի 12-ին հայտնի դարձավ, որ բանակցություններն արդյունք չեն տվել, պատվիրակությունները հեռացել են Պակիստանից։Ու թեև ռազմական գործողությունների վերսկսման մասին հայտարարություն չհնչեց, բայց ԱՄՆ-ն սկսեց իրանական նավահանգիստների շրջափակումը։ Իրանական ուժերն էլ վերականգնեցին Հորմուզի նեղուցի նկատմամբ ռազմական վերահսկողությունը։ Իրանի արտաքին գործերի նախարար Աբբաս Արաղչին հայտարարեց, որ Թեհրանը կբավարարվի միայն Վաշինգտոնի հետ արդար և համապարփակ համաձայնագրով։
իրանի իսլամական հանրապետություն
ամն
իտալիա
ֆրանսիա
գերմանիա
մեծ բրիտանիա
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
իրանի իսլամական հանրապետություն, ամն, իտալիա, ֆրանսիա, գերմանիա, մեծ բրիտանիա, պատժամիջոցներ
իրանի իսլամական հանրապետություն, ամն, իտալիա, ֆրանսիա, գերմանիա, մեծ բրիտանիա, պատժամիջոցներ
Եվրոպական 4 երկիր պատրաստ է ԱՄՆ-ի հետ համաձայնագրից հետո հանել Իրանի դեմ պատժամիջոցները
08:46 15.06.2026 (Թարմացված է: 08:56 15.06.2026) Վաշինգտոնն ու Թեհրանն ավելի վաղ հաստատել են փոխըմբռնման հուշագրի վրա աշխատանքն ավարտելու մասին տեղեկությունը:
ԵՐԵՎԱՆ, 15 հունիսի-Sputnik. Իտալիան, Ֆրանսիան, Գերմանիան և Մեծ Բրիտանիան պատրաստ են վերացնել Իրանի նկատմամբ պատժամիջոցները Թեհրանի և Վաշինգտոնի միջև համաձայնության հասնելուց հետո, նշված է եվրոպական չորս պետությունների համատեղ հայտարարությունում:
Ավելի վաղ ԱՄՆ նախագահ Դոնալդ Թրամփը և Իրանի փոխարտգործնախարար Քազեմ Ղարիբ-Աբադին հաստատել են փոխըմբռնման հուշագրի վրա աշխատանքն ավարտելու մասին տեղեկությունը, որը կստորագրվի Շվեյցարիայում հունիսի 19-ին:
«Մենք ջերմորեն ողջունում ենք ԱՄՆ-ի և Իրանի միջև Փոխըմբռնման հուշագրի մասին հայտարարությունը։ Իրանը երբեք չպետք է միջուկային զենք ստանա։ Մենք պատրաստ ենք մինչև վերջ աշխատել այդ ուղղությամբ ԱՄՆ-ի, Իրանի և ՄԱԳԱՏԷ-ի հետ։ Մենք պատրաստ ենք վերացնել համապատասխան պատժամիջոցները՝ ի պատասխան Իրանի միջուկային ծրագրի վերաբերյալ հստակ, հավաստի քայլերի»,- ասված է Իտալիայի կառավարության տարածած հայտարարության մեջ:
Մեծ Բրիտանիայի վարչապետ Կիր Սթարմերը, ինչպես հետևում է երկրի կառավարության կայքում հրապարակված հրապարակումից, իր հերթին նշել է, որ Լոնդոնը պատրաստ է անհրաժեշտության դեպքում ստեղծել «պաշտպանական անկախ բազմակողմ առաքելություն», որի պլանավորման մեջ մինչ այս պահը առաջատար դեր է խաղացել Փարիզի հետ ականազերծման աշխատանքների համար:
ԱՄՆ-ի նախագահ Դոնալդ Թրամփը ավելի ուշ սոցցանցային գրառմամբ
հաստատել է Իրանի հետ գործարք կնքելու պայմանավորվածությունը և հայտարարել Հորմուզի նեղուցի շրջափակումը վերացնելու մասին։ Մինչ այդ Պակիստանի վարչապետ Շահբազ Շարիֆը հայտարարել էր, որ փաստաթղթի ստորագրման պաշտոնական արարողությունը տեղի կունենա հունիսի 19-ին Շվեյցարիայում։
Մերձավոր Արևելքում իրավիճակը կրկին սրվեց այն բանից հետո, երբ ԱՄՆ նախագահ Դոնալդ Թրամփը Թեհրանին մեղադրեց բանակցությունները ձգձգելու մեջ և հրամայեց հարձակում սկսել: Էսկալացիայի պատճառ է դարձել վերջերս Հորմուզի նեղուցի մոտ ամերիկյան ռազմական ուղղաթիռի կործանումը։ Հունիսի 11-ի գիշերը ԱՄՆ-ն Իրանի ուղղությամբ արձակել է 49 Tomahawk թևավոր հրթիռ, Թեհրանն ի պատասխան հարվածել է տարածաշրջանում ամերիկյան ռազմակայաններին, ինչպես նաև փակել է Հորմուզի նեղուցը լցանավերի և առևտրային նավերի համար:
Հիշեցնենք` ԱՄՆ–ն ու Իսրայելը փետրվարի 28-ի առավոտյան սկսեցին հարվածներ հասցնել Իրանին։ Իրանն էլ պատասխան հարվածներ հասցրեց Մերձավոր Արևելքում գտնվող ամերիկյան ռազմաբազաներին։ Ապրիլի 8-ին ԱՄՆ նախագահ Դոնալդ Թրամփը համաձայնեց երկու շաբաթով դադարեցնել Իրանի ուղղությամբ հարվածները և հավաստիացրեց, որ հրադադարը կլինի երկկողմանի։ Թեհրանն էլ հայտարարեց, որ ԱՄՆ-ի հետ բանակցություններ կսկսի Իսլամաբադում (Պակիստան) իրանական կողմի առաջարկած 10 կետերի շուրջ։ Ապրիլի 12-ին հայտնի դարձավ, որ բանակցություններն արդյունք չեն տվել, պատվիրակությունները հեռացել են Պակիստանից։ Ու թեև ռազմական գործողությունների վերսկսման մասին հայտարարություն չհնչեց, բայց ԱՄՆ-ն սկսեց իրանական նավահանգիստների շրջափակումը։ Իրանական ուժերն էլ վերականգնեցին Հորմուզի նեղուցի նկատմամբ ռազմական վերահսկողությունը։ Իրանի արտաքին գործերի նախարար Աբբաս Արաղչին հայտարարեց, որ Թեհրանը կբավարարվի միայն Վաշինգտոնի հետ արդար և համապարփակ համաձայնագրով։
