https://arm.sputniknews.ru/20260615/eazbn-arajika-tarinerin-drami-pvokharzheqi-ktruk-tatanumner-chi-kankhatesum-103533029.html
ԵԱԶԲ–ն առաջիկա տարիներին դրամի փոխարժեքի կտրուկ տատանումներ չի կանխատեսում
ԵԱԶԲ–ն առաջիկա տարիներին դրամի փոխարժեքի կտրուկ տատանումներ չի կանխատեսում
Sputnik Արմենիա
Դրամի փոխարժեքի չափավոր թուլացումը պարենի և հումքի համաշխարհային գների բարձրացման հետևանք կլինի։ 15.06.2026, Sputnik Արմենիա
2026-06-15T22:23+0400
2026-06-15T22:23+0400
2026-06-15T22:24+0400
հայաստան
դրամ
եվրասիական զարգացման բանկ (եազբ)
https://cdn.am.sputniknews.ru/img/07e6/04/1c/41451304_0:0:1600:901_1920x0_80_0_0_f2d010a7651d84fd3ed9118f1c1766fb.jpg
ԵՐԵՎԱՆ, 15 հունիսի – Sputnik. Եվրասիական զարգացման բանկը (ԵԱԶԲ) 2026 թվականին հայկական դրամի միջին փոխարժեքը կանխատեսում է մեկ դոլարի դիմաց 376 դրամի մակարդակում։ Այս մասին ասված է բանկի` 2026–2028 թվականների մակրոտնտեսական կանխատեսման մեջ։Հայաստանի միջազգային պահուստները 2026 թվականի մարտին հասել են ռեկորդային 5,5 մլրդ դոլարի։ Ազգային արժույթը պահպանող լրացուցիչ գործոն կդառնա տոկոսադրույքների բարձրացումը։ Վերաֆինանսավորման տոկոսադրույքի և ֆինանսական շուկայի մյուս դրույքների աճը կմեծացնի դրամային ակտիվների գրավչությունը և կօգնի ազգային արժույթի պահանջարկին։Բացի այդ, ԵԱԶԲ-ում կարծում են, որ փոխարժեքի ամրապնդմանը կնպաստեն դրամական փոխանցումների մեծ ծավալները։ 2026 թվականի հունվար-ապրիլին դեպի Հայաստան դրամական փոխանցումների ներհոսքն անցյալ տարվա նույն ժամանակահատվածի համեմատ աճել է 17,2%-ով և հասել 2 մլրդ դոլարի։Միջնաժամկետ հեռանկարում բանկն ակնկալում է փոխանցումների ծավալների հետագա աճ՝ Ռուսաստանում տնտեսական աճի տեմպերի վերականգնման ֆոնին, ինչը նույնպես կաջակցի դրամին։«Ակնկալում ենք դրամի ամուր փոխարժեքի պահպանում 2026 թվականին՝ մեկ դոլարի դիմաց միջինը 376 դրամ։ 2027–2028 թվականներին միջին տարեկան փոխարժեքը կկազմի մեկ դոլարի դիմաց մոտ 388 դրամ»,- նշվում է կանխատեսման մեջ։Միևնույն ժամանակ ԵԱԶԲ-ն հաջորդ տարիների համար դրամի փոխարժեքի չափավոր թուլացում է կանխատեսում երկու հիմնական գործոնների ազդեցությամբ։ Նախ` պարենամթերքի և հումքի համաշխարհային գների բարձրացումը կմեծացնի ներմուծման արժեքը և, որպես հետևանք, արտարժույթի պահանջարկը։ Երկրորդ՝ բարձր ներքին պահանջարկը կխթանի ապրանքների և ծառայությունների ներմուծումը։ Սպառման և ներդրումային ակտիվության աճը կմեծացնի տնտեսության պահանջարկը արտարժույթի նկատմամբ, ինչը ճնշում կգործադրի ազգային արժույթի փոխարժեքի վրա։ԵԱԶԲ-ն միջազգային ֆինանսական կազմակերպություն է, որը ներդրումային գործունեություն է իրականացնում եվրասիական տարածքում։ ԵԱԶԲ անդամներն են Հայաստանը, Բելառուսը, Ղազախստանը, Ղրղզստանը, Ռուսաստանը, Տաջիկստանը և Ուզբեկստանը, որը վերջերս է միացել բանկին։ԵԱԶԲ–ն Հայաստանի տնտեսական աճի կանխատեսումը բարձրացրել է մինչև 6%
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, դրամ, եվրասիական զարգացման բանկ (եազբ)
հայաստան, դրամ, եվրասիական զարգացման բանկ (եազբ)
ԵԱԶԲ–ն առաջիկա տարիներին դրամի փոխարժեքի կտրուկ տատանումներ չի կանխատեսում
22:23 15.06.2026 (Թարմացված է: 22:24 15.06.2026) Դրամի փոխարժեքի չափավոր թուլացումը պարենի և հումքի համաշխարհային գների բարձրացման հետևանք կլինի։
ԵՐԵՎԱՆ, 15 հունիսի – Sputnik. Եվրասիական զարգացման բանկը (ԵԱԶԲ) 2026 թվականին հայկական դրամի միջին փոխարժեքը կանխատեսում է մեկ դոլարի դիմաց 376 դրամի մակարդակում։ Այս մասին ասված է բանկի` 2026–2028 թվականների մակրոտնտեսական կանխատեսման մեջ։
«Ընթացիկ տարում կգերակշռեն դրամի ավելի ամուր փոխարժեքի օգտին խոսող գործոնները, մասնավորապես՝ արտահանման վերականգնումը և զբոսաշրջային բարձր ակտիվությունը։ Միջազգային պահուստների բարձր մակարդակը և երկրի ռիսկի փոխհատուցման նվազումը ամրապնդում են տնտեսության արտաքին կայունությունը և նվազեցնում փոխարժեքի կտրուկ տատանողականության հավանականությունը»,-ասված է կանխատեսման մեջ։
Հայաստանի միջազգային պահուստները 2026 թվականի մարտին հասել են ռեկորդային 5,5 մլրդ դոլարի։ Ազգային արժույթը պահպանող լրացուցիչ գործոն կդառնա տոկոսադրույքների բարձրացումը։ Վերաֆինանսավորման տոկոսադրույքի և ֆինանսական շուկայի մյուս դրույքների աճը կմեծացնի դրամային ակտիվների գրավչությունը և կօգնի ազգային արժույթի պահանջարկին։
Բացի այդ, ԵԱԶԲ-ում կարծում են, որ փոխարժեքի ամրապնդմանը կնպաստեն դրամական փոխանցումների մեծ ծավալները։ 2026 թվականի հունվար-ապրիլին դեպի
Հայաստան դրամական փոխանցումների ներհոսքն անցյալ տարվա նույն ժամանակահատվածի համեմատ աճել է 17,2%-ով և հասել 2 մլրդ դոլարի։
Միջնաժամկետ հեռանկարում բանկն ակնկալում է փոխանցումների ծավալների հետագա աճ՝ Ռուսաստանում տնտեսական աճի տեմպերի վերականգնման ֆոնին, ինչը նույնպես կաջակցի դրամին։
«Ակնկալում ենք դրամի ամուր փոխարժեքի պահպանում 2026 թվականին՝ մեկ դոլարի դիմաց միջինը 376 դրամ։ 2027–2028 թվականներին միջին տարեկան փոխարժեքը կկազմի մեկ դոլարի դիմաց մոտ 388 դրամ»,- նշվում է կանխատեսման մեջ։
Միևնույն ժամանակ ԵԱԶԲ-ն հաջորդ տարիների համար դրամի փոխարժեքի չափավոր թուլացում է կանխատեսում երկու հիմնական գործոնների ազդեցությամբ։ Նախ` պարենամթերքի և հումքի համաշխարհային գների բարձրացումը կմեծացնի ներմուծման արժեքը և, որպես հետևանք, արտարժույթի պահանջարկը։ Երկրորդ՝ բարձր ներքին պահանջարկը կխթանի ապրանքների և ծառայությունների ներմուծումը։ Սպառման և ներդրումային ակտիվության աճը կմեծացնի տնտեսության պահանջարկը արտարժույթի նկատմամբ, ինչը ճնշում կգործադրի ազգային արժույթի փոխարժեքի վրա։
ԵԱԶԲ-ն միջազգային ֆինանսական կազմակերպություն է, որը ներդրումային գործունեություն է իրականացնում եվրասիական տարածքում։ ԵԱԶԲ անդամներն են Հայաստանը, Բելառուսը, Ղազախստանը, Ղրղզստանը, Ռուսաստանը, Տաջիկստանը և Ուզբեկստանը, որը վերջերս է միացել բանկին։
