https://arm.sputniknews.ru/20260607/usanvoghneri-cujcery-krtutjan-finansavvorman-krtshatman-dem-brjuselum-qavos-en-arajacrel-103194945.html
Ուսանողների ցույցերը կրթության ֆինանսավորման կրճատման դեմ Բրյուսելում քաոս են առաջացրել
Ուսանողների ցույցերը կրթության ֆինանսավորման կրճատման դեմ Բրյուսելում քաոս են առաջացրել
Sputnik Արմենիա
Միևնույն ժամանակ Բելգիան շարունակել է միջոցներ հատկացնել Ուկրաինային աջակցելու համար. ապրիլին հայտարարվել է Կիևին 1,1 մլրդ եվրոյի չափով ռազմական օգնություն... 07.06.2026, Sputnik Արմենիա
2026-06-07T17:27+0400
2026-06-07T17:27+0400
2026-06-07T17:27+0400
բրյուսել
բելգիա
բողոքի ակցիա
https://cdn.am.sputniknews.ru/img/07ea/06/07/103187950_14:0:1267:705_1920x0_80_0_0_0e1cb33adea95c64de6bd60dae27e654.jpg
Բրյուսելում արդեն մի քանի օր է՝ չեն հանդարտվում զանգվածային անկարգությունները. քաղաքն իսկական քաոսի մեջ է։ Անկարգությունները սկսվել են կրթության բյուջեի դեֆիցիտ և ուսման բարձր վարձ սահմանելու իշխանությունների որոշումից հետո։ Փողոց են դուրս եկել ուսանողներն ու ուսուցիչները։ Նրանք համաձայն չեն բուհերի և դպրոցների հաշվին բյուջեի բացը լրացնելու իշխանությունների ծրագրերի հետ։Բելգիայի ֆրանսախոս համայնքի դպրոցների և բուհերի կարիքների համար բյուջեի ընդհանուր կրճատումը նախատեսված է 500 միլիոն եվրոյի մակարդակում (մինչև 2029 թվականը), սակայն խիստ միջոցառումների փաթեթն ինքնին ենթադրում է 300 միլիոն եվրոյի անհապաղ խնայողություն:Բողոքի ցույցերի պատճառ դարձած բարեփոխումների հիմնական կետերը․Բողոքի ցույցերը սկսվել են խաղաղ երթերով, սակայն ավելի ուշ իրավիճակը սրվել է։ Զանգվածային ելույթները վերածվել են անկարգությունների։ Բրյուսելում մի քանի հազար մասնակիցներ արգելափակել են կենտրոնական կայարանի դիմացի հրապարակը։ Ցուցարարները հրկիզել են էլեկտրական ինքնագլորներ, աղբամաններ, ճանապարհային նշաններ, կոտրել խանութների ցուցափեղկեր, ավտոբուսի կանգառներ։ Ցուցարարների մի մասը փորձել է ճեղքել շրջափակումը Ֆրանսիական համայնքի խորհրդարանի շենքի մոտ, որտեղ այդ պահին ընթանում էր բյուջեի մասին օրինագծի քվեարկությունը:Ոստիկանությունը ջրցան մեքենաներ և արցունքաբեր գազ է կիրառել առավել ագրեսիվ մասնակիցներին ցրելու համար։ Իրավապահները ձերբակալել են մոտ 10 մարդու։ Քաղաքի առանձին շրջաններում գրանցվել են հարձակումներ հրշեջների և իրավապահ մարմինների աշխատակիցների վրա, որոնց վրա ճայթուկներ են նետել։Չնայած բողոքներին՝ ֆրանսիական համայնքի խորհրդարանը արագացված կարգով հավանություն է տվել բյուջետային դեկրետին։ Ընդդիմադիր կուսակցությունները խոստացել են բյուջեի փոփոխությունը վիճարկել դատարանում՝ հայտարարելով ժողովրդավարական ընթացակարգերի խախտման մասին:Բելգիայի ֆրանսախոս համայնքի կրթության նախարար Վալերի Գլատինին բողոքի ցույցերի կազմակերպիչներին մեղադրել է «երեխաների քաղաքական գործիքավորման» և կառուցողական երկխոսությունից հրաժարվելու մեջ: «Ռեֆորմիստական շարժում» կենտրոնամետ կուսակցության նախագահ Ժորժ-Լուի Բուշեն անկարգությունների մեղքը բարդել է մանկավարժների վրա, որոնք, նրա կարծիքով, «ապատեղեկատվության հիման վրա հրահրում են երիտասարդներին»։Մինչդեռ Բրյուսելում ուսանողների և բուհերի դասախոսների բողոքի զանգվածային ակցիաներից հետո պատրաստվում են գործադուլ անել դպրոցները, հայտնում է Soir պարբերականը:Կրթության արհեստակցական կազմակերպությունը՝ Mars Attacs-ը, կոչ է արել դպրոցներին (ուսուցիչներին և աշակերտներին) երկուշաբթի՝ հունիսի 8-ին, դուրս գալ բողոքի ցույցի Բրյուսելում: Ակցիայի հիմնական թեման պետք է լինի անչափահասների նկատմամբ ոստիկանական բռնությունը։Հարկ է նշել, որ միևնույն ժամանակ Բելգիան շարունակել է միջոցներ հատկացնել Ուկրաինային աջակցելու համար. ապրիլին հայտարարվել է Կիևին 1,1 մլրդ եվրոյի չափով ռազմական օգնություն հատկացնելու մասին:
բրյուսել
բելգիա
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Брюссель погрузился в настоящий хаос — там уже несколько дней продолжаются протесты
Sputnik Արմենիա
Брюссель погрузился в настоящий хаос — там уже несколько дней продолжаются протесты
2026-06-07T17:27+0400
true
PT2M50S
Sputnik Արմենիա
media@sputniknews.com
+74956456601
MIA „Rossiya Segodnya“
բրյուսել, բելգիա, բողոքի ակցիա, видео
բրյուսել, բելգիա, բողոքի ակցիա, видео
Ուսանողների ցույցերը կրթության ֆինանսավորման կրճատման դեմ Բրյուսելում քաոս են առաջացրել
Միևնույն ժամանակ Բելգիան շարունակել է միջոցներ հատկացնել Ուկրաինային աջակցելու համար. ապրիլին հայտարարվել է Կիևին 1,1 մլրդ եվրոյի չափով ռազմական օգնություն հատկացնելու մասին:
Բրյուսելում արդեն մի քանի օր է՝ չեն հանդարտվում զանգվածային անկարգությունները. քաղաքն իսկական քաոսի մեջ է։ Անկարգությունները սկսվել են կրթության բյուջեի դեֆիցիտ և ուսման բարձր վարձ սահմանելու իշխանությունների որոշումից հետո։ Փողոց են դուրս եկել ուսանողներն ու ուսուցիչները։ Նրանք համաձայն չեն բուհերի և դպրոցների հաշվին բյուջեի բացը լրացնելու իշխանությունների ծրագրերի հետ։
Բելգիայի ֆրանսախոս համայնքի դպրոցների և բուհերի կարիքների համար բյուջեի ընդհանուր կրճատումը նախատեսված է 500 միլիոն եվրոյի մակարդակում (մինչև 2029 թվականը), սակայն խիստ միջոցառումների փաթեթն ինքնին ենթադրում է 300 միլիոն եվրոյի անհապաղ խնայողություն:
Բողոքի ցույցերի պատճառ դարձած բարեփոխումների հիմնական կետերը․
բուհերում գրանցման վճարների բարձրացում տարեկան 835 եվրոյից մինչև 1194 եվրո (գրեթե 35% աճ);
ուսուցիչների աշխատանքային բեռի ավելացում շաբաթական 2 ժամով՝ առանց հավելավճարի;
նոր դասախոսների համար ցմահ վարձակալության պայմանագրերի չեղարկում:
Բողոքի ցույցերը սկսվել են խաղաղ երթերով, սակայն ավելի ուշ իրավիճակը սրվել է։ Զանգվածային ելույթները վերածվել են անկարգությունների։ Բրյուսելում մի քանի հազար մասնակիցներ արգելափակել են կենտրոնական կայարանի դիմացի հրապարակը։ Ցուցարարները հրկիզել են էլեկտրական ինքնագլորներ, աղբամաններ, ճանապարհային նշաններ, կոտրել խանութների ցուցափեղկեր, ավտոբուսի կանգառներ։ Ցուցարարների մի մասը փորձել է ճեղքել շրջափակումը Ֆրանսիական համայնքի խորհրդարանի շենքի մոտ, որտեղ այդ պահին ընթանում էր բյուջեի մասին օրինագծի քվեարկությունը:
Ոստիկանությունը ջրցան մեքենաներ և արցունքաբեր գազ է կիրառել առավել ագրեսիվ մասնակիցներին ցրելու համար։ Իրավապահները ձերբակալել են մոտ 10 մարդու։ Քաղաքի առանձին շրջաններում գրանցվել են հարձակումներ հրշեջների և իրավապահ մարմինների աշխատակիցների վրա, որոնց վրա ճայթուկներ են նետել։
Նմանատիպ ակցիաներ են անցկացվել Բելգիայի այլ քաղաքներում՝ Նամյուրում և Շառլերուայում։ Նամյուրում ուսանողները քարեր են նետել ցուցափեղկերի վրա և արգելափակել Կոնֆլյուանսի օղակաձև ճանապարհը: Շառլերուայում ավելի քան 2 հազար մարդ երթ է անցկացրել քաղաքի կենտրոնով՝ «Սովորելը իրավունք է, ոչ թե շքեղություն» և «Կառավարությունը կորցրել է ուղենիշները» պաստառներով:
Չնայած բողոքներին՝ ֆրանսիական համայնքի խորհրդարանը արագացված կարգով հավանություն է տվել բյուջետային դեկրետին։ Ընդդիմադիր կուսակցությունները խոստացել են բյուջեի փոփոխությունը վիճարկել դատարանում՝ հայտարարելով ժողովրդավարական ընթացակարգերի խախտման մասին:
Բելգիայի ֆրանսախոս համայնքի կրթության նախարար Վալերի Գլատինին բողոքի ցույցերի կազմակերպիչներին մեղադրել է «երեխաների քաղաքական գործիքավորման» և կառուցողական երկխոսությունից հրաժարվելու մեջ: «Ռեֆորմիստական շարժում» կենտրոնամետ կուսակցության նախագահ Ժորժ-Լուի Բուշեն անկարգությունների մեղքը բարդել է մանկավարժների վրա, որոնք, նրա կարծիքով, «ապատեղեկատվության հիման վրա հրահրում են երիտասարդներին»։
Մինչդեռ Բրյուսելում ուսանողների և բուհերի դասախոսների բողոքի զանգվածային ակցիաներից հետո պատրաստվում են գործադուլ անել դպրոցները, հայտնում է Soir պարբերականը:
Կրթության արհեստակցական կազմակերպությունը՝ Mars Attacs-ը, կոչ է արել դպրոցներին (ուսուցիչներին և աշակերտներին) երկուշաբթի՝ հունիսի 8-ին, դուրս գալ բողոքի ցույցի Բրյուսելում: Ակցիայի հիմնական թեման պետք է լինի անչափահասների նկատմամբ ոստիկանական բռնությունը։
Հարկ է նշել, որ միևնույն ժամանակ Բելգիան շարունակել է միջոցներ հատկացնել Ուկրաինային աջակցելու համար. ապրիլին հայտարարվել է Կիևին 1,1 մլրդ եվրոյի չափով ռազմական օգնություն հատկացնելու մասին:
