https://arm.sputniknews.ru/20260605/petq-e-medal-tajin-voch-te-qreakan-hetapndum-harucein-pastabany-ashvotjani-gvortsi-masin-103096235.html
Պետք է մեդալ տային, ոչ թե քրեական հետապնդում հարուցեին․ փաստաբանը՝ Աշոտյանի գործի մասին
Պետք է մեդալ տային, ոչ թե քրեական հետապնդում հարուցեին․ փաստաբանը՝ Աշոտյանի գործի մասին
Sputnik Արմենիա
Հակակոռուպցիոն դատարանը, Արամ Գրիգորյանի նախագահությամբ, քննում է ՀՀԿ փոխնախագահի կալանքի միջնորդությունը։ 05.06.2026, Sputnik Արմենիա
2026-06-05T20:58+0400
2026-06-05T20:58+0400
2026-06-05T21:10+0400
արմեն աշոտյան
տիգրան աթանեսյան
փաստաբան
մեղադրանք
https://cdn.am.sputniknews.ru/img/07e7/06/10/61276349_0:157:1600:1057_1920x0_80_0_0_6e241707d3fe0c96d6f696fab76ad2c2.jpg
ԵՐԵՎԱՆ, 5 հունիսի – Sputnik․ ՀՀԿ փոխնախագահ, կրթության և գիտության նախկին նախարար Արմեն Աշոտյանին վերաբերող քրեական վարույթը՝ ֆինանսաների նախարար Գագիկ Խաչատրյանին և նրա որդուն գույք օտարելու վերաբերյալ, նոր չէ, այն արդեն 7 տարի է՝ քննվում է, ոչ մի հանցակազմ չէր գտնվել ու հանկարծակի մեկ օրում գտնվեց։ Հակակոռուպցիոն դատարանի մոտ լրագրողների հետ զրույցում այս մասին ասաց փաստաբան Տիգրան Աթանեսյանը։Այսօր առավոտյան ՀՀ քննչական կոմիտեն հաղորդագրություն տարածեց, որ 7 անձի նկատմամբ քրեական հետապնդում է հարուցվել, ձերբակալման որոշումներ են կայացվել, այդ թվում՝ Արմեն Աշոտյանի, պաշտպանության նախկին նախարար, Բրյուսովի համալսարանի կառավարման խորհրդի նախկին նախագահ Վիգեն Սարգսյանի, Բրյուսովի նախկին ռեկտորի, պրոռեկտորի, ինչպես նաև Գագիկ Խաչատրյանի, Արտյոմ Խաչատրյանի (հետախուզման մեջ գտնվող– խմբ․) և ևս մեկ անձի նկատմամբ։ Ըստ հաղորդագրության՝ Աշոտյանը չարաշահել է պաշտոնեական դիրքն ու նյութական շահագրգռվածությունից ելնելով՝ այլ անձանց հանցակցությամբ Խաչատրյաններին օտարել բուհին սեփականության իրավունքով պատկանող գույք։Նրա խոսքով՝ սա դասական քաղաքական հետապնդում է։Ինչ վերաբերում է այն հարցին, թե ինչ է սպասում դատարանից, Աթանեսյանը նշեց՝ «դատարան պետք է լինի, որ սպասելիք էլ լինի»։Նշենք, որ Արմեն Աշոտյանի կալանքի միջնորդությունը քննում է դատավոր Արամ Գրիգորյանը։Բարով եք եկել ՀՀ, որտեղ 50-ից ավելի քաղբանտարկյալ կա․ բողոքի ակցիա նախագահականի մոտՀավելենք, որ Արամ Գրիգորյանն է քննում նաև ՀՀ երրորդ նախագահ Սերժ Սարգսյանին առնչվող վարույթներից մեկը։
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
արմեն աշոտյան, տիգրան աթանեսյան, փաստաբան, մեղադրանք
արմեն աշոտյան, տիգրան աթանեսյան, փաստաբան, մեղադրանք
Պետք է մեդալ տային, ոչ թե քրեական հետապնդում հարուցեին․ փաստաբանը՝ Աշոտյանի գործի մասին
20:58 05.06.2026 (Թարմացված է: 21:10 05.06.2026) Հակակոռուպցիոն դատարանը, Արամ Գրիգորյանի նախագահությամբ, քննում է ՀՀԿ փոխնախագահի կալանքի միջնորդությունը։
ԵՐԵՎԱՆ, 5 հունիսի – Sputnik․ ՀՀԿ փոխնախագահ, կրթության և գիտության նախկին նախարար Արմեն Աշոտյանին վերաբերող քրեական վարույթը՝ ֆինանսաների նախարար Գագիկ Խաչատրյանին և նրա որդուն գույք օտարելու վերաբերյալ, նոր չէ, այն արդեն 7 տարի է՝ քննվում է, ոչ մի հանցակազմ չէր գտնվել ու հանկարծակի մեկ օրում գտնվեց։ Հակակոռուպցիոն դատարանի մոտ լրագրողների հետ զրույցում այս մասին ասաց փաստաբան Տիգրան Աթանեսյանը։
Այսօր առավոտյան ՀՀ քննչական կոմիտեն հաղորդագրություն տարածեց, որ 7 անձի նկատմամբ քրեական հետապնդում է հարուցվել,
ձերբակալման որոշումներ են կայացվել, այդ թվում՝ Արմեն Աշոտյանի, պաշտպանության նախկին նախարար, Բրյուսովի համալսարանի կառավարման խորհրդի նախկին նախագահ Վիգեն Սարգսյանի, Բրյուսովի նախկին ռեկտորի, պրոռեկտորի, ինչպես նաև Գագիկ Խաչատրյանի, Արտյոմ Խաչատրյանի (հետախուզման մեջ գտնվող– խմբ․) և ևս մեկ անձի նկատմամբ։ Ըստ հաղորդագրության՝ Աշոտյանը չարաշահել է պաշտոնեական դիրքն ու նյութական շահագրգռվածությունից ելնելով՝ այլ անձանց հանցակցությամբ Խաչատրյաններին օտարել բուհին սեփականության իրավունքով պատկանող գույք։
«Եթե այն, ինչ նկարագրված է մեղադրանքի որոշման մեջ, ճիշտ է, Արմեն Աշոտյանին պետք է մեդալ տային, այլ ոչ թե քրեական պատասխանատվության ենթարկեին, որովհետև բուհի խնդիր է լուծել։ Ոչ մի կոպեկ չի ստացել, եթե գործարք էլ եղել է, ապա այն փոխանցվել է պետական բյուջե․․․ Արմենն այս դրվագում չափազանց, անգամ անշնորհքության աստիճան անմեղ է»,- ասաց Աթանեսյանը։
Նրա խոսքով՝ սա դասական քաղաքական հետապնդում է։
Ինչ վերաբերում է այն հարցին, թե ինչ է սպասում դատարանից, Աթանեսյանը նշեց՝ «դատարան պետք է լինի, որ սպասելիք էլ լինի»։
Նշենք, որ Արմեն Աշոտյանի կալանքի միջնորդությունը քննում է դատավոր Արամ Գրիգորյանը։
Հավելենք, որ Արամ Գրիգորյանն է քննում նաև ՀՀ երրորդ նախագահ Սերժ Սարգսյանին առնչվող վարույթներից մեկը։
