https://arm.sputniknews.ru/20260605/kyhn-qnnum-e-uzhegh-hajastani-grancumy-uzhy-kvorcrats-tshanachelu-harcy-inch-karvogh-e-linel-103102751.html
ԿԸՀ–ն քննում է «Ուժեղ Հայաստանի» գրանցումը ուժը կորցրած ճանաչելու հարցը. ինչ կարող է լինել
ԿԸՀ–ն քննում է «Ուժեղ Հայաստանի» գրանցումը ուժը կորցրած ճանաչելու հարցը. ինչ կարող է լինել
Sputnik Արմենիա
ԵՐԵՎԱՆ, 5 հունիսի – Sputnik. Ժամը 22.00–ից Կենտրոնական ընտրական հանձնաժողովը սկսել է քննել «Ուժեղ Հայաստանի» գրանցումը ուժը կորցրած ճանաչելու դիմումը։ 05.06.2026, Sputnik Արմենիա
2026-06-05T22:53+0400
2026-06-05T22:53+0400
2026-06-05T23:15+0400
կենտրոնական ընտրական հանձնաժողով (կըհ)
«ուժեղ հայաստան» կուսակցություն
արամ սարգսյան
արամ զավենի սարգսյան
քարոզարշավ
ընտրություններ
ազգային ժողովի ընտրություններ
https://cdn.am.sputniknews.ru/img/07ea/05/08/101945887_0:0:1280:721_1920x0_80_0_0_c7d41f781ba4d1df4404e20e53104854.jpg
ԵՐԵՎԱՆ, 5 հունիսի – Sputnik. Ժամը 22.00–ից Կենտրոնական ընտրական հանձնաժողովը սկսել է քննել «Ուժեղ Հայաստանի» գրանցումը ուժը կորցրած ճանաչելու դիմումը։«Հանրապետություն» կուսակցության դիմումի հիման վրա Կենտրոնական ընտրական հանձնաժողովը կարող է դիմել Վարչական դատարան` «Ուժեղ Հայաստան» կուսակցությունների դաշինքի ընտրական ցուցակի գրանցումը ուժը կորցրած ճանաչելու համար, եթե «Հանրապետություն» կուսակցությունը համապատասխան փաստարկներ ներկայացնի։Հունիսի 4–ին Հանրային հեռուստաընկերության ուղիղ եթերում կազմակերպված առաջին դեմքերի բանավեճի ժամանակ «Քաղաքացիական պայմանագիր» կուսակցության վարչապետի թեկնածու Նիկոլ Փաշինյանը արևմտամետ ուժերին հորդորեց դիմել ԿԸՀ։«Հանրապետություն» կուսակցության նախագահ Արամ Սարգսյանը պատասխանեց, որ ԿԸՀ կդիմի «Ուժեղ Հայաստան» և « Հայաստան» դաշինքների գրանցումը չեղարկելու համար։ Փաշինյանը հայտարարեց, որ դա չի արել ընդդիմությանը ճնշելու մեղադրանքներից խուսափելու համար՝ միաժամանակ նրանց խորհուրդ տալով հրատապության կարգով դիմել ԿԸՀ՝ այդ քաղաքական ուժերի գրանցումը չեղարկելու պահանջով։ Արամ Սարգսյանը հայտարարեց, որ հրապարակային դիմել է ՀՀ Կենտրոնական ընտրական հանձնաժողովի նախագահին։ Սակայն պարզվել է, որ ՀՀ ԿԸՀ-ն նման լիազորություններ չունի, ինչպիսին ուներ Մոլդովայի ԿԸՀ-ն։ Ի պատասխան Նիկոլ Փաշինյանի հարցին, թե արդյոք գրավո՞ր է նա դիմել, Սարգսյանն ասաց, որ հունիսի 5–ին անպայման կդիմի, և նա այդպես էլ արեց։Միայն թե հարց է առաջանում` ո՞ր դեպքում կարելի է կուսակցության գրանցումը ուժը կորցրած ճանաչել և ինչ ընթացակարգով։ Կուսակցության կամ կուսակցությունների դաշինքի ընտրական ցուցակի գրանցումն ուժը կորցրած ճանաչելու գործընթացը կարգավորվում է «ՀՀ ընտրական օրենսգիրք» սահմանադրական օրենքի 88-րդ հոդվածի համաձայն։ Կուսակցության (կուսակցությունների դաշինքի) ընտրական ցուցակի գրանցումը Կենտրոնական ընտրական հանձնաժողովի որոշմամբ ուժը կորցրած է ճանաչվում, եթե ներկայացվել է դիմում ինքնաբացարկի մասին, կուսակցությունը լուծարվել է, կուսակցության գործունեությունը կասեցվել կամ արգելվել է, կուսակցությունների դաշինքում ընդգրկված կուսակցությունների թիվը նվազել է երկուսից։Ըստ Հայաստանի Ընտրական օրենսգրքի՝ միայն ընտրություններին մասնակցող կուսակցությունները կարող են դիմել իրենց մրցակիցներին գրանցումից հանելու համար: Կենտրոնական ընտրական հանձնաժողովը (ԿԸՀ) պարտավոր է բողոքը քննարկել մինչև լռության օրը` հունիսի 6–ի կեսօր:Եթե ԿԸՀ-ն համոզիչ համարի «Հանրապետություն» կուսակցության փաստարկները, պարտավոր է դիմել վարչական դատարան։ Այնուհետև վարչական դատարանը կորոշի, թե արդյոք ֆինանսական կամ քարոզարշավի ընթացքում թույլ տրված խախտումները լուրջ են և կարող են էականորեն ազդել քվեարկության արդյունքների վրա։Այն դեպքում, երբ ԿԸՀ-ն դիմի դատարան, գործը կքննի վարչական դատարանի կոլեգիալ` 5 դատավորից բաղկացած կազմը։ Դատարանը պարտավոր է հարցը քննարկել արագացված կարգով, քանի որ քվեարկությունը նախատեսված է հունիսի 7-ին, վերջնական որոշումը պետք է կայացվի հունիսի 6-ից ոչ ուշ։Դատարանը կարող է հաստատել քաղաքական ուժի գրանցումը կամ ուժը կորցրած համարել։ՀՀ-ում հերթական խորհրդարանական ընտրությունները կկայանան 2026 թվականի հունիսի 7-ին։ Ընտրություններին մասնակցելու հայտ էր ներկայացրել 19 քաղաքական ուժ՝ 2 դաշինք և 17 կուսակցություն։ Մայիսի 8–ին մեկնարկել է պաշտոնական քարոզարշավը, որը կտևի մինչև հունիսի 5-ը ներառյալ։ Մայիսի 25–ին հայտնի դարձավ, որ «Ալյանս» առաջադիմական ցենտրիստական կուսակցություն, որը քվեաթերթիկում 13-րդ համարն է, ինքնաբացարկի դիմում է ներկայացրել։ Մայիսի 26-ին ԿԸՀ-ն ուժը կորցրած ճանաչեց «Ալյանս» կուսակցության ընտրական ցուցակի գրանցումը։ Առաջիկա ընտրություններին 13 համարի քվեաթերթիկ չի լինի։
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
կենտրոնական ընտրական հանձնաժողով (կըհ), «ուժեղ հայաստան» կուսակցություն, արամ սարգսյան, արամ զավենի սարգսյան, քարոզարշավ, ընտրություններ, ազգային ժողովի ընտրություններ
կենտրոնական ընտրական հանձնաժողով (կըհ), «ուժեղ հայաստան» կուսակցություն, արամ սարգսյան, արամ զավենի սարգսյան, քարոզարշավ, ընտրություններ, ազգային ժողովի ընտրություններ
ԵՐԵՎԱՆ, 5 հունիսի – Sputnik. Ժամը 22.00–ից Կենտրոնական ընտրական հանձնաժողովը սկսել է քննել «Ուժեղ Հայաստանի» գրանցումը ուժը կորցրած ճանաչելու դիմումը։
«Հանրապետություն» կուսակցության դիմումի հիման վրա Կենտրոնական ընտրական հանձնաժողովը կարող է դիմել Վարչական դատարան` «Ուժեղ Հայաստան» կուսակցությունների դաշինքի ընտրական ցուցակի գրանցումը ուժը կորցրած ճանաչելու համար, եթե «Հանրապետություն» կուսակցությունը համապատասխան փաստարկներ ներկայացնի։
Հունիսի 4–ին Հանրային հեռուստաընկերության ուղիղ եթերում կազմակերպված առաջին դեմքերի բանավեճի ժամանակ «Քաղաքացիական պայմանագիր» կուսակցության վարչապետի թեկնածու Նիկոլ Փաշինյանը արևմտամետ ուժերին հորդորեց դիմել ԿԸՀ։
«Հանրապետություն» կուսակցության նախագահ Արամ Սարգսյանը պատասխանեց, որ ԿԸՀ կդիմի «Ուժեղ Հայաստան» և « Հայաստան» դաշինքների գրանցումը չեղարկելու համար։ Փաշինյանը հայտարարեց, որ դա չի արել ընդդիմությանը ճնշելու մեղադրանքներից խուսափելու համար՝ միաժամանակ նրանց խորհուրդ տալով հրատապության կարգով դիմել ԿԸՀ՝ այդ քաղաքական ուժերի գրանցումը չեղարկելու պահանջով։ Արամ Սարգսյանը հայտարարեց, որ հրապարակային դիմել է ՀՀ Կենտրոնական ընտրական հանձնաժողովի նախագահին։ Սակայն պարզվել է, որ ՀՀ ԿԸՀ-ն նման լիազորություններ չունի, ինչպիսին ուներ Մոլդովայի ԿԸՀ-ն։ Ի պատասխան Նիկոլ Փաշինյանի հարցին, թե արդյոք գրավո՞ր է նա դիմել, Սարգսյանն ասաց, որ հունիսի 5–ին անպայման կդիմի, և նա
այդպես էլ արեց։
Միայն թե հարց է առաջանում` ո՞ր դեպքում կարելի է կուսակցության գրանցումը ուժը կորցրած ճանաչել և ինչ ընթացակարգով։ Կուսակցության կամ կուսակցությունների դաշինքի ընտրական ցուցակի գրանցումն ուժը կորցրած ճանաչելու գործընթացը կարգավորվում է «ՀՀ ընտրական օրենսգիրք» սահմանադրական օրենքի 88-րդ հոդվածի համաձայն։ Կուսակցության (կուսակցությունների դաշինքի) ընտրական ցուցակի գրանցումը Կենտրոնական ընտրական հանձնաժողովի որոշմամբ ուժը կորցրած է ճանաչվում, եթե ներկայացվել է դիմում ինքնաբացարկի մասին, կուսակցությունը լուծարվել է, կուսակցության գործունեությունը կասեցվել կամ արգելվել է, կուսակցությունների դաշինքում ընդգրկված կուսակցությունների թիվը նվազել է երկուսից։
Ըստ Հայաստանի Ընտրական օրենսգրքի՝ միայն ընտրություններին մասնակցող կուսակցությունները կարող են դիմել իրենց մրցակիցներին գրանցումից հանելու համար: Կենտրոնական ընտրական հանձնաժողովը (ԿԸՀ) պարտավոր է բողոքը քննարկել մինչև լռության օրը` հունիսի 6–ի կեսօր:
Եթե ԿԸՀ-ն համոզիչ համարի «Հանրապետություն» կուսակցության փաստարկները, պարտավոր է դիմել վարչական դատարան։ Այնուհետև վարչական դատարանը կորոշի, թե արդյոք ֆինանսական կամ քարոզարշավի ընթացքում թույլ տրված խախտումները լուրջ են և կարող են էականորեն ազդել քվեարկության արդյունքների վրա։
Այն դեպքում, երբ ԿԸՀ-ն դիմի դատարան, գործը կքննի վարչական դատարանի կոլեգիալ` 5 դատավորից բաղկացած կազմը։ Դատարանը պարտավոր է հարցը քննարկել արագացված կարգով, քանի որ քվեարկությունը նախատեսված է հունիսի 7-ին, վերջնական որոշումը պետք է կայացվի հունիսի 6-ից ոչ ուշ։
Դատարանը կարող է հաստատել քաղաքական ուժի գրանցումը կամ ուժը կորցրած համարել։
ՀՀ-ում հերթական խորհրդարանական ընտրությունները կկայանան 2026 թվականի հունիսի 7-ին։ Ընտրություններին մասնակցելու հայտ էր ներկայացրել 19 քաղաքական ուժ՝ 2 դաշինք և 17 կուսակցություն։ Մայիսի 8–ին մեկնարկել է պաշտոնական քարոզարշավը, որը կտևի մինչև հունիսի 5-ը ներառյալ։ Մայիսի 25–ին հայտնի դարձավ, որ «Ալյանս» առաջադիմական ցենտրիստական կուսակցություն, որը քվեաթերթիկում 13-րդ համարն է, ինքնաբացարկի դիմում է ներկայացրել։ Մայիսի 26-ին ԿԸՀ-ն ուժը կորցրած ճանաչեց «Ալյանս» կուսակցության ընտրական ցուցակի գրանցումը։ Առաջիկա ընտրություններին 13 համարի քվեաթերթիկ չի լինի։ 
