https://arm.sputniknews.ru/20260602/rusastany-ksahmanapaki-hajastanic-khndzvori-smbuki-kartvofili-ev-chreri-nerkrumy-102908517.html

Ռուսաստանը կսահմանափակի Հայաստանից խնձորի, սմբուկի, կարտոֆիլի և չրերի ներկրումը

Ռուսաստանը կսահմանափակի Հայաստանից խնձորի, սմբուկի, կարտոֆիլի և չրերի ներկրումը

Sputnik Արմենիա

Սահմանափակումները կգործեն այնքան ժամանակ, մինչև ապրանքների անվտանգության և վերահսկողության մեխանիզմներ մշակվեն։ 02.06.2026, Sputnik Արմենիա

2026-06-02T16:37+0400

2026-06-02T16:37+0400

2026-06-02T16:50+0400

հայաստան

խնձոր

տանձ

սմբուկ

արտահանում

կարտոֆիլ

https://cdn.am.sputniknews.ru/img/07e6/02/15/38931645_0:68:1600:968_1920x0_80_0_0_c20d589c25d556a650fa211a44ca7836.jpg

ԵՐԵՎԱՆ, 2 հունիսի – Sputnik. Ռոսսելխոզնադզորը հունիսի 3-ից ժամանակավոր սահմանափակումներ է մտցնում Հայաստանից սերմացու պտուղների (խնձոր և տանձ), սմբուկի, կարտոֆիլի և չրերի ներկրման համար: Այս մասին հայտնում է գերատեսչության մամուլի ծառայությունը։Բացի այդ, ժամանակավորապես սահմանափակվել է նշված արտադրանքի տարանցումը Ռուսաստանի տարածքով դեպի Եվրասիական տնտեսական միության (ԵԱՏՄ) այլ երկրներ։Ռոսսելխոզնադզորը պարզաբանել է, որ որոշումը պայմանավորված է բուսասանիտարական կարանտինի ենթակա ապրանքների ներմուծումը հայտնաբերելու և կանխելու մեխանիզմների բացակայությամբ։Սահմանափակումները կգործեն մինչև վերահսկողության համապատասխան մեխանիզմների մշակումը։Հիշեցնենք` մայիսի 25-ին հայտնի դարձավ, որ ՀՀ ՍԱՏՄ–ն որոշ տնտեսվարողների թույլ չի տվել ելակ արտահանել ՌԴ։2026 թվականի մայիսի 30-ից Ռոսսելխոզնադզորը Հայաստանից թարմ լոլիկի, վարունգի, պղպեղի, կանաչեղենի և ելակի ներկրման ժամանակավոր սահմանափակումներ է մտցրել։ Գերատեսչությունից պարզաբանել են, որ որոշումն ընդունվել է հայկական պտուղ-բանջարեղենի մատակարարումների ժամանակ խախտումների հաճախակի դարձած դեպքերի և բուսասանիտարական անվտանգության ապահովման նպատակով: Ռոսսելխոզնադզորը հունիսի 2-ից սահմանափակել է նաև կորիզավոր պտուղների և խաղողի ներմուծումը Հայաստանից։

2026

Լուրեր

am_HY

հայաստան, խնձոր, տանձ, սմբուկ, արտահանում, կարտոֆիլ