https://arm.sputniknews.ru/20260530/slvovenaci-gvortsarary-biznes-zbvosashrjikneri-hamar-gastrvotur-kkazmakerpi-hajastanum-102789034.html
Սլովենացի գործարարը բիզնես-զբոսաշրջիկների համար գաստրոտուր կկազմակերպի Հայաստանում
Սլովենացի գործարարը բիզնես-զբոսաշրջիկների համար գաստրոտուր կկազմակերպի Հայաստանում
Sputnik Արմենիա
Դեյան Լևպուշչեկը շուրջ երեք տարի Սլովենիա է ներմուծում հայկական գինիներ, վերջերս համտես է կազմակերպել։ 30.05.2026, Sputnik Արմենիա
2026-05-30T11:16+0400
2026-05-30T11:16+0400
2026-05-30T11:17+0400
սլովենիա
հայաստան
գինի
գործարան
https://cdn.am.sputniknews.ru/img/07ea/05/1d/102757252_127:333:1373:1034_1920x0_80_0_0_b05d02a9c72503e276a9af0e485bfb9f.jpg
ԵՐԵՎԱՆ, 30 մայիսի – Sputnik. Սլովենական «Dionysos Sommelier» ընկերության հիմնադիր և գինի ներմուծող Դեան Լևպուշչեկը նախատեսում է սլովենացի ձեռնարկատերերի խմբի համար գինու և գաստրոնոմիական տուր կազմակերպել Հայաստանում։ Նա այդ մասին հայտնեց Sputnik Արմենիային «Concours Mondial de Bruxelles» գինու միջազգային մրցույթի ժամանակ, որը վերջերս անցկացվեց Երևանում։Հայկական կողմից միջոցառման կազմակերպիչն էր Հայաստանի խաղողագործության և գինեգործության հիմնադրամը։Լևպուշչեկը հայկական գինիներին ծանոթացել է մի քանի տարի առաջ Մոսկվա, իսկ այնուհետև Երևան կատարած գործնական ուղևորությունների ժամանակ։ Նա Երևան է այցելել 2021 թվականին՝ համավարակի շրջանում։ Այնքան վառ տպավորություններ է ստացել, որ մեկ-երկու տարի անց, երբ գինու ներմուծմամբ զբաղվող ընկերություն է բացել, հայկական արտադրանքն անմիջապես ներառել է իր տեսականու մեջ։Ձեռնարկատիրոջ խոսքով՝ չնայած սեփական գինեգործական ավանդույթների առկայությանը` Սլովենիայի բնակիչները այնքան էլ ծանոթ չեն արտասահմանյան գինիներին։ Սակայն հայկական արտադրանքը, նրա կարծիքով, կարող է հետաքրքրել տեղի սպառողին։Անցյալ տարի նա Սլովենիայի Իդրիա քաղաքում կազմակերպել է համտես-ընթրիք՝ նվիրված հայկական ու վրացական գինիներին և ազգային խոհանոցին։ Միջոցառումը պատրաստելու համար հրավիրվել էր «Michelin»-ի աստղ ունեցող ռեստորաններից մեկի շեֆ-խոհարարը։«Ինձ դուր է գալիս Հայաստանը, այս երկրի մշակույթը և մարդիկ։ Սրտաբաց լինելու առումով որոշակի նմանություն կա Բալկանների հետ։ Հայաստանը զբոսաշրջության զարգացման լավ ներուժ ունի»,- ասաց նա։Արդեն այս աշնանը Լևպուշչեկը մտադիր է սլովենացի բիզնես-զբոսաշրջիկների խումբ բերել Հայաստան։ Նա արդեն սկսել է բանակցել հայկական գինեգործարանների հետ, որոնք կարող են ներառվել ուղևորության ծրագրում։
սլովենիա
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
սլովենիա, հայաստան, գինի, գործարան
սլովենիա, հայաստան, գինի, գործարան
Սլովենացի գործարարը բիզնես-զբոսաշրջիկների համար գաստրոտուր կկազմակերպի Հայաստանում
11:16 30.05.2026 (Թարմացված է: 11:17 30.05.2026) Դեյան Լևպուշչեկը շուրջ երեք տարի Սլովենիա է ներմուծում հայկական գինիներ, վերջերս համտես է կազմակերպել։
ԵՐԵՎԱՆ, 30 մայիսի – Sputnik. Սլովենական «Dionysos Sommelier» ընկերության հիմնադիր և գինի ներմուծող Դեան Լևպուշչեկը նախատեսում է սլովենացի ձեռնարկատերերի խմբի համար գինու և գաստրոնոմիական տուր կազմակերպել
Հայաստանում։ Նա այդ մասին հայտնեց
Sputnik Արմենիային «Concours Mondial de Bruxelles» գինու միջազգային մրցույթի ժամանակ, որը վերջերս անցկացվեց Երևանում։
Հայկական կողմից միջոցառման կազմակերպիչն էր Հայաստանի խաղողագործության և գինեգործության հիմնադրամը։
Լևպուշչեկը հայկական գինիներին ծանոթացել է մի քանի տարի առաջ Մոսկվա, իսկ այնուհետև Երևան կատարած գործնական ուղևորությունների ժամանակ։ Նա Երևան է այցելել 2021 թվականին՝ համավարակի շրջանում։ Այնքան վառ տպավորություններ է ստացել, որ մեկ-երկու տարի անց, երբ գինու ներմուծմամբ զբաղվող ընկերություն է բացել, հայկական արտադրանքն անմիջապես ներառել է իր տեսականու մեջ։
Ձեռնարկատիրոջ խոսքով՝ չնայած սեփական գինեգործական ավանդույթների առկայությանը` Սլովենիայի բնակիչները այնքան էլ ծանոթ չեն արտասահմանյան գինիներին։ Սակայն հայկական արտադրանքը, նրա կարծիքով, կարող է հետաքրքրել տեղի սպառողին։
«Ձեզ մոտ խաղողը հասնում է մեծ բարձրության վրա և հրաբխային հողերում, այդ պատճառով գինիներն աչքի են ընկնում ավելի բարձր թթվայնությամբ և վառ համով»,- նշեց Լևպուշչեկը։
Անցյալ տարի նա Սլովենիայի Իդրիա քաղաքում կազմակերպել է համտես-ընթրիք՝ նվիրված հայկական ու վրացական գինիներին և ազգային խոհանոցին։ Միջոցառումը պատրաստելու համար հրավիրվել էր «Michelin»-ի աստղ ունեցող ռեստորաններից մեկի շեֆ-խոհարարը։
«Ինձ դուր է գալիս
Հայաստանը, այս երկրի մշակույթը և մարդիկ։ Սրտաբաց լինելու առումով որոշակի նմանություն կա Բալկանների հետ։ Հայաստանը զբոսաշրջության զարգացման լավ ներուժ ունի»,- ասաց նա։
Արդեն այս աշնանը Լևպուշչեկը մտադիր է սլովենացի բիզնես-զբոսաշրջիկների խումբ բերել Հայաստան։ Նա արդեն սկսել է բանակցել հայկական գինեգործարանների հետ, որոնք կարող են ներառվել ուղևորության ծրագրում։
