https://arm.sputniknews.ru/20260525/pashinjany-hajtararec-vor-gjumrium-avaganu-artahert-yntrutjunner-klinen-102595721.html
Փաշինյանը հայտարարեց, որ Գյումրիում ավագանու արտահերթ ընտրություններ կլինեն
Փաշինյանը հայտարարեց, որ Գյումրիում ավագանու արտահերթ ընտրություններ կլինեն
Sputnik Արմենիա
Արտահերթ ընտրությունների անցկացման հստակ ժամանակահատվածը Փաշինյանը չնշեց, ասաց՝ դեռ կորոշեն։ 25.05.2026, Sputnik Արմենիա
2026-05-25T21:27+0400
2026-05-25T21:27+0400
2026-05-25T21:57+0400
նիկոլ փաշինյան
քաղաք
ընտրություններ
ազգային ժողովի ընտրություններ
տիմ ընտրություններ
գյումրի
«քաղաքացիական պայմանագիր» կուսակցություն (քպ)
քարոզարշավ
վարդան ղուկասյան
https://cdn.am.sputniknews.ru/img/07ea/05/17/102536101_0:0:1500:844_1920x0_80_0_0_398f196d10f251c6e897fe1c2cc3172c.jpg
ԵՐԵՎԱՆ, 25 մայիսի – Sputnik․ Հունիսի 7-ի ԱԺ ընտրություններից հետո Գյումրիում ավագանու արտահերթ ընտրություններ են անցկացվելու։ Այսօր Գյումրիում նախընտրական քարոզարշավի ամփոփիչ հանրահավաքի ժամանակ այս մասին հայտարարեց վարչապետ (արձակուրդում է), «Քաղաքացիական պայմանագիր» կուսակցության վարչապետի թեկնածու Նիկոլ Փաշինյանը։Թե երբ են արտահերթ ընտրություններն անցկացվելու, Փաշինյանը չհստակեցրեց․ հայտարարեց, թե դեռ կորոշեն։Փաշինյանն անդրադարձավ նաև շրջանառվող տեղեկություններին, թե Գյումրին, այսպես ասած, աչքաթող է արվում, քանի որի ինքը նեղացած է ՏԻՄ ընտրությունների արդյունքներից։«Ասում են, թե Նիկոլը նեղացած ա Գյումրիից, որ ՏԻՄ ընտրություններում իրենց թեկնածուները քաղաքապետ չեն դարձել, դրա համար քաղաքում էս վիճակն է․․․»,- ասաց Փաշինյանը։Նրա խոսքով՝ ինքը չի մոռանում, որ 2021թ․ Գյումրուց շուրջ 60 տոկոս ձայն է ստացել, բացի այդ ընդունում է, որ Գյումրին ուրույն կոլորիտով քաղաք է։Փաշինյանը հավելեց, թե այս պահից սկսած Գյումրուն առնչվող բոլոր հարցերը լինելու են իր անձնական վերահսկողության տակ։Հիշեցնենք` Գյումրու համայնքապետ Վարդան Ղուկասյանը կալանավորվեց 2025 թվականի հոկտեմբերին։ Նրան մեղադրանք է առաջադրվել կաշառքի վերաբերյալ հոդվածով։ Ըստ պաշտպանական կողմի` մեղադրանքում առկա գրեթե բոլոր դրվագները վերաբերում են 2024 թվականի դեկտեմբերից մինչև 2025 թվականի փետրվար ընկած ժամանակահատվածին, երբ Ղուկասյանը քաղաքապետ չի եղել։ ՀՀ-ում հերթական խորհրդարանական ընտրությունները կկայանան 2026 թվականի հունիսի 7-ին։ Ընտրություններին մասնակցելու հայտ էր ներկայացրել 19 քաղաքական ուժ՝ 2 դաշինք և 17 կուսակցություն։ Մայիսի 8–ին մեկնարկել է պաշտոնական քարոզարշավը, որը կտևի մինչև հունիսի 5-ը ներառյալ։ Մայիսի 25–ին հայտնի դարձավ, որ «Ալյանս» առաջադիմական ցենտրիստական կուսակցություն, որը քվեաթերթիկում 13-րդ համարն է, ինքնաբացարկի դիմում է ներկայացրել։
գյումրի
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
նիկոլ փաշինյան, քաղաք, ընտրություններ, ազգային ժողովի ընտրություններ, տիմ ընտրություններ, գյումրի, «քաղաքացիական պայմանագիր» կուսակցություն (քպ), քարոզարշավ, վարդան ղուկասյան
նիկոլ փաշինյան, քաղաք, ընտրություններ, ազգային ժողովի ընտրություններ, տիմ ընտրություններ, գյումրի, «քաղաքացիական պայմանագիր» կուսակցություն (քպ), քարոզարշավ, վարդան ղուկասյան
Փաշինյանը հայտարարեց, որ Գյումրիում ավագանու արտահերթ ընտրություններ կլինեն
21:27 25.05.2026 (Թարմացված է: 21:57 25.05.2026) Արտահերթ ընտրությունների անցկացման հստակ ժամանակահատվածը Փաշինյանը չնշեց, ասաց՝ դեռ կորոշեն։
ԵՐԵՎԱՆ, 25 մայիսի – Sputnik․ Հունիսի 7-ի ԱԺ ընտրություններից հետո Գյումրիում ավագանու արտահերթ ընտրություններ են անցկացվելու։ Այսօր Գյումրիում նախընտրական քարոզարշավի ամփոփիչ հանրահավաքի ժամանակ այս մասին հայտարարեց վարչապետ (արձակուրդում է), «Քաղաքացիական պայմանագիր» կուսակցության վարչապետի թեկնածու Նիկոլ Փաշինյանը։
«Գյումրիում պետք է իրականացնենք ավագանու արտահերթ ընտրություններ և ժողովրդական իշխանություն հաստատենք Գյումրիում, որ Գյումրին ծաղկի այնպես, ինչպես, օրինակ, Արթիկը, հանրապետության մյուս քաղաքներ, ու ընդհանրապես, ինչպես ՀՀ-ն է ծաղկում։ Հեղափոխությունը պետք է բերի իր օգուտներն ու Գյումրի քաղաքի իր կառավարումը»,- հայտարարեց Փաշինյանը։
Թե երբ են արտահերթ ընտրություններն անցկացվելու, Փաշինյանը չհստակեցրեց․ հայտարարեց, թե դեռ կորոշեն։
Փաշինյանն անդրադարձավ նաև շրջանառվող տեղեկություններին, թե Գյումրին, այսպես ասած, աչքաթող է արվում, քանի որի ինքը նեղացած է ՏԻՄ ընտրությունների արդյունքներից։
«Ասում են, թե Նիկոլը նեղացած ա Գյումրիից, որ ՏԻՄ ընտրություններում իրենց թեկնածուները քաղաքապետ չեն դարձել, դրա համար քաղաքում էս վիճակն է․․․»,- ասաց Փաշինյանը։
Նրա խոսքով՝ ինքը չի մոռանում, որ 2021թ․ Գյումրուց շուրջ 60 տոկոս ձայն է ստացել, բացի այդ ընդունում է, որ Գյումրին ուրույն կոլորիտով քաղաք է։
Փաշինյանը հավելեց, թե այս պահից սկսած Գյումրուն առնչվող բոլոր հարցերը լինելու են իր անձնական վերահսկողության տակ։
Հիշեցնենք` Գյումրու համայնքապետ Վարդան Ղուկասյանը
կալանավորվեց 2025 թվականի հոկտեմբերին։ Նրան մեղադրանք է առաջադրվել կաշառքի վերաբերյալ հոդվածով։ Ըստ պաշտպանական կողմի` մեղադրանքում առկա գրեթե բոլոր դրվագները վերաբերում են 2024 թվականի դեկտեմբերից մինչև 2025 թվականի փետրվար ընկած ժամանակահատվածին, երբ Ղուկասյանը քաղաքապետ չի եղել։
ՀՀ-ում հերթական խորհրդարանական ընտրությունները կկայանան 2026 թվականի հունիսի 7-ին։ Ընտրություններին մասնակցելու հայտ էր ներկայացրել 19 քաղաքական ուժ՝ 2 դաշինք և 17 կուսակցություն։ Մայիսի 8–ին մեկնարկել է պաշտոնական քարոզարշավը, որը կտևի մինչև հունիսի 5-ը ներառյալ։ Մայիսի 25–ին հայտնի դարձավ, որ «Ալյանս» առաջադիմական ցենտրիստական կուսակցություն, որը քվեաթերթիկում 13-րդ համարն է, ինքնաբացարկի դիմում է ներկայացրել։ 
