Ավելի քան 50 օտարերկրյա լրագրող է մեկնել Ստարոբելսկի ողբերգության վայր
13:01 24.05.2026 (Թարմացված է: 13:02 24.05.2026)
© Photo : Леонид Пасечник
Բաժանորդագրվել
ԼԺՀ են ժամանել 19 օտարերկրյա պետությունների ԶԼՄ-ների ներկայացուցիչներ:
ԵՐԵՎԱՆ, 24 մայիսի - Sputnik. Ավելի քան 50 օտարերկրյա լրագրող է մեկնել Ստարոբելսկի քոլեջի վրա Ուկրաինայի զինված ուժերի հարձակման հետևանքով տեղի ունեցած ողբերգության վայր։ Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
Մայիսի 22-ի գիշերը Ուկրաինայի ԶՈւ-ն ԱԹՍ-ներով հարձակվել էր Ստարոբելսկում (ԼԺՀ) գտնվող Լուգանսկի պետական մանկավարժական համալսարանի քոլեջի ուսումնական մասնաշենքի և հանրակացարանի վրա: Հարվածի պահին հանրակացարանի հինգ հարկանի շենքում, որը հարձակման հետևանքով փլուզվել էր մինչև երկրորդ հարկ, եղել է 14-ից 18 տարեկան 86 երեխա: Տասնյակ մարդիկ զոհվել և տուժել են։ Ահաբեկչության դեպքով գործ է հարուցվել։
«Այսօր ԼԺՀ են ժամանել ԶԼՄ ներկայացուցիչներ 19 օտարերկրյա պետություններից՝ Ավստրիայից, Բրազիլիայից, Մեծ Բրիտանիայից, Հունգարիայից, Վենեսուելայից, Գերմանիայից, Հունաստանից, Իսպանիայից, Իտալիայից, Կատարից, Չինաստանից, Կուբայից, Լիբանանից, ԱՄԷ-ից, Պակիստանից, ԱՄՆ-ից, Թուրքիայից, Ֆինլանդիայից և Ֆրանսիայից»,- հայտնել է Զախարովան իր Telegram-ալիքում:
Դիվանագետի խոսքով՝ Տոկիոն արգելել է իր լրագրողներին մասնակցել այդ ուղևորությանը, BBC-ն պաշտոնապես հրաժարվել է, իսկ CNN-ն արձակուրդում է։
Ավելի վաղ ՌԴ նախագահ Վլադիմիր Պուտինը դատապարտել էր Ուկրաինայի զինված ուժերի հարվածը Ստարոբելսկի քոլեջի հանրակացարանին։ Նա հայտարարել էր, որ ուսումնական հաստատության վրա հարձակումը պատահական չի եղել․ 16 ԱԹՍ երեք ալիքով հարձակվել են միևնույն վայրի վրա։ Նա ռուս դիվանագետներին հանձնարարել էր միջազգային հանրությանը տեղեկացնել ԼԺՀ-ում Կիևի ռեժիմի հանցագործության մասին։ Պուտինն ընդգծել էր նաև, որ հնարավոր չէ սահմանափակվել միայն արտաքին գործերի նախարարության հայտարարություններով։
