https://arm.sputniknews.ru/20260519/majr-atvor-surb-ejmiatsiny-hstak-gnahatakanner-e-aknkalum-ekhkhvic-hajtararutjun-102365953.html
Մայր աթոռ Սուրբ Էջմիածինը հստակ գնահատականներ է ակնկալում ԵԽԽՎ–ից. հայտարարություն
Մայր աթոռ Սուրբ Էջմիածինը հստակ գնահատականներ է ակնկալում ԵԽԽՎ–ից. հայտարարություն
Sputnik Արմենիա
Գերագույն հոգևոր խորհուրդը հայտարարել է, որ եկեղեցուց և եկեղեցական իրավասու մարմիններից բացի այլ կառույց չի կարող իրականացնել եկեղեցական կյանքի «բարենորոգում»։ 19.05.2026, Sputnik Արմենիա
2026-05-19T21:13+0400
2026-05-19T21:13+0400
2026-05-19T21:28+0400
հայաստան
մայր աթոռ սուրբ էջմիածին
եվրախորհրդի խորհրդարանական վեհաժողով (եխխվ)
https://cdn.am.sputniknews.ru/img/07e9/0b/02/95362745_0:78:1501:922_1920x0_80_0_0_02925786b772996dce138e69a7c72aeb.jpg
ԵՐԵՎԱՆ, 19 մայիսի – Sputnik. Գերագույն հոգևոր խորհուրդը խորապես մտահոգված է ՀՀ առաջիկա խորհրդարանական ընտրությունների նախաշեմին քարոզարշավի ընթացքում անընդունելի քարոզչական միջոցներով և ոչ իրավաչափ ուժի կիրառմամբ։ Ինչպես հայտնում է Մայր աթոռի տեղեկատվական համակարգը, այս մասին ասված է Գերագույն հոգևոր խորհրդի ժողովի ընդունած հայտարարության մեջ։Գերագույն հոգևոր խորհրդի ժողովը կայացել է այսօր Մայր աթոռ Սուրբ Էջմիածնում` Ամենայն հայոց կաթողիկոս Գարեգին Երկրորդի նախագահությամբ«Թշնամանքի ու ատելության խոսույթը, անվայելուչ և անպարկեշտ բառապաշարը միմիայն պառակտում և առավել բևեռացնում են մեր հասարակությանը։ Լրջագույն սպառնալիքներ են ստեղծվում հայոց պետականության համար։ Անթույլատրելի է հանուն քաղաքական սեփական նկրտումների՝ եկեղեցու և եկեղեցականության թիրախավորման քայլերը, ինչպես և Հայոց եկեղեցին քաղաքական գործընթացների մեջ արհեստականորեն ներքաշելու փորձերը»,– ասված է հայտարարությունում։Գերագույն հոգևոր խորհուրդը խիստ տարակուսելի է համարել ԵԽԽՎ նախընտրական պատվիրակության՝ մայիսի 13-ի միջանկյալ հայտարարության մեջ Հայաստանյայց առաքելական սուրբ եկեղեցու «քաղաքականության մեջ աննախադեպ ներգրավվածության» վերաբերյալ գնահատականը։Մայր աթոռ սուրբ Էջմիածինը ԵԽԽՎ-ից ակնկալում է հստակ գնահատականներ ՀՀ–ում եկեղեցու դեմ իշխանությունների սանձազերծած արշավի, հակառակ երկրի օրենսդրական կարգավորումների և միջազգային իրավունքի՝ պետական լծակների բացահայտ գործադրմամբ շարունակաբար դրվող արգելքների առնչությամբ։Հոգևորականները մատնանշել են ՔՊ–ի նախընտրական ծրագրում եկեղեցու ազգընտիր Հայրապետի գահընկեցության ճանապարհով եկեղեցու «բարենորոգման» մասին արձանագրված հավակնությունները։Գերագույն հոգևոր խորհուրդը վերստին արձանագրել է, որ եկեղեցուց և եկեղեցական իրավասու մարմիններից դուրս որևէ կառույց՝ անգամ պետական ու քաղաքական իշխանությամբ օժտված, չի կարող իրականացնել եկեղեցական կյանքի «բարենորոգում»։Հիշեցնենք` տևական ժամանակ է` ՀՀ իշխանությունը արշավ է սկսել եկեղեցու ու հատկապես կաթողիկոսի դեմ։ 2026 թ–ի հունվարի 4-ին ՀՀ վարչապետ Նիկոլ Փաշինյանն ու կաթողիկոսի հեռացումը պահանջող 10 եպիսկոպոսները հայտարարեցին Հայ առաքելական եկեղեցու «բարենորոգման» մեկնարկի մասին ու հրապարակեցին այսպես կոչված իրենց «ճանապարհային քարտեզը»։ 10 եպիսկոպոսների ու Փաշինյանի ստորագրած փաստաթղթով ստեղծվում է համակարգող խորհուրդ, որը պետք է զբաղվի Հայ առաքելական եկեղեցու «բարեփոխման» կազմակերպչական հարցերով։Փետրվարի 14–ին ՀՀ դատախազությունը Ամենայն հայոց կաթողիկոս Գարեգին 2–րդի նկատմամբ քրեական հետապնդում հարուցեց` արգելելով նրա ելքը Հայաստանից:
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, մայր աթոռ սուրբ էջմիածին, եվրախորհրդի խորհրդարանական վեհաժողով (եխխվ)
հայաստան, մայր աթոռ սուրբ էջմիածին, եվրախորհրդի խորհրդարանական վեհաժողով (եխխվ)
Մայր աթոռ Սուրբ Էջմիածինը հստակ գնահատականներ է ակնկալում ԵԽԽՎ–ից. հայտարարություն
21:13 19.05.2026 (Թարմացված է: 21:28 19.05.2026) Գերագույն հոգևոր խորհուրդը հայտարարել է, որ եկեղեցուց և եկեղեցական իրավասու մարմիններից բացի այլ կառույց չի կարող իրականացնել եկեղեցական կյանքի «բարենորոգում»։
ԵՐԵՎԱՆ, 19 մայիսի – Sputnik. Գերագույն հոգևոր խորհուրդը խորապես մտահոգված է ՀՀ առաջիկա խորհրդարանական ընտրությունների նախաշեմին քարոզարշավի ընթացքում անընդունելի քարոզչական միջոցներով և ոչ իրավաչափ ուժի կիրառմամբ։ Ինչպես հայտնում է
Մայր աթոռի տեղեկատվական համակարգը, այս մասին ասված է Գերագույն հոգևոր խորհրդի ժողովի ընդունած հայտարարության մեջ։
Գերագույն հոգևոր խորհրդի ժողովը կայացել է այսօր Մայր աթոռ Սուրբ Էջմիածնում` Ամենայն հայոց կաթողիկոս Գարեգին Երկրորդի նախագահությամբ
«Թշնամանքի ու ատելության խոսույթը, անվայելուչ և անպարկեշտ բառապաշարը միմիայն պառակտում և առավել բևեռացնում են մեր հասարակությանը։ Լրջագույն սպառնալիքներ են ստեղծվում հայոց պետականության համար։ Անթույլատրելի է հանուն քաղաքական սեփական նկրտումների՝ եկեղեցու և եկեղեցականության թիրախավորման քայլերը, ինչպես և Հայոց եկեղեցին քաղաքական գործընթացների մեջ արհեստականորեն ներքաշելու փորձերը»,– ասված է հայտարարությունում։
Գերագույն հոգևոր խորհուրդը խիստ տարակուսելի է համարել ԵԽԽՎ նախընտրական պատվիրակության՝ մայիսի 13-ի միջանկյալ հայտարարության մեջ Հայաստանյայց առաքելական սուրբ եկեղեցու «քաղաքականության մեջ աննախադեպ ներգրավվածության» վերաբերյալ գնահատականը։
Մայր աթոռ սուրբ Էջմիածինը ԵԽԽՎ-ից ակնկալում է հստակ գնահատականներ ՀՀ–ում եկեղեցու դեմ իշխանությունների սանձազերծած արշավի, հակառակ երկրի օրենսդրական կարգավորումների և միջազգային իրավունքի՝ պետական լծակների բացահայտ գործադրմամբ շարունակաբար դրվող արգելքների առնչությամբ։
«Հասցեական արձագանք պետք է լինի հարկադրանքի միջոցներով և սպառնալիքներով եկեղեցականների վրա ներազդելու, մի շարք հոգևորականների նկատմամբ ապօրինի քրեական վարույթներ նախաձեռնելու դեպքերին։ Անդրադարձ պետք է կատարել նաև եկեղեցական կանոնակարգից շեղված հոգևորականներին խրախուսելու, առանձին քահանաների հետ ապօրինի աշխատանքային պայմանագրեր կնքելու, իսկ կարգալույծներին պետական հովանավորմամբ հոգևոր ծառայության նշանակելու դատապարտելի դեպքերին։ Միջազգային պատկան կառույցների և իրավապաշտպան կազմակերպությունների արձագանքի են սպասում նաև եկեղեցու ինքնակառավարմանը միջամտելու իշխող քաղաքական ուժի հակաիրավական գործողությունները»,– ասված է հայտարարությունում։
Հոգևորականները մատնանշել են ՔՊ–ի նախընտրական ծրագրում եկեղեցու ազգընտիր Հայրապետի գահընկեցության ճանապարհով եկեղեցու «բարենորոգման» մասին արձանագրված հավակնությունները։
Գերագույն հոգևոր խորհուրդը վերստին արձանագրել է, որ եկեղեցուց և եկեղեցական իրավասու մարմիններից դուրս որևէ կառույց՝ անգամ պետական ու քաղաքական իշխանությամբ օժտված, չի կարող իրականացնել եկեղեցական կյանքի «բարենորոգում»։
Հիշեցնենք` տևական ժամանակ է` ՀՀ իշխանությունը արշավ է սկսել եկեղեցու ու հատկապես կաթողիկոսի դեմ։ 2026 թ–ի հունվարի 4-ին ՀՀ վարչապետ Նիկոլ Փաշինյանն ու կաթողիկոսի հեռացումը պահանջող
10 եպիսկոպոսները հայտարարեցին Հայ առաքելական եկեղեցու «բարենորոգման» մեկնարկի մասին ու հրապարակեցին այսպես կոչված իրենց «ճանապարհային քարտեզը»։ 10 եպիսկոպոսների ու Փաշինյանի ստորագրած փաստաթղթով ստեղծվում է համակարգող խորհուրդ, որը պետք է զբաղվի Հայ առաքելական եկեղեցու «բարեփոխման» կազմակերպչական հարցերով։
Փետրվարի 14–ին ՀՀ դատախազությունը Ամենայն հայոց կաթողիկոս Գարեգին 2–րդի նկատմամբ քրեական հետապնդում հարուցեց` արգելելով նրա ելքը Հայաստանից:
