https://arm.sputniknews.ru/20260519/hhum-hargel-en-osmanjan-turqiajum-hujneri-ceghaspanutjan-zvoheri-hishataky-102365812.html
ՀՀ–ում հարգել են Օսմանյան Թուրքիայում հույների ցեղասպանության զոհերի հիշատակը
ՀՀ–ում հարգել են Օսմանյան Թուրքիայում հույների ցեղասպանության զոհերի հիշատակը
Sputnik Արմենիա
Երևանի Սուրբ Սարգիս եկեղեցում մատուցվել է պատարագ, իսկ Ալավերդիում հիշատակի արարողություն է անցկացվել: 19.05.2026, Sputnik Արմենիա
2026-05-19T20:58+0400
2026-05-19T20:58+0400
2026-05-19T20:58+0400
օսմանյան կայսրություն
թուրքիա
հույն
ցեղասպանություն
երևան
ալավերդի
https://cdn.am.sputniknews.ru/img/07e5/06/0e/27919720_0:87:1600:987_1920x0_80_0_0_2a29e2e0a332601c3393258653241f16.jpg
ԵՐԵՎԱՆ, 19 մայիսի – Sputnik. Երևանում և Ալավերդիում հարգանքի տուրք են մատուցել Օսմանյան կայսրությունում հույների ցեղասպանության զոհերի հիշատակին:Ինչպես Sputnik Արմենիային հայտնեց Հայաստանի հունական համայնքի «Պատրիդա» ՀԿ–ի նախագահ Էդուարդ Պոլատովը, ի հիշատակ անմեղ զոհերի, այս տարի համայնքի խնդրանքով Երևանի Սուրբ Սարգիս եկեղեցում մատուցվել է պատարագ, որին ներկա են եղել հունական համայնքի ներկայացուցիչներ, Հայաստանի և Արցախի մշակույթի գործիչներ, ինչպես նաև քաղաքական ուժերի ներկայացուցիչներ:Պոլատովի խոսքով` նախորդ տարիներին հիշատակի պատարագներ էին մատուցվել ինչպես Սուրբ Սարգիս եկեղեցում, այնպես էլ Երևանի Նորագավիթ թաղամասի Սուրբ Գևորգ եկեղեցու տարածքում գտնվող, վրացական համայնքին հատկացված եկեղեցում:Հիշատակի միջոցառումներ են անցկացվել նաև Ալավերդիում, որտեղ, ինչպես Լոռու մարզի այլ քաղաքներում, կա հունական զգալի համայնք: 2022 թվականին տեղի համայնքի միջոցներով քաղաքում տեղադրվել է հայ և հույն ժողովուրդների ընդհանուր ճակատագիրը խորհրդանշող խաչքար, որի մի կողմում պատկերված է հայկական կարմիր տուֆից զարդանախշով խաչ, մյուս կողմում՝ հունական սպիտակ մարմարե զարդանախշով խաչ: Հիշատակի արարողությանն ավանդաբար մասնակցում են տեղի հայ և հույն բնակիչներ, ինչպես նաև քաղաքային իշխանությունների ներկայացուցիչներ:Հիշեցնենք, որ հույների զանգվածային բնաջնջում է տեղի ունեցել Օսմանյան կայսրության պատմության տարբեր ժամանակահատվածներում։ Առավել ծավալուն տեղահանություններն ու սպանությունները տեղի են ունեցել 1913-1923 թվականներին՝ Օսմանյան կայսրության գոյության վերջին տարիներին և քեմալական Թուրքիայի առաջին տարիներին՝ ժամանակագրորեն համընկնելով հայերի, ասորիների և եզդիների ցեղասպանության հետ։20-րդ դարի սկզբին Օսմանյան կայսրության տարածքում՝ Պոնտոսում, Կապադովկիայում, Էգեյան ծովի արևելյան ափին, Կոստանդնուպոլսում և կենտրոնական Անատոլիայում, ապրում էին մոտ 2,5 միլիոն հույներ։ Այսօր Թուրքիայում ընդամենը մի քանի հազար հույն է բնակվում։
օսմանյան կայսրություն
թուրքիա
երևան
ալավերդի
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
օսմանյան կայսրություն, թուրքիա, հույն, ցեղասպանություն, երևան, ալավերդի
օսմանյան կայսրություն, թուրքիա, հույն, ցեղասպանություն, երևան, ալավերդի
ՀՀ–ում հարգել են Օսմանյան Թուրքիայում հույների ցեղասպանության զոհերի հիշատակը
Երևանի Սուրբ Սարգիս եկեղեցում մատուցվել է պատարագ, իսկ Ալավերդիում հիշատակի արարողություն է անցկացվել:
ԵՐԵՎԱՆ, 19 մայիսի – Sputnik. Երևանում և Ալավերդիում հարգանքի տուրք են մատուցել Օսմանյան կայսրությունում հույների ցեղասպանության զոհերի հիշատակին:
Ինչպես
Sputnik Արմենիային հայտնեց Հայաստանի հունական համայնքի «Պատրիդա» ՀԿ–ի նախագահ Էդուարդ Պոլատովը, ի հիշատակ անմեղ զոհերի, այս տարի համայնքի խնդրանքով Երևանի Սուրբ Սարգիս եկեղեցում մատուցվել է պատարագ, որին ներկա են եղել հունական համայնքի ներկայացուցիչներ, Հայաստանի և Արցախի մշակույթի գործիչներ, ինչպես նաև քաղաքական ուժերի ներկայացուցիչներ:
Պոլատովի խոսքով` նախորդ տարիներին հիշատակի պատարագներ էին մատուցվել ինչպես Սուրբ Սարգիս եկեղեցում, այնպես էլ Երևանի Նորագավիթ թաղամասի Սուրբ Գևորգ եկեղեցու տարածքում գտնվող, վրացական համայնքին հատկացված եկեղեցում:
Հիշատակի միջոցառումներ են անցկացվել նաև Ալավերդիում, որտեղ, ինչպես Լոռու մարզի այլ քաղաքներում, կա հունական զգալի համայնք: 2022 թվականին տեղի համայնքի միջոցներով քաղաքում տեղադրվել է հայ և հույն ժողովուրդների ընդհանուր ճակատագիրը խորհրդանշող խաչքար, որի մի կողմում պատկերված է հայկական կարմիր տուֆից զարդանախշով խաչ, մյուս կողմում՝ հունական սպիտակ մարմարե զարդանախշով խաչ: Հիշատակի արարողությանն ավանդաբար մասնակցում են տեղի հայ և հույն բնակիչներ, ինչպես նաև քաղաքային իշխանությունների ներկայացուցիչներ:
Հիշեցնենք, որ հույների զանգվածային բնաջնջում է տեղի ունեցել Օսմանյան կայսրության պատմության տարբեր ժամանակահատվածներում։ Առավել ծավալուն տեղահանություններն ու սպանությունները տեղի են ունեցել 1913-1923 թվականներին՝ Օսմանյան կայսրության գոյության վերջին տարիներին և քեմալական Թուրքիայի առաջին տարիներին՝ ժամանակագրորեն համընկնելով հայերի, ասորիների և եզդիների ցեղասպանության հետ։
20-րդ դարի սկզբին Օսմանյան կայսրության տարածքում՝ Պոնտոսում, Կապադովկիայում, Էգեյան ծովի արևելյան ափին, Կոստանդնուպոլսում և կենտրոնական Անատոլիայում, ապրում էին մոտ 2,5 միլիոն հույներ։ Այսօր Թուրքիայում ընդամենը մի քանի հազար հույն է բնակվում։
