ՀՕՊ ուժերը 1 գիշերվա ընթացքում ոչնչացրել են 556 ուկրաինական անօդաչու թռչող սարք. ՌԴ ՊՆ
10:24 17.05.2026 (Թարմացված է: 11:42 17.05.2026)
© Photo : губернатор Московской области Андрей Воробьёв
Բաժանորդագրվել
ԱԹՍ–ների հարվածների հետևանքով 3 մարդ զոհվել է, 12-ը՝ վիրավորվել։
ԵՐԵՎԱՆ, 17 մայիսի – Sputnik. Ռուսական ՀՕՊ ուժերը մեկ գիշերվա ընթացքում ոչնչացրել են 556 ուկրաինական անօդաչու թռչող սարք, հայտնել են ՌԴ պաշտպանության նախարարությունից։
Տեղեկացվում է, որ 3 մարդ զոհվել է, 12-ը՝ վիրավորվել Մոսկվայի և Մերձմոսկվայի վրա ուկրաինական ԱԹՍ-ների հարձակման հետևանքով:
Խիմկիում սպանվել է մի կին, որը գտնվում էր տանը: Եվս մեկ մարդ փլատակների տակ է հայտնվել։ 2 մարդ Է զոհվել Պոգորելկի (Միտիշչի) գյուղում կառուցվող տան մեջ ԱԹՍ-ի բեկորների հայտնվելու հետեևանքով:
«Մոսկվայի նավթավերամշակման գործարանում շինարարներ են վիրավորվել, վնասվել է նաև 3 տուն»,- հայտնել է քաղաքապետ Սերգեյ Սոբյանինը:
Մերձմոսկվայի նահանգապետ Անդրեյ Վորոբյովն էլ գրել է, որ Մոսկվայի մարզի Սուբոտինո գյուղում ԱԹՍ-ի ընկնելու հետևանքով 1 տուն հրդեհվել է։Իստրայում ԱԹՍ-ն վնասել է 5 տուն, կա 4 տուժած։
«Մոսկվայի նավթավերամշակման գործարանում շինարարներ են վիրավորվել, վնասվել է նաև 3 տուն»,- հայտնել է քաղաքապետ Սերգեյ Սոբյանինը:
Մերձմոսկվայի նահանգապետ Անդրեյ Վորոբյովն էլ գրել է, որ Մոսկվայի մարզի Սուբոտինո գյուղում ԱԹՍ-ի ընկնելու հետևանքով 1 տուն հրդեհվել է։Իստրայում ԱԹՍ-ն վնասել է 5 տուն, կա 4 տուժած։
Եվս մեկ ԱԹՍ Կրասնոգորսկում հարվածել է բնակելի շենքին։
ԱԹՍ-ի բեկորների անկում է գրանցվել նաև «Շերեմետեւո» օդանավակայանի տարածքում:
Հիշեցնենք՝ 2022–ի փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ ռազմական հատուկ գործողություն սկսելու որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Մարտական գործողություններն ընթանում են մինչ օրս։
Ուկրաինական զորքը տարբեր եղանակներով (այդ թվում` ԱԹՍ–ներով) պարբերաբար գնդակոծում և գրոհում է ՌԴ սահմանամերձ շրջանները, մասնավորապես` Բելգորոդի, Բրյանսկի, Կուրսկի և Վորոնեժի մարզերը։
