Գարեգին Բ–ն և մշակույթի գործիչները քննարկել են ՀՀ–ում առկա հասարակական–քաղաքական իրավիճակը
17:53 16.05.2026 (Թարմացված է: 17:54 16.05.2026)
© Photo : Info Service Dept of the Mother See
Բաժանորդագրվել
Վեհափառը արվեստի ներկայացուցիչների հետ զրուցել է եկեղեցի-պետություն հարաբերությունների ներկա մտահոգիչ ընթացքի մասին։
ԵՐԵՎԱՆ, 16 մայիսի - Sputnik. Ամենայն հայոց կաթողիկոս Գարեգինն այսօր մայր աթոռում ընդունել է մշակույթի մի խումբ գործիչների։ Այս մասին հայտնում է Մայր աթոռի տեղեկատվական համակարգը։
«Անդրադարձ է կատարվել Հայաստանում ստեղծված հասարակական-քաղաքական իրավիճակին, ներհասարակական կյանքում արձանագրվող ցավալի զարգացումներին ու մարտահրավերներին։ Խոսել են նաև եկեղեցի-պետություն հարաբերությունների ներկա մտահոգիչ ընթացքի մասին։ Զրույցի ընթացքում կարևորվել է Հայ առաքելական սուրբ եկեղեցու բացառիկ առաքելությունը՝ ազգային ինքնության պահպանման, հասարակության հոգևոր զորացման և համազգային միաբանության ամրապնդման գործում»,– ասված է հաղորդագրությունում։
«Անդրադարձ է կատարվել Հայաստանում ստեղծված հասարակական-քաղաքական իրավիճակին, ներհասարակական կյանքում արձանագրվող ցավալի զարգացումներին ու մարտահրավերներին։ Խոսել են նաև եկեղեցի-պետություն հարաբերությունների ներկա մտահոգիչ ընթացքի մասին։ Զրույցի ընթացքում կարևորվել է Հայ առաքելական սուրբ եկեղեցու բացառիկ առաքելությունը՝ ազգային ինքնության պահպանման, հասարակության հոգևոր զորացման և համազգային միաբանության ամրապնդման գործում»,– ասված է հաղորդագրությունում։
Նշվում է, որ մշակութային գործիչների հետ հանդիպմանն առանձնակի շեշտվել է նաև Հայոց եկեղեցու և հայ մտավորականության հանձնառությունը` ուղղված արժեհամակարգային ճգնաժամի հաղթահարմանը, հանրային համերաշխության ձևավորմանը։
Մայր աթոռի հրապարակած լուսանկարներց դատելով` հանդիպմանը ներկա են եղել դերասաններ Հրանտ Թոխատյանը, Արման Նավասարդյանը, դասական և հոգևոր երգերի կատարող Աննա Մայիլյանը, երգիչներ Արսեն Գրիգորյանը (Մրո), Դավիթ Ամալյանը, Արամոն, գրողներ Հուսիկ Արան, Մերուժան Տեր–Գուլանյանը, ոսկերիչ–դիզայներ Նուռը, ռեժիսոր Մհեր Մկրտչյանը և արվեստի մի շարք այլ ներկայացուցիչներ։
գարեգին Բ–ի հետ հանդիպման գնացած մշակութային գործիչները
© Photo : Info Service Dept of the Mother See
