https://arm.sputniknews.ru/20260515/hrazdani-nakhkin-qaghaqapet-aram-danieljany-meghadrvum-e-hvoghern-orenqi-khakhtmamb-otarelu-mej-102217064.html
Հրազդանի նախկին քաղաքապետ Արամ Դանիելյանը մեղադրվում է հողերն օրենքի խախտմամբ օտարելու մեջ
Հրազդանի նախկին քաղաքապետ Արամ Դանիելյանը մեղադրվում է հողերն օրենքի խախտմամբ օտարելու մեջ
Sputnik Արմենիա
Մեղադրանքներ են առաջադրվել նաև Դանիելյանի կնոջն ու երկու եղբայրներին։ 15.05.2026, Sputnik Արմենիա
2026-05-15T13:10+0400
2026-05-15T13:10+0400
2026-05-15T13:11+0400
հրազդան
համայնքի ղեկավար
չարաշահում
ապօրինի
հող
հհ գլխավոր դատախազություն
արամ դանիելյան
https://cdn.am.sputniknews.ru/img/835/04/8350405_0:298:1001:861_1920x0_80_0_0_1b370cf2b78ce03a10718f7fe6bec1a7.jpg
ԵՐԵՎԱՆ, 15 մայիսի – Sputnik․ Հրազդանի նախկին քաղաքապետ Արամ Դանիելյանը մեղադրվում է համայնքային հողերը տարիներ շարունակ օրենքի խախտմամբ՝ շուկայականից անհամեմատ ցածր արժեքով օտարելու մեջ։ Այս մասին հայտնում է ՀՀ դատախազությունը՝ տարածելով Հանրային հեռուստաընկերության պատրաստած տեսանյութը։Ըստ մեղադրանքի՝ 2002-2018թթ․ Արամ Դանիելյանը, զբաղեցնելով Կոտայքի մարզի Հրազդան համայնքի ղեկավարի պաշտոնը, անձնական շահագրգռվածությունից ելնելով, համայնքում գտնվող 12 հողամասերն առանց էական սակարկությունների և էականորեն ցածր գներով օտարել է իր հետ փոխկապակցված անձանց, ընտանիքի անդամներին։Հողամասերից ամենամեծը՝ 2000 քառակուսի մետր մակերեսով, վաճառվել է 3 մլն դրամով, սակայն տվյալ պահին նշված հողամասի շուկայական արժեքը եղել է 8,5 միլիոն դրամ։Ըստ դատախազության՝ այս գործունեության հետևանքով համայնքին պատճառվել է 26մլն դրամի վնաս։ Մեղադրանքներ են առաջադրվել նաև Արամ Դանիելյանի կնոջը, երկու եղբայրներին, նաև Հրազդանի համայնքապետարանի տարածքային զարգացման, հողային կադաստրի և քաղաքաշինության բաժնի պետ Մյասնիկ Կոստանյանին, ևս մեկ աշխատակցուհու։Արամ Դանիելյանն ու Մյասնիկ Կոստանյանը մեղադրվում են պաշտոնական լիազորությունները չարաշահելու և պաշտոնական կեղծիքներ կատարելու համար, իսկ Դանիելյանի կինը, եղբայրներն ու համայնքապետարանի աշխատակցուհին՝ հանցանքների օժանդակելու համար։6 մեղադրյալներն էլ ներկայացված մեղադրանքը չեն ընդունում, հրաժարվել են ցուցմունք տալ։ Նրանց նկատմամբ խափանման միջոց է կիրառված բացակայելու արգելքը։Վարույթն արդեն Հակակոռուպցիոն դատարանում է։Հիշեցնենք, որ Դանիելյանին ձերբակալել էին 2019-ի փետրվարի 26-ին` պաշտոնավարման տարիներին՝ 2015-2018թթ. ընթացքում, համայնքապետարանի աշխատակազմի հողի հարկի և գույքահարկի գումարներից առանձնապես խոշոր չափերի յուրացումներ և վատնումներ կատարելու կասկածանքով։Դանիելյանի նկատմամբ քրեական գործ էր հարուցվել դեռ 2018–ի սեպտեմբերին։Նույն տարվա մարտի 1-ին հայտնի դարձավ, որ նրան ազատ են արձակել, երբ վճարել է համայնքին պատճառած վնասի մի մասը (102 մլն դրամ)։ 2022թ․ հայտնի դարձավ, որ ՀՀ գլխավոր դատախազությունը պահանջ է ներկայացրել Հակակոռուպցիոն դատարանին Կոտայքի մարզի Հրազդան համայնքի նախկին ղեկավար Արամ Դանիելյանից և վերջինիս փոխկապակցված երկու անձից ապօրինի ծագում ունեցող գույքը բռնագանձելու համար։ Բռնագանձման պահանջը ներառում էր 11 անշարժ գույք, 2 ՍՊԸ-ներում մասնակցություն, ավելի քան 156,6 մլն դրամ։
հրազդան
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հրազդան, համայնքի ղեկավար, չարաշահում, ապօրինի, հող, հհ գլխավոր դատախազություն, արամ դանիելյան
հրազդան, համայնքի ղեկավար, չարաշահում, ապօրինի, հող, հհ գլխավոր դատախազություն, արամ դանիելյան
Հրազդանի նախկին քաղաքապետ Արամ Դանիելյանը մեղադրվում է հողերն օրենքի խախտմամբ օտարելու մեջ
13:10 15.05.2026 (Թարմացված է: 13:11 15.05.2026) Մեղադրանքներ են առաջադրվել նաև Դանիելյանի կնոջն ու երկու եղբայրներին։
ԵՐԵՎԱՆ, 15 մայիսի – Sputnik․ Հրազդանի նախկին քաղաքապետ Արամ Դանիելյանը մեղադրվում է համայնքային հողերը տարիներ շարունակ օրենքի խախտմամբ՝ շուկայականից անհամեմատ ցածր արժեքով օտարելու մեջ։ Այս մասին հայտնում է ՀՀ դատախազությունը՝ տարածելով Հանրային հեռուստաընկերության պատրաստած տեսանյութը։
Ըստ մեղադրանքի՝ 2002-2018թթ․ Արամ Դանիելյանը, զբաղեցնելով Կոտայքի մարզի Հրազդան համայնքի ղեկավարի պաշտոնը, անձնական շահագրգռվածությունից ելնելով, համայնքում գտնվող 12 հողամասերն առանց էական սակարկությունների և էականորեն ցածր գներով օտարել է իր հետ փոխկապակցված անձանց, ընտանիքի անդամներին։
Հողամասերից ամենամեծը՝ 2000 քառակուսի մետր մակերեսով, վաճառվել է 3 մլն դրամով, սակայն տվյալ պահին նշված հողամասի շուկայական արժեքը եղել է 8,5 միլիոն դրամ։
Ըստ դատախազության՝ այս գործունեության հետևանքով համայնքին պատճառվել է 26մլն դրամի վնաս։ Մեղադրանքներ են առաջադրվել նաև Արամ Դանիելյանի կնոջը, երկու եղբայրներին, նաև Հրազդանի համայնքապետարանի տարածքային զարգացման, հողային կադաստրի և քաղաքաշինության բաժնի պետ Մյասնիկ Կոստանյանին, ևս մեկ աշխատակցուհու։
Արամ Դանիելյանն ու Մյասնիկ Կոստանյանը մեղադրվում են պաշտոնական լիազորությունները չարաշահելու և պաշտոնական կեղծիքներ կատարելու համար, իսկ Դանիելյանի կինը, եղբայրներն ու համայնքապետարանի աշխատակցուհին՝ հանցանքների օժանդակելու համար։
6 մեղադրյալներն էլ ներկայացված մեղադրանքը չեն ընդունում, հրաժարվել են ցուցմունք տալ։ Նրանց նկատմամբ խափանման միջոց է կիրառված բացակայելու արգելքը։
Վարույթն արդեն Հակակոռուպցիոն դատարանում է։
Հիշեցնենք, որ Դանիելյանին
ձերբակալել էին 2019-ի փետրվարի 26-ին` պաշտոնավարման տարիներին՝ 2015-2018թթ. ընթացքում, համայնքապետարանի աշխատակազմի հողի հարկի և գույքահարկի գումարներից առանձնապես խոշոր չափերի յուրացումներ և վատնումներ կատարելու կասկածանքով։
Դանիելյանի նկատմամբ քրեական գործ էր հարուցվել դեռ 2018–ի սեպտեմբերին։
Նույն տարվա մարտի 1-ին հայտնի դարձավ, որ նրան ազատ են արձակել, երբ
վճարել է համայնքին պատճառած վնասի մի մասը (102 մլն դրամ)։
2022թ․ հայտնի դարձավ, որ ՀՀ գլխավոր դատախազությունը պահանջ է ներկայացրել Հակակոռուպցիոն դատարանին Կոտայքի մարզի Հրազդան համայնքի նախկին ղեկավար Արամ Դանիելյանից և վերջինիս փոխկապակցված երկու անձից ապօրինի ծագում ունեցող գույքը բռնագանձելու համար։ Բռնագանձման պահանջը ներառում էր 11 անշարժ գույք, 2 ՍՊԸ-ներում մասնակցություն, ավելի քան 156,6 մլն դրամ։
