https://arm.sputniknews.ru/20260514/turqiajic-hajastan-apranqneri-ughigh-nermutsumy-kazdi-gneri-nvazman-vra-mirzvojan-102171472.html
Թուրքիայից Հայաստան ապրանքների ուղիղ ներմուծումը կազդի գների նվազման վրա. Միրզոյան
Թուրքիայից Հայաստան ապրանքների ուղիղ ներմուծումը կազդի գների նվազման վրա. Միրզոյան
Sputnik Արմենիա
Միրզոյանը ևս մեկ անգամ հիշեցրեց, որ գործընթացի վերջնական նպատակը Թուրքիայի հետ բաց սահմաններ ունենալն է։ 14.05.2026, Sputnik Արմենիա
2026-05-14T14:12+0400
2026-05-14T14:12+0400
2026-05-14T14:33+0400
հայաստան
թուրքիա
արարատ միրզոյան
ապրանք
գին
https://cdn.am.sputniknews.ru/img/07ea/05/0a/102022380_0:0:1500:844_1920x0_80_0_0_67c4b02d69db3faad9d67e6c7f04c59f.jpg
ԵՐԵՎԱՆ, 14 մայիսի – Sputnik. Թուրքիայից Հայաստան ապրանքների ուղիղ ներմուծումը ազդեցություն կունենա գների նվազման վրա։ Քարոզարշավի ընթացքում լրագրողների հետ զրույցում այս հայտարարարությունն արեց ՀՀ արտգործնախարար Արարատ Միրզոյանը, որը նախընտրական քարոզարշավի ընթացքում գտնվում է արձակուրդում։Թուրքիայի ԱԳՆ պաշտոնական ներկայացուցիչ Օնջու Կեչելին մայիսի 12-ին հայտարարեց, որ Անկարան և Երևանն ավարտել են երկու երկրների միջև ուղիղ առևտրի մեկնարկի նախապատրաստական աշխատանքները։ Նոր կարգավորման արդյունքում հնարավոր է դարձել, որ երրորդ երկրների միջոցով տեղափոխվող բեռները որպես վերջնական ուղղություն կամ ծագման կետ նշեն «Հայաստան/Թուրքիա»։ Դրանից հետո ՀՀ ԱԳՆ խոսնակ Անի Բադալյանն էլ, ողջունելով նոր փոփոխությունը, հույս հայտնեց, որ այս քայլը կարող է տրամաբանական շարունակությունը ստանալ Հայաստան-Թուրքիա սահմանի բացման ու դիվանագիտական հարաբերությունների հաստատման միջոցով:Միրզոյանը բացատրեց, որ նախինում Թուրքիայից ապրանքներ արտահանելու և Հայաստան ներմուծելու ուղիղ հնարավորություն չկար։ Բեռը ցամաքային ճանապարհով որպես արտահանում տեղափոխվում էր Վրաստան, այնտեղ մաքսազերծվում էր և գրանցվում որպես արտահանում Վրաստանից Հայաստան։ Ըստ Միրզոյանի` սա լրացուցիչ ֆինանսական ծախս էր, ինչն արտացոլվում էր Հայաստանում դրա ինքնարժեքի վրա։Միրզոյանը հավելեց, որ սա մեծ գործընթացում կարևոր արդյունք է։ Ըստ նրա` Թուրքիայի հետ երկխոսությունն այնքան է հասունացել, որ ցանկացած պահի կարող է հասնել սպասել ամբողջական կարգավորման։Միրզոյանը ևս մեկ անգամ հիշեցրեց, որ գործընթացի վերջնական նպատակը Թուրքիայի հետ բաց սահմաններ ունենալն է, դիվանագիտական հարաբերությունների հաստատումը և ընդհանուր առմամբ նորմալ հարևանային հարաբերությունների ձևավորումը։Հիշեցնենք՝ մայիսի 12-ին Երևանի Շենգավիթ վարչական շրջանում նախընտրական քարոզարշավի ժամանակ ՀՀ արտգործնախարար Արարատ Միրզոյանը մոտեցավ Նիկոլ Փաշինյանին և ականջին շշնջաց` «թուրքերն էսօր բացում են, մի հատ «Welcome»–ի տեքստ անենք»։ Եվ քանի որ Փաշինյանը բարձրախոսով էր, Միրզոյանի ասածը լսվեց նաև ուղիղ եթերում։ Ավելի ուշ լրագրողները Միրզոյանից հետաքրքրվեցին, թե ինչ էր շշնջում Փաշինյանի ականջին, Միրզոյանը պատասխանեց՝ կբացեն, կհասկանանք։ Միայն նշեց՝ «բացելը» հայ-թուրքական սահմանին չէր վերաբերում։ Ավելի ուշ Նիկոլ Փաշինյանը բացատրեց, որ Թուրքիայից Հայաստան ապրանք արտահանելիս այսուհետև որպես առաքման երկիր նշվելու է Հայաստանը, մինչդեռ նախկինում Թուրքիայի օրենսդրությունը դա թույլ չէր տալիս։
թուրքիա
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, թուրքիա, արարատ միրզոյան, ապրանք, գին
հայաստան, թուրքիա, արարատ միրզոյան, ապրանք, գին
Թուրքիայից Հայաստան ապրանքների ուղիղ ներմուծումը կազդի գների նվազման վրա. Միրզոյան
14:12 14.05.2026 (Թարմացված է: 14:33 14.05.2026) Միրզոյանը ևս մեկ անգամ հիշեցրեց, որ գործընթացի վերջնական նպատակը Թուրքիայի հետ բաց սահմաններ ունենալն է։
ԵՐԵՎԱՆ, 14 մայիսի – Sputnik. Թուրքիայից Հայաստան ապրանքների ուղիղ ներմուծումը ազդեցություն կունենա գների նվազման վրա։ Քարոզարշավի ընթացքում լրագրողների հետ զրույցում այս հայտարարարությունն արեց ՀՀ արտգործնախարար Արարատ Միրզոյանը, որը նախընտրական քարոզարշավի ընթացքում գտնվում է արձակուրդում։
Թուրքիայի ԱԳՆ պաշտոնական ներկայացուցիչ Օնջու Կեչելին մայիսի 12-ին հայտարարեց, որ
Անկարան և Երևանն ավարտել են երկու երկրների միջև ուղիղ առևտրի մեկնարկի նախապատրաստական աշխատանքները։ Նոր կարգավորման արդյունքում հնարավոր է դարձել, որ երրորդ երկրների միջոցով տեղափոխվող բեռները որպես վերջնական ուղղություն կամ ծագման կետ նշեն «Հայաստան/Թուրքիա»։ Դրանից հետո ՀՀ ԱԳՆ խոսնակ Անի Բադալյանն էլ, ողջունելով նոր փոփոխությունը,
հույս հայտնեց, որ այս քայլը կարող է տրամաբանական շարունակությունը ստանալ Հայաստան-Թուրքիա սահմանի բացման ու դիվանագիտական հարաբերությունների հաստատման միջոցով:
Միրզոյանը բացատրեց, որ նախինում Թուրքիայից ապրանքներ արտահանելու և Հայաստան ներմուծելու ուղիղ հնարավորություն չկար։ Բեռը ցամաքային ճանապարհով որպես արտահանում տեղափոխվում էր Վրաստան, այնտեղ մաքսազերծվում էր և գրանցվում որպես արտահանում Վրաստանից Հայաստան։ Ըստ Միրզոյանի` սա լրացուցիչ ֆինանսական ծախս էր, ինչն արտացոլվում էր Հայաստանում դրա ինքնարժեքի վրա։
«Ցանկացած մարդ, որը նախկինում ինչ-որ ապրանք էր ներմուծում Թուրքիայից, այսուհետ կարող է դրանք ներմուծել մաքսային առումով ուղիղ Հայաստան, քանի որ սահմանը դեռ փակ է, բայց վստահ եմ` առաջիկայում այդ սահմանն էլ կբացվի, ու ուղիղ բառի ուղիղ իմաստով ապրանքը կներմուծվի Հայաստան»,– ասաց նա։
Միրզոյանը հավելեց, որ սա մեծ գործընթացում կարևոր արդյունք է։ Ըստ նրա` Թուրքիայի հետ երկխոսությունն այնքան է հասունացել, որ ցանկացած պահի կարող է հասնել սպասել ամբողջական կարգավորման։
Միրզոյանը ևս մեկ անգամ հիշեցրեց, որ գործընթացի վերջնական նպատակը Թուրքիայի հետ բաց սահմաններ ունենալն է, դիվանագիտական հարաբերությունների հաստատումը և ընդհանուր առմամբ նորմալ հարևանային հարաբերությունների ձևավորումը։
Հիշեցնենք՝ մայիսի 12-ին Երևանի Շենգավիթ վարչական շրջանում նախընտրական քարոզարշավի ժամանակ ՀՀ արտգործնախարար Արարատ Միրզոյանը մոտեցավ Նիկոլ Փաշինյանին և ականջին շշնջաց` «
թուրքերն էսօր բացում են, մի հատ «Welcome»–ի տեքստ անենք»։ Եվ քանի որ Փաշինյանը բարձրախոսով էր, Միրզոյանի ասածը լսվեց նաև ուղիղ եթերում։ Ավելի ուշ լրագրողները Միրզոյանից հետաքրքրվեցին, թե ինչ էր շշնջում Փաշինյանի ականջին, Միրզոյանը պատասխանեց՝ կբացեն, կհասկանանք։ Միայն նշեց՝ «բացելը» հայ-թուրքական սահմանին չէր վերաբերում։ Ավելի ուշ Նիկոլ Փաշինյանը բացատրեց, որ Թուրքիայից Հայաստան ապրանք արտահանելիս այսուհետև որպես առաքման երկիր նշվելու է Հայաստանը, մինչդեռ նախկինում Թուրքիայի օրենսդրությունը դա թույլ չէր տալիս։
