https://arm.sputniknews.ru/20260512/amenajn-hajvoc-katvoghikvosy-shnvorhavvorel-e-vrac-ekeghecu-nvoryntir-katvoghikvos-patriarqin-102068965.html

Ամենայն հայոց կաթողիկոսը շնորհավորել է Վրաց եկեղեցու նորընտիր կաթողիկոս-պատրիարքին

Ամենայն հայոց կաթողիկոսը շնորհավորել է Վրաց եկեղեցու նորընտիր կաթողիկոս-պատրիարքին

Sputnik Արմենիա

Գարեգին Երկրորդը վստահություն է հայտնել, որ նորընտիր պատրիարքի գահակալության շրջանում հայ–վրացական հարաբերություններն էլ ավելի կամրապնդվեն։ 12.05.2026, Sputnik Արմենիա

2026-05-12T10:45+0400

2026-05-12T10:45+0400

2026-05-12T11:09+0400

ամենայն հայոց կաթողիկոս գարեգին բ

հայ առաքելական եկեղեցի

հայաստան–վրաստան համագործակցություն

վրաստանի հանրապետություն

վրաստանի կաթողիկոս-պատրիարք շիո երրորդ

https://cdn.am.sputniknews.ru/img/07ea/05/0b/102051596_0:24:837:494_1920x0_80_0_0_232f44840859318b1e89eec18ad26dc9.jpg

ԵՐԵՎԱՆ, 12 մայիսի - Sputnik. Ամենայն հայոց կաթողիկոս Գարեգին Բ–ն շնորհավորական ուղերձ է հղել Վրաց ուղղափառ եկեղեցու նորընտիր Պետ, Համայն Վրաստանի կաթողիկոս-պատրիարք Շիո Երրորդին:Այս մասին տեղականում ենք Մայր աթոռի տեղեկատվական համակարգից։ Հայոց հայրապետն իր բարեմաղթանքներն է փոխանցել եղբայրական եկեղեցու առաջնորդին՝ ընդգծելով երկու ժողովուրդների հոգևոր կապերի կարևորությունը։ Վեհափառ հայրապետն իր նամակում բարձր է գնահատել Շիո Երրորդի անցած հոգևոր ուղին՝ նշելով, որ այս բարձր ընտրությունը տարիների վաստակի արդյունքն է։Անդրադառնալով հայ-վրացական հոգևոր հարաբերություններին՝ Գարեգին Երկրորդը վստահություն է հայտնել, որ նորընտիր Պատրիարքի գահակալության շրջանում այդ կապերն էլ ավելի կամրապնդվեն։«Ձերդ Սրբություն, սիրեցյալ եղբայր ի Քրիստոս, Հայոց և Վրաց Եկեղեցիների միջև դարավոր եղբայրական կապերը՝ խարսխված մեր Տեր Հիսուս Քրիստոսի սիրո և հարուստ հոգևոր ու պատմական ժառանգության վրա, վստահ ենք, Ձեր Պատրիարքության օրոք ևս կշարունակեն ամուր հիմք ծառայել մեր Եկեղեցիների, ժողովուրդների և պետությունների գործակցության համար»,– նշված է ուղերձում։Ուղերձի ավարտին նորին սրբությունը Շիո Երրորդին մաղթել է քաջառողջություն և երկար տարիների արգասաբեր գործունեություն։ Ամենայն հայոց կաթողիկոսը հույս է հայտնել, որ նորընտիր պատրիարքի հովվապետությունը կնպաստի Վրաց եկեղեցու պայծառությանը և հավատավոր վրաց ժողովրդի բարօրությանը։Մետրոպոլիտ Շիոն 57 տարեկան է։ 2003 թվականից նա ղեկավարում է Սենակիի և Չխորոծկուի թեմը։Նա 2017 թվականի վերջին Համայն Վրաստանի կաթողիկոս–պատրիարք Իլյա Բ–ի հրամանագրով նշանակվել էր Վրաց ուղղափառ եկեղեցու հայրապետական աթոռի տեղապահ:Հիշեցնենք, որ Իլյա 2–րդը վախճանվեց մարտի 17-ին։ Հուղարկավորության արարողության պատարագը մատուցեց միտրոպոլիտ Շիոն (Մուջիրի):Իլյա 2–րդը հուղարկավորվեց Սիոնիի Մայր տաճարում:

վրաստանի հանրապետություն

2026

Լուրեր

am_HY

ամենայն հայոց կաթողիկոս գարեգին բ, հայ առաքելական եկեղեցի, հայաստան–վրաստան համագործակցություն, վրաստանի հանրապետություն, վրաստանի կաթողիկոս-պատրիարք շիո երրորդ