ՀՀ կառավարությունն ամեն ինչ անում է, որ տարիներ անց ատոմակայան չունենանք. Մարուքյան
15:42 10.05.2026 (Թարմացված է: 15:46 10.05.2026)
© Photo : press office of the Bright Armenia Party
Բաժանորդագրվել
«Լուսավոր Հայաստանի» ղեկավարը տեղեկացրեց, որ այսօր բարձրախոսներով որևէ մեկի բակում չեն հայտնվելու ու որևէ մեկի անդորրը չեն խանգարելու։
ԵՐԵՎԱՆ, 10 մայիսի – Sputnik. Հայաստանի կառավարությունն ամեն ինչ անում է, որ տարիներ անց չունենանք ատոմակայան՝ ձգձգելով նոր էներգաբլոկի կառուցումը:
«Լուսավոր Հայաստանի» ղեկավարը քարոզարշավի երրորդ օրը Մեծամորի ատոմակայանի մոտ հայտարարեց, որ ստրատեգիական խնդիրների վերաբերյալ որոշումներ չկայացնելը նույնպես ձախողում է ամբողջությամբ, քանի որ դրանից է կախված՝ ապագա սերունդները կունենան Հայաստան էներգետիկ անկախությամբ, թե ոչ։
«Ֆեյսբուքում» իր էջում հրապարակված տեսանյութում նա նաև տեղեկացրել է, որ այսօր բարձրախոսներով որևէ մեկի բակում չեն հայտնվելու ու որևէ մեկի անդորրը չեն խանգարելու։
Հայաստանի իշխանությունները հայտարարել են, որ փոքր մոդուլային ռեակտորի կառուցման շուրջ բանակցություններ են ընթանում 5 պոտենցիալ գործընկերների՝ Ռուսաստանի, ԱՄՆ-ի, Չինաստանի, Հարավային Կորեայի և Ֆրանսիայի հետ:
Հայկական ԱԷԿ-ի առաջին էներգաբլոկը շահագործման է հանձնվել 1976 թվականի դեկտեմբերին, երկրորդը՝ 1980 թվականի հունվարին: Ի սկզբանե որպես դրա շահագործման վերջնաժամկետ սահմանվել էր 2016 թվականը, սակայն «Ռոսատոմ» պետկորպորացիայի մասնագետների մասնակցությամբ այն երկարաձգվել է մինչև 2026 թվականը: 2023 թվականի դեկտեմբերին «Ռոսատոմ Սերվիսը» և «Հայկական ատոմային էլեկտրակայան» ՓԲԸ-ն շրջանակային պայմանագիր են կնքել կայանի շահագործման ժամկետը մինչև 2036 թվականը երկարաձգելուն ուղղված միջոցառումների համալիրի իրականացման վերաբերյալ։
Հայկական ԱԷԿ-ի առաջին էներգաբլոկը շահագործման է հանձնվել 1976 թվականի դեկտեմբերին, երկրորդը՝ 1980 թվականի հունվարին: Ի սկզբանե որպես դրա շահագործման վերջնաժամկետ սահմանվել էր 2016 թվականը, սակայն «Ռոսատոմ» պետկորպորացիայի մասնագետների մասնակցությամբ այն երկարաձգվել է մինչև 2026 թվականը: 2023 թվականի դեկտեմբերին «Ռոսատոմ Սերվիսը» և «Հայկական ատոմային էլեկտրակայան» ՓԲԸ-ն շրջանակային պայմանագիր են կնքել կայանի շահագործման ժամկետը մինչև 2036 թվականը երկարաձգելուն ուղղված միջոցառումների համալիրի իրականացման վերաբերյալ։
Հավելենք` ՀՀ-ում հերթական խորհրդարանական ընտրությունները կկայանան 2026 թվականի հունիսի 7-ին։ Ընտրություններին մասնակցելու հայտ է ներկայացրել 19 քաղաքական ուժ՝ 2 դաշինք և 17 կուսակցություն։ Մայիսի 8–ին մեկնարկել է պաշտոնական քարոզարշավը, որը կտևի մինչև հունիսի 5-ը ներառյալ։
