https://arm.sputniknews.ru/20260510/hamakargy-khist-tsanrabernvats-e-ashkhatum-gtkn-ardzaganqel-e-dimvordneri-bvoghvoqnerin-102022800.html
Համակարգը խիստ ծանրաբեռնված է աշխատում. ԳԹԿ–ն արձագանքել է դիմորդների բողոքներին
Համակարգը խիստ ծանրաբեռնված է աշխատում. ԳԹԿ–ն արձագանքել է դիմորդների բողոքներին
Sputnik Արմենիա
ԳԹԿ–ից հավաստիացնում են, որ հայտագրման ցանկություն ունեցող որևէ դիմորդ խնդրի առաջ չի կանգնի և չի լինի այնպես, որ որևէ դիմորդը չհասցնի գրանցվել։ 10.05.2026, Sputnik Արմենիա
2026-05-10T14:08+0400
2026-05-10T14:08+0400
2026-05-10T14:10+0400
դիմորդ
գթկ (գնահատման և թեստավորման կենտրոն)
https://cdn.am.sputniknews.ru/img/07ea/02/01/98284614_0:82:1041:667_1920x0_80_0_0_ae297096339c81818552b271dced80ad.jpg
ԵՐԵՎԱՆ, 10 մայիսի – Sputnik. Բազմաթիվ դիմորդներ չեն կարողանում մուտք գործել Գնահատման և թեստավորման կենտրոնի dimord.am կայքէջ` լրացնելու ընդունելության դիմում–հայտը։ Այդ մասին դիմորդներն իրենց դժգոհությունը հայտնել են ՀՀ ԿԳՄՍ նախարար Ժաննա Անդրեասյանի ֆեյսբուքյան գրառման տակ։ Նրանցից ոմանք նշել են, որ թեև բուհերի ընդունելության միասնական և ներբուհական քննությունների 2-րդ՝ հիմնական փուլի հայտագրման վերջնաժամկետը լրանում է մայիսի 10–ին ժամը 18։00–ին, սակայն մայիսի 9–ի լույս 10–ի գիշերն արդեն իսկ համակարգը փակվել է ու չեն կարողացել լրացնել դիմումը։ Գնահատման և թեստավորման կենտրոն մամուլի քարտուղար Խաչանուշ Գրիգորյանը Sputnik Արմենիայի հետ զրույցում նշեց, որ համակարգի խափանման պատճառը խիստ ծանրաբեռնվածությունն է։ ԳԹԿ–ից հավաստիացնում են, որ հայտագրման ցանկություն ունեցող որևէ դիմորդ խնդրի առաջ չի կանգնի և չի լինի այնպես, որ որևէ դիմորդը չհասցնի գրանցվել։«Մենք բոլորին հնարավորություն կտանք հայտագրվելու։ Գուցեև լրացուցիչ հայտարարություն լինի այդ մասին, բայց խուճապի մատնվել պետք չէ։ Այս պահին համակարգը գործում է ու գործում է խիստ ծանրաբեռնված։ Եթե մեկ անգամից չի ստացվում գրանցվել, թող կրկին անգամ փորձ կատարեն»,– ընդգծեց Գրիգորյանը։ Նշենք, որ 2026–2027 թթ. ուստարվա դիմորդների՝ բուհերի ընդունելության համար բուհի և մասնագիտության ընտրության, ինչպես նաև ընտրած մասնագիտության համար սահմանված միասնական և ներբուհական քննությունների հայտագրման գործընթացը մեկնարկել է ապրիլի 15–ից։Դիմորդը (շրջանավարտը) բուհն ու մասնագիտությունը նշելու և նշված մասնագիտության համար սահմանված ընդունելության (միասնական, ներբուհական) քննությունները հանձնելու կամ հանձնած քննություն(ներ)ը մուտքագրելու համար պետք է ունենա Գնահատման և թեստավորման կենտրոնի անձնական համար և մինչև մայիսի 10-ը առցանց եղանակով Գնահատման և թեստավորման կենտրոնի dimord.am կայքէջում լրացնի ընդունելության դիմում-հայտ:
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
դիմորդ, գթկ (գնահատման և թեստավորման կենտրոն)
դիմորդ, գթկ (գնահատման և թեստավորման կենտրոն)
Համակարգը խիստ ծանրաբեռնված է աշխատում. ԳԹԿ–ն արձագանքել է դիմորդների բողոքներին
14:08 10.05.2026 (Թարմացված է: 14:10 10.05.2026) ԳԹԿ–ից հավաստիացնում են, որ հայտագրման ցանկություն ունեցող որևէ դիմորդ խնդրի առաջ չի կանգնի և չի լինի այնպես, որ որևէ դիմորդը չհասցնի գրանցվել։
ԵՐԵՎԱՆ, 10 մայիսի – Sputnik. Բազմաթիվ դիմորդներ չեն կարողանում մուտք գործել Գնահատման և թեստավորման կենտրոնի dimord.am կայքէջ` լրացնելու ընդունելության դիմում–հայտը։ Այդ մասին դիմորդներն իրենց դժգոհությունը հայտնել են ՀՀ ԿԳՄՍ նախարար Ժաննա Անդրեասյանի ֆեյսբուքյան գրառման տակ։
Նրանցից ոմանք նշել են, որ թեև բուհերի ընդունելության միասնական և ներբուհական քննությունների 2-րդ՝ հիմնական փուլի հայտագրման վերջնաժամկետը լրանում է մայիսի 10–ին ժամը 18։00–ին, սակայն մայիսի 9–ի լույս 10–ի գիշերն արդեն իսկ համակարգը փակվել է ու չեն կարողացել լրացնել դիմումը։
Գնահատման և թեստավորման կենտրոն մամուլի քարտուղար Խաչանուշ Գրիգորյանը
Sputnik Արմենիայի հետ զրույցում նշեց, որ համակարգի խափանման պատճառը խիստ ծանրաբեռնվածությունն է։
«Շատ դիմորդներ հայտագրումը հետաձգում են մինչև վերջին օրը։ Ես հասկանում եմ պատճառը` իրենք հետևում են շարժին, դիմորդների թվին, որ մասնագիտությամբ քանի դիմորդ է դիմում, փորձում են կողմորոշվել, գնահատել իրենց շանսերը և այդ պատճառով թողնում են վերջին պահին։ Արդյունքում համակարգը չի դիմանում, ինչպես այս անգամ եղավ»,– նշեց նա։
ԳԹԿ–ից հավաստիացնում են, որ հայտագրման ցանկություն ունեցող որևէ դիմորդ խնդրի առաջ չի կանգնի և չի լինի այնպես, որ որևէ դիմորդը չհասցնի գրանցվել։
«Մենք բոլորին հնարավորություն կտանք հայտագրվելու։ Գուցեև լրացուցիչ հայտարարություն լինի այդ մասին, բայց խուճապի մատնվել պետք չէ։ Այս պահին համակարգը գործում է ու գործում է խիստ ծանրաբեռնված։ Եթե մեկ անգամից չի ստացվում գրանցվել, թող կրկին անգամ փորձ կատարեն»,– ընդգծեց Գրիգորյանը։
Նշենք, որ 2026–2027 թթ. ուստարվա դիմորդների՝ բուհերի ընդունելության համար բուհի և մասնագիտության ընտրության, ինչպես նաև ընտրած մասնագիտության համար սահմանված միասնական և ներբուհական քննությունների հայտագրման գործընթացը մեկնարկել է ապրիլի 15–ից։
Դիմորդը (շրջանավարտը) բուհն ու մասնագիտությունը նշելու և նշված մասնագիտության համար սահմանված ընդունելության (միասնական, ներբուհական) քննությունները հանձնելու կամ հանձնած քննություն(ներ)ը մուտքագրելու համար պետք է ունենա Գնահատման և թեստավորման կենտրոնի անձնական համար և մինչև մայիսի 10-ը առցանց եղանակով Գնահատման և թեստավորման կենտրոնի dimord.am կայքէջում լրացնի ընդունելության դիմում-հայտ:
