https://arm.sputniknews.ru/20260509/irani-shurj-hakamartutjuny-rusastanin-bard-drutjan-mej-e-dnum-putin-102012558.html
Հարստացված ուրանի առաջարկը դեռ սեղանին է. Պուտինը՝ Իրանի շուրջ ստեղծված իրավիճակի մասին
Հարստացված ուրանի առաջարկը դեռ սեղանին է. Պուտինը՝ Իրանի շուրջ ստեղծված իրավիճակի մասին
Sputnik Արմենիա
ՌԴ նախագահի համոզմամբ՝ իրավիճակի սրման դեպքում կտուժեն բոլորը։ 09.05.2026, Sputnik Արմենիա
2026-05-09T22:44+0400
2026-05-09T22:44+0400
2026-05-09T23:23+0400
իրանի իսլամական հանրապետություն
ռուսաստան
վլադիմիր պուտին
https://cdn.am.sputniknews.ru/img/07e8/0a/18/82268655_0:0:1600:901_1920x0_80_0_0_a853f3f91c20a4cecbacac04e0456e86.jpg
ԵՐԵՎԱՆ, 9 մայիսի – Sputnik․ Իրանի շուրջ հակամարտությունը Ռուսաստանին բարդ դրության մեջ է դնում՝ հաշվի առնելով ինչպես Թեհրանի, այնպես էլ Պարսից ծոցի այլ երկրների հետ լավ հարաբերությունները։ Այսօր մամուլի ասուլիսի ժամանակ ասել է ՌԴ նախագահ Վլադիմիր Պուտինը։Նա ընդգծել է, որ Իրանի շուրջ իրավիճակի սրման դեպքում կտուժեն բոլորը։«Հուսով ենք, որ այս հակամարտությունը հնարավոր կլինի դադարեցնել և հնարավորինս շուտ դա անել»,- ասել է Պուտինը լրագրողներին:ՌԴ առաջնորդը կարծում է` արդեն չկան մարդիկ, որոնք շահագրգռված կլինեն Իրանի և ԱՄՆ-ի միջև դիմակայության շարունակմամբ:ՌԴ նախագահը նաև նշել է, որ Ռուսաստանը շարունակում է շփումները Իրանի շուրջ հակամարտության երկու կողմերի հետ:«Մենք Իրանի հետ լավ հարաբերություններ ունենք, նաև Պարսից ծոցի երկրների հետ բարեկամական հարաբերություններ ունենք՝ առանց որևէ չափազանցության։ Մենք շարունակում ենք շփվել և՛ մի, և՛ մյուս կողմի հետ»,- ասել է Պուտինը։ՌԴ նախագահն անդրադարձել է նաև միջուկային թեմային և ՌԴ–ի հանդեպ վստահությանը։«Իրանը մեզ վստահում է ամբողջ ծավալով, որովհետև մենք երբեք որևէ պայմանավորվածություն չենք խախտել և շարունակում ենք Իրանում խաղաղ միջուկային ծրագրերը», - ասել է նա:ՌԴ նախագահը նշել է, որ ԱՄՆ-ն, Իրանն ու Իսրայելն ի սկզբանե համաձայնել են Իրանից ՌԴ հարստացված ուրանի արտահանմանը, սակայն հետո Վաշինգտոնը մտափոխվել է: Պատասխանելով Իրանից հարստացված ուրան արտահանելու մասին հարցին՝ Պուտինը նշել է, որ Ռուսաստանն արդեն դա արել է 2015 թվականին:«Ես հիմա էլ եմ ասում, որ մենք պատրաստ ենք կրկնել այդ փորձը։ Եվ ի սկզբանե բոլորը համաձայնել էին` Միացյալ Նահանգների ներկայացուցիչները, Իրանը, Իսրայելը։ Բայց հետո ԱՄՆ–ն խստացրեց իր դիրքորոշումը և պահանջեց, որ (ուրան. խմբ.) արտահանվի միայն ԱՄՆ–ի տարածք։ Դրանից հետո Իրանը կոշտացրեց իր դիրքորոշումը։ Եվ ինձ ասվեց, որ այժմ մենք պատրաստ չենք այդ հարստացված ուրանը տանել որևէ տեղ»,- պարզաբանեց ՌԴ նախագահը։Հիշեցնենք` ԱՄՆ–ն ու Իսրայելը փետրվարի 28-ի առավոտյան սկսեցին հարվածներ հասցնել Իրանին։ Ապրիլի 8-ին ԱՄՆ նախագահ Դոնալդ Թրամփը համաձայնեց երկու շաբաթով դադարեցնել Իրանի ուղղությամբ հարվածները և հավաստիացրեց, որ հրադադարը կլինի երկկողմանի։ Թեհրանն էլ հայտարարեց, որ ԱՄՆ-ի հետ բանակցություններ կսկսի Իսլամաբադում (Պակիստան) իրանական կողմի առաջարկած 10 կետերի շուրջ։Ապրիլի 12-ին հայտնի դարձավ, որ բանակցություններն արդյունք չեն տվել, պատվիրակությունները հեռացել են Պակիստանից։ԱՄՆ նախագահ Դոնալդ Թրամփը ապրիլի 22-ին հայտարարեց, որ Պակիստանի խնդրանքով որոշել է երկարաձգել հրադադարը, բայց Իրանի ծովային շրջափակումը կշարունակվի։
իրանի իսլամական հանրապետություն
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
իրանի իսլամական հանրապետություն, ռուսաստան, վլադիմիր պուտին
իրանի իսլամական հանրապետություն, ռուսաստան, վլադիմիր պուտին
Հարստացված ուրանի առաջարկը դեռ սեղանին է. Պուտինը՝ Իրանի շուրջ ստեղծված իրավիճակի մասին
22:44 09.05.2026 (Թարմացված է: 23:23 09.05.2026) ՌԴ նախագահի համոզմամբ՝ իրավիճակի սրման դեպքում կտուժեն բոլորը։
ԵՐԵՎԱՆ, 9 մայիսի – Sputnik․ Իրանի շուրջ հակամարտությունը Ռուսաստանին բարդ դրության մեջ է դնում՝ հաշվի առնելով ինչպես Թեհրանի, այնպես էլ Պարսից ծոցի այլ երկրների հետ լավ հարաբերությունները։ Այսօր մամուլի ասուլիսի ժամանակ ասել է ՌԴ նախագահ Վլադիմիր Պուտինը։
Նա ընդգծել է, որ Իրանի շուրջ իրավիճակի սրման դեպքում կտուժեն բոլորը։
«Հուսով ենք, որ այս հակամարտությունը հնարավոր կլինի դադարեցնել և հնարավորինս շուտ դա անել»,- ասել է Պուտինը լրագրողներին:
ՌԴ առաջնորդը կարծում է` արդեն չկան մարդիկ, որոնք շահագրգռված կլինեն Իրանի և ԱՄՆ-ի միջև դիմակայության շարունակմամբ:
ՌԴ նախագահը նաև նշել է, որ Ռուսաստանը շարունակում է շփումները Իրանի շուրջ հակամարտության երկու կողմերի հետ:
«Մենք Իրանի հետ լավ հարաբերություններ ունենք, նաև Պարսից ծոցի երկրների հետ բարեկամական հարաբերություններ ունենք՝ առանց որևէ չափազանցության։ Մենք շարունակում ենք շփվել և՛ մի, և՛ մյուս կողմի հետ»,- ասել է Պուտինը։
ՌԴ նախագահն անդրադարձել է նաև միջուկային թեմային և ՌԴ–ի հանդեպ վստահությանը։
«Իրանը մեզ վստահում է ամբողջ ծավալով, որովհետև մենք երբեք որևէ պայմանավորվածություն չենք խախտել և շարունակում ենք Իրանում խաղաղ միջուկային ծրագրերը», - ասել է նա:
ՌԴ նախագահը նշել է, որ ԱՄՆ-ն, Իրանն ու Իսրայելն ի սկզբանե համաձայնել են Իրանից ՌԴ հարստացված ուրանի արտահանմանը, սակայն հետո Վաշինգտոնը մտափոխվել է: Պատասխանելով Իրանից հարստացված ուրան արտահանելու մասին հարցին՝ Պուտինը նշել է, որ Ռուսաստանն արդեն դա արել է 2015 թվականին:
«Ես հիմա էլ եմ ասում, որ մենք պատրաստ ենք կրկնել այդ փորձը։ Եվ ի սկզբանե բոլորը համաձայնել էին` Միացյալ Նահանգների ներկայացուցիչները, Իրանը, Իսրայելը։ Բայց հետո ԱՄՆ–ն խստացրեց իր դիրքորոշումը և պահանջեց, որ (ուրան. խմբ.) արտահանվի միայն ԱՄՆ–ի տարածք։ Դրանից հետո Իրանը կոշտացրեց իր դիրքորոշումը։ Եվ ինձ ասվեց, որ այժմ մենք պատրաստ չենք այդ հարստացված ուրանը տանել որևէ տեղ»,- պարզաբանեց ՌԴ նախագահը։
Հիշեցնենք` ԱՄՆ–ն ու Իսրայելը փետրվարի 28-ի առավոտյան սկսեցին
հարվածներ հասցնել Իրանին։ Ապրիլի 8-ին ԱՄՆ նախագահ
Դոնալդ Թրամփը համաձայնեց երկու շաբաթով դադարեցնել Իրանի ուղղությամբ հարվածները և հավաստիացրեց, որ հրադադարը կլինի երկկողմանի։ Թեհրանն էլ հայտարարեց, որ ԱՄՆ-ի հետ բանակցություններ կսկսի Իսլամաբադում (Պակիստան) իրանական կողմի առաջարկած
10 կետերի շուրջ։
Ապրիլի 12-ին հայտնի դարձավ, որ
բանակցություններն արդյունք չեն տվել, պատվիրակությունները հեռացել են Պակիստանից։
ԱՄՆ նախագահ Դոնալդ Թրամփը ապրիլի 22-ին
հայտարարեց, որ Պակիստանի խնդրանքով որոշել է երկարաձգել հրադադարը, բայց Իրանի ծովային շրջափակումը կշարունակվի։
