https://arm.sputniknews.ru/20260503/pashinjany-hhn-veratsum-e-hamashkharhajin-dimakajutjan-taterabemi-qaghaqageti-ditarkumy-101697781.html
Փաշինյանը ՀՀ–ն վերածում է համաշխարհային դիմակայության թատերաբեմի. քաղաքագետի դիտարկումը
Փաշինյանը ՀՀ–ն վերածում է համաշխարհային դիմակայության թատերաբեմի. քաղաքագետի դիտարկումը
Sputnik Արմենիա
Հայաստանը միշտ կամուրջ է եղել Արևելքի և Արևմուտքի միջև, և Հայաստանի իշխանությունները հիմա այն քանդում են: 03.05.2026, Sputnik Արմենիա
2026-05-03T21:50+0400
2026-05-03T21:50+0400
2026-05-03T21:50+0400
հայաստան
նիկոլ փաշինյան
եվրամիություն
ռուսաստան
ուկրաինա
վլադիմիր զելենսկի
https://cdn.am.sputniknews.ru/img/07ea/05/03/101692134_0:0:1501:844_1920x0_80_0_0_b6384d614ad4220ea79e72d92c4b723a.jpg
ԵՐԵՎԱՆ, 3 մայիսի — Sputnik. Հայաստանի վարչապետ Նիկոլ Փաշինյանը գիտակցաբար երկիրը վերածում է գլոբալ դիմակայության թատերաբեմի: Այս մասին իր Telegram-ալիքում գրել է քաղաքագետ Բենիամին Մաթևոսյանը:Նրա խոսքով՝ Ուկրաինայի հակամարտությունն ի սկզբանե պաշտոնական Երևանից պահանջում էր առավելագույն հավասարակշռված մոտեցում։Ընդ որում, նրա խոսքով, Մոսկվան ո՛չ Հայաստանից, ո՛չ ՀԱՊԿ-ի կամ ԵԱՏՄ-ի այլ գործընկերներից չի պահանջել ուղղակի մասնակցություն ռազմական գործողություններին կամ տնտեսական պատերազմին:Ավելին, Հայաստանը դարձել է ՌԴ-ի լոգիստիկ հանգույցներից մեկը, ինչը երկու կողմերին էլ օգուտ է բերել ինչպես ներմուծման, այնպես էլ արտահանման հարցերում։ Սակայն մայիսի 3-ի իրադարձությունները կարող են անդառնալիորեն փոխել այդ իրողությունը։«Հայաստանը միշտ կամուրջ է եղել Արևելքի և Արևմուտքի միջև, քանդելով այդ կամուրջը՝ Փաշինյանը երկիրը դիվանագիտության սուբյեկտից վերածում է աշխարհաքաղաքական բաժանման օբյեկտի: Մենք ներքաշվում ենք հակամարտության մեջ, որը Հայաստանին միայն կորուստներ է խոստանում։ Նիկոլ Փաշինյանը գիտակցում է, որ ԵՄ դռները ՀՀ-ի համար փակ են, բայց Երևանում սպասվող Եվրոպական գագաթաժողովն իր համար քաղաքական ցատկահարթակ է ընտրություններից առաջ: Բրյուսելն էլ այս իրավիճակում ճնշման լծակ է ստանում՝ Երևանից պահանջելով հերթական «հավատարմության երդումը», որի խորհրդանիշը Զելենսկու այցն էր», - գրել է Մաթևոսյանը։Սակայն դա էլ բավարար չեղավ. ըստ ուկրաինական ԶԼՄ-ների, Եվրոպական քաղաքական հանրության գագաթնաժողովի շրջանակներում Երևանում կանցկացվի Ուկրաինային նվիրված առանձին նստաշրջան։ Եթե դա ճիշտ է, ապա, ըստ քաղաքագետի, դա նույնքան անհեթեթ է թվում, որքան, ասենք, 1944-ին Վաշինգտոնում տեղի ունենար «ԽՍՀՄ-ի մասնատման» քննարկման խորհրդաժողով:Նա նշել է, որ և՛ Փաշինյանը, և՛ Զելենսկուն դիմավորած խոսնակ Ալեն Սիմոնյանը գիտեն, որ Երևանի նման աշխարհաքաղաքական դեմարշն ուղղակի մարտահրավեր է ոչ թե պարզապես Կրեմլին, այլ միլիոնավոր հայերի շահերին:«Փաշինյանն ու Սիմոնյանը նաև գիտեն, որ Ուկրաինան Արևմուտքի համար առաջնահերթություն է, իսկ Հայաստանը` միայն Ռուսաստանի վրա ճնշում գործադրելու գործիք։ Դառնալով «երկրորդ ճակատ» կամ հակառուսական հարթակ՝ Երևանը կորցնում է անվտանգության իրական երաշխիքները՝ փոխարենը ոչինչ չստանալով», - ընդգծում է Մաթևոսյանը։Եվրոպական առաջնորդներն այսօր ժամանել են Երևան՝ մասնակցելու Եվրոպական քաղաքական հանրության 8-րդ գագաթնաժողովին:Ընդդիմության ուղերձները ԵՄ պաշտոնյաներին կմնան «ձայն բարբառո հանապատի». վերլուծաբան
ուկրաինա
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, նիկոլ փաշինյան, եվրամիություն, ռուսաստան, ուկրաինա, վլադիմիր զելենսկի
հայաստան, նիկոլ փաշինյան, եվրամիություն, ռուսաստան, ուկրաինա, վլադիմիր զելենսկի
Փաշինյանը ՀՀ–ն վերածում է համաշխարհային դիմակայության թատերաբեմի. քաղաքագետի դիտարկումը
Հայաստանը միշտ կամուրջ է եղել Արևելքի և Արևմուտքի միջև, և Հայաստանի իշխանությունները հիմա այն քանդում են:
ԵՐԵՎԱՆ, 3 մայիսի — Sputnik. Հայաստանի վարչապետ Նիկոլ Փաշինյանը գիտակցաբար երկիրը վերածում է գլոբալ դիմակայության թատերաբեմի: Այս մասին իր Telegram-ալիքում գրել է քաղաքագետ Բենիամին Մաթևոսյանը:
Նրա խոսքով՝ Ուկրաինայի հակամարտությունն ի սկզբանե պաշտոնական Երևանից պահանջում էր առավելագույն հավասարակշռված մոտեցում։
«Արտաքին քաղաքական ցանկացած որոշում կայացնելիս Երևանը պարտավոր էր առաջնորդվել «մի՛ վնասիր» սկզբունքով», - նշել է Մաթևոսյանը:
Ընդ որում, նրա խոսքով, Մոսկվան ո՛չ Հայաստանից, ո՛չ ՀԱՊԿ-ի կամ ԵԱՏՄ-ի այլ գործընկերներից չի պահանջել ուղղակի մասնակցություն ռազմական գործողություններին կամ տնտեսական պատերազմին:
Ավելին, Հայաստանը դարձել է ՌԴ-ի լոգիստիկ հանգույցներից մեկը, ինչը երկու կողմերին էլ օգուտ է բերել ինչպես ներմուծման, այնպես էլ արտահանման հարցերում։ Սակայն մայիսի 3-ի իրադարձությունները կարող են անդառնալիորեն փոխել այդ իրողությունը։
«Հայաստանը միշտ կամուրջ է եղել Արևելքի և Արևմուտքի միջև, քանդելով այդ կամուրջը՝ Փաշինյանը երկիրը դիվանագիտության սուբյեկտից վերածում է աշխարհաքաղաքական բաժանման օբյեկտի: Մենք ներքաշվում ենք հակամարտության մեջ, որը Հայաստանին միայն կորուստներ է խոստանում։ Նիկոլ Փաշինյանը գիտակցում է, որ ԵՄ դռները ՀՀ-ի համար փակ են, բայց Երևանում սպասվող Եվրոպական գագաթաժողովն իր համար քաղաքական ցատկահարթակ է ընտրություններից առաջ: Բրյուսելն էլ այս իրավիճակում ճնշման լծակ է ստանում՝ Երևանից պահանջելով հերթական «հավատարմության երդումը», որի խորհրդանիշը Զելենսկու այցն էր», - գրել է Մաթևոսյանը։
Սակայն դա էլ բավարար չեղավ. ըստ ուկրաինական ԶԼՄ-ների, Եվրոպական քաղաքական հանրության գագաթնաժողովի շրջանակներում Երևանում կանցկացվի Ուկրաինային նվիրված առանձին նստաշրջան։ Եթե դա ճիշտ է, ապա, ըստ քաղաքագետի, դա նույնքան անհեթեթ է թվում, որքան, ասենք, 1944-ին Վաշինգտոնում տեղի ունենար «ԽՍՀՄ-ի մասնատման» քննարկման խորհրդաժողով:
«Երևանը՝ ի դեմս Փաշինյանի, գիտակցված ընտրություն կատարեց՝ երկիրը վերածելով գլոբալ խաղացողների դիմակայության թատերաբեմի։ Պատերազմը, որը կարող էր շրջանցել Հայաստանը, ոտք դրեց մեր հողի վրա, որին դիմավորում են կարմիր գորգով ու նվագախմբով», - կարծում է Մաթևոսյանը։
Նա նշել է, որ և՛ Փաշինյանը, և՛ Զելենսկուն դիմավորած խոսնակ Ալեն Սիմոնյանը գիտեն, որ Երևանի նման աշխարհաքաղաքական դեմարշն ուղղակի մարտահրավեր է ոչ թե պարզապես Կրեմլին, այլ միլիոնավոր հայերի շահերին:
«Փաշինյանն ու Սիմոնյանը նաև գիտեն, որ Ուկրաինան Արևմուտքի համար առաջնահերթություն է, իսկ Հայաստանը` միայն Ռուսաստանի վրա ճնշում գործադրելու գործիք։ Դառնալով «երկրորդ ճակատ» կամ հակառուսական հարթակ՝ Երևանը կորցնում է անվտանգության իրական երաշխիքները՝ փոխարենը ոչինչ չստանալով», - ընդգծում է Մաթևոսյանը։
Եվրոպական առաջնորդներն այսօր ժամանել են Երևան՝ մասնակցելու Եվրոպական քաղաքական հանրության 8-րդ գագաթնաժողովին:
