https://arm.sputniknews.ru/20260429/adrbejani-ev-hajastani-pvokhvarchapetnern-ardzanagrutjun-en-stvoragrel-aghveranum-101548946.html
Հայաստանն ու Ադրբեջանը ուղեցույցների նախագծերի տեքստեր են համաձայնեցրել Աղվերանում
Հայաստանն ու Ադրբեջանը ուղեցույցների նախագծերի տեքստեր են համաձայնեցրել Աղվերանում
Sputnik Արմենիա
Հաջորդ հանդիպումը կանցկացվի Ադրբեջանում։ 29.04.2026, Sputnik Արմենիա
2026-04-29T18:16+0400
2026-04-29T18:16+0400
2026-04-29T21:31+0400
հայաստան
ադրբեջան
մհեր գրիգորյան
շահին մուստաֆաև
աղվերան
https://cdn.am.sputniknews.ru/img/07ea/04/1d/101547923_0:21:1045:609_1920x0_80_0_0_6cc3277c1fa6773c1b729b074f2ff24b.jpg
ԵՐԵՎԱՆ, 29 ապրիլի – Sputnik. Աղվերանում տեղի է ունեցել Հայաստանի և Ադրբեջանի միջև սահմանազատման պետական հանձնաժողովների 13-րդ նիստը, որի ընթացքում ուղեցույցների նախագծերի տեքստեր են համաձայնեցվել։ Այս մասին հայտնում է ՀՀ արտգործնախարարությունը։«Գոհունակությամբ նշվել է, որ հանձնաժողովների 13-րդ հանդիպումը կրկին կայանում է կողմերից մեկի տարածքում՝ Հայաստանի Հանրապետությունում՝ Աղվերանում: Հանդիպման ընթացքում կողմերը մանրամասն մտքեր են փոխանակել սահմանազատման միջոցառումների հետ կապված կազմակերպչական և տեխնիկական հարցերի շուրջ»,– ասված է հաղորդագրությունում:Կողմերը համաձայնեցրել և փոխանակել են սահմանազատման աշխատանքների իրականացման կարգի վերաբերյալ հետևյալ ուղեցույցների նախագծերի տեքստերը.Կողմերը համաձայնության են եկել դիմել իրենց կառավարություններին՝ ուղեցույցների համապատասխան հաստատման համար։ՀՀ փոխվարչապետ Մհեր Գրիգորյանը և Ադրբեջանի փոխվարչապետ Շահին Մուստաֆաևն առանձին մտքեր են փոխանակել փոխադարձ հետաքրքրություն ներկայացնող հարցերի շուրջ:Նշվել է, որ դեպի ՀՀ բեռների տարանցումն Ադրբեջանի Հանրապետության տարածքով հաջողությամբ իրականացվում է և ներկայումս շարունակվում է։«Գոհունակությամբ նշվել է, որ Ադրբեջանն իրականացնում է նավթամթերքի մատակարարում դեպի Հայաստան, ինչը վկայում է երկու երկրների միջև առևտրատնտեսական կապերի ձևավորման մասին»,– ասված է հաղորդագրությունում։Ըստ ԱԳՆ–ի` տեղի է ունեցել նաև կողմերի գործարար շրջանակների ներկայացուցիչների մասնակցությամբ քննարկում առևտրատնտեսական համագործակցության զարգացմանը, ապրանքների և ծառայությունների փոխադարձ մատակարարումներին, ինչպես նաև տարանցիկ փոխադրումներին վերաբերող հարցերի շուրջ։ Հատուկ ընդգծվել է, որ ձեռք բերված արդյունքները հնարավոր են դարձել ՀՀ վարչապետ Նիկոլ Փաշինյանի և Ադրբեջանի նախագահ Իլհամ Ալիևի քաղաքական կամքի շնորհիվ:Հիշեցնենք` փոխվարչապետ Շահին Մուստաֆաևի գլխավորած պատվիրակությունն այսօր է ժամանել Հայաստան։
ադրբեջան
աղվերան
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, ադրբեջան, մհեր գրիգորյան, շահին մուստաֆաև, աղվերան
հայաստան, ադրբեջան, մհեր գրիգորյան, շահին մուստաֆաև, աղվերան
Հայաստանն ու Ադրբեջանը ուղեցույցների նախագծերի տեքստեր են համաձայնեցրել Աղվերանում
18:16 29.04.2026 (Թարմացված է: 21:31 29.04.2026) Հաջորդ հանդիպումը կանցկացվի Ադրբեջանում։
ԵՐԵՎԱՆ, 29 ապրիլի – Sputnik. Աղվերանում տեղի է ունեցել Հայաստանի և Ադրբեջանի միջև սահմանազատման պետական հանձնաժողովների 13-րդ նիստը, որի ընթացքում ուղեցույցների նախագծերի տեքստեր են համաձայնեցվել։ Այս մասին հայտնում է
ՀՀ արտգործնախարարությունը։
«Գոհունակությամբ նշվել է, որ հանձնաժողովների 13-րդ հանդիպումը կրկին կայանում է կողմերից մեկի տարածքում՝ Հայաստանի Հանրապետությունում՝ Աղվերանում: Հանդիպման ընթացքում կողմերը մանրամասն մտքեր են փոխանակել սահմանազատման միջոցառումների հետ կապված կազմակերպչական և տեխնիկական հարցերի շուրջ»,– ասված է հաղորդագրությունում:
Կողմերը համաձայնեցրել և փոխանակել են սահմանազատման աշխատանքների իրականացման կարգի վերաբերյալ հետևյալ ուղեցույցների նախագծերի տեքստերը.
«Հայաստանի Հանրապետության և Ադրբեջանի Հանրապետության միջև պետական սահմանի սահմանազատման ընթացքում սահմանազատման փորձագիտական խմբերի աշխատանքի կարգի մասին ուղեցույց»,
«Հայաստանի Հանրապետության և Ադրբեջանի Հանրապետության միջև պետական սահմանի սահմանազատման քարտեզի ստեղծման կարգի մասին ուղեցույց»,
«Հայաստանի Հանրապետության և Ադրբեջանի Հանրապետության միջև պետական սահմանի սահմանազատման փաստաթղթերի ձևակերպման և հրատարակման կարգի մասին ուղեցույց»:
Կողմերը համաձայնության են եկել դիմել իրենց կառավարություններին՝ ուղեցույցների համապատասխան հաստատման համար։
ՀՀ փոխվարչապետ Մհեր Գրիգորյանը և Ադրբեջանի փոխվարչապետ Շահին Մուստաֆաևն առանձին մտքեր են փոխանակել փոխադարձ հետաքրքրություն ներկայացնող հարցերի շուրջ:
Նշվել է, որ դեպի ՀՀ բեռների տարանցումն Ադրբեջանի Հանրապետության տարածքով հաջողությամբ իրականացվում է և ներկայումս շարունակվում է։
«Գոհունակությամբ նշվել է, որ Ադրբեջանն իրականացնում է նավթամթերքի մատակարարում դեպի Հայաստան, ինչը վկայում է երկու երկրների միջև առևտրատնտեսական կապերի ձևավորման մասին»,– ասված է հաղորդագրությունում։
Ըստ ԱԳՆ–ի` տեղի է ունեցել նաև կողմերի գործարար շրջանակների ներկայացուցիչների մասնակցությամբ քննարկում առևտրատնտեսական համագործակցության զարգացմանը, ապրանքների և ծառայությունների փոխադարձ մատակարարումներին, ինչպես նաև տարանցիկ փոխադրումներին վերաբերող հարցերի շուրջ։ Հատուկ ընդգծվել է, որ ձեռք բերված արդյունքները հնարավոր են դարձել ՀՀ վարչապետ Նիկոլ Փաշինյանի և Ադրբեջանի նախագահ Իլհամ Ալիևի քաղաքական կամքի շնորհիվ:
«Հանդիպման արդյունքներով ստորագրվել է համապատասխան արձանագրություն: Կողմերը պայմանավորվել են աշխատանքային կարգով համաձայնեցնել Ադրբեջանի Հանրապետությունում հաջորդ հանդիպման անցկացման ամսաթիվը»,– նշում է ԱԳՆ–ն:
Հիշեցնենք` փոխվարչապետ Շահին Մուստաֆաևի գլխավորած պատվիրակությունն այսօր է
ժամանել Հայաստան։
