https://arm.sputniknews.ru/20260427/inch-gvortsvonner-en-azdel-heghuk-gazi-shukaji-vra-parzabanum-e-masnagety-101453283.html
Ի՞նչ գործոններ են ազդել հեղուկ գազի շուկայի վրա․ պարզաբանում է մասնագետը
Ի՞նչ գործոններ են ազդել հեղուկ գազի շուկայի վրա․ պարզաբանում է մասնագետը
Sputnik Արմենիա
Ամսվա կտրվածքով Հայաստան է ներկրվում մոտ 5000-7000 տ հեղուկ գազ ու հենց այդքան էլ սպառվում է այդ ընթացքում։ 27.04.2026, Sputnik Արմենիա
2026-04-27T14:55+0400
2026-04-27T14:55+0400
2026-04-27T14:55+0400
հայաստան
սուրեն պարսյան
հեղուկ գազ
գին
թանկացում
https://cdn.am.sputniknews.ru/img/07ea/01/0f/97762970_0:1:1280:721_1920x0_80_0_0_342f5a39b08311d80f0375dc843058d5.jpg
ԵՐԵՎԱՆ, 27 ապրիլի — Sputnik. Հայաստանում հեղուկ գազի խնդիրը կապված է ոչ միայն Մերձավոր Արևելքում տեղի ունեցող իրադարձությունների և Վերին Լարսի անցակետով անցնող ճանապարհի պարբերաբար փակման, այլև ներքին գործոնների հետ: Sputnik Արմենիայի հետ զրույցում այս տեսակետը հայտնեց տնտեսագետ Սուրեն Պարսյանը։Վերջին օրերին վարորդները դժգոհում են, որ լցակայանների մի մասը չի գործում, իսկ գործողներում էլ գազը կա՛մ սահմանափակ է, կա՛մ վաճառվում է բարձր գներով։ Երկար հերթ են կանգնում, որպեսզի ավտոմեքենան լիցքավորեն։ Որոշ գազալցակայաններում հեղուկ գազը կտրոններով է վաճառվում։Պարսյանը հիշեցրեց, որ Հայաստանը հեղուկ վառելիքը հիմնականում ներկրում է Ռուսաստանից, բայց ձմռան ամիսներին` նաև Իրանից և Իրաքից։ Տարածաշրջանում վերջին իրադարձություններով պայմանավորված` Իրանից և Իրաքից ներկրվող հեղուկ վառելիքի ծավալները կտրուկ նվազել են։ Անցած շաբաթ էլ եղանակային պայմանների պատճառով Վերին Լարսն էր փակվել, ինչն էլ ուղղակի ազդեցություն է թողնում Հայաստանի հեղուկ վառելիքի մատակարարումների վրա։Նրա խոսքով՝ Հայաստանում կան մի քանի կազմակերպություններ, որոնք ունեն հեղուկ վառելիքի կուտակման հնարավորություններ, մնացածը ներկրում և սպառում են անմիջական եղանակով։ Փորձագետի պնդմամբ՝ այն ընկերությունները, որոնք ունեն կուտակման հնարավորություններ, նման պայմաններում օգտվում են առիթից և գինը բարձրացնում։ Սա էլ վարորդների մոտ խուճապ է առաջացնում։Պարսյանի խոսքով` Մրցակցության հանձնաժողովը, որը իրավասու է այս հարցը քննել և համապատասխան որոշումներ կայացնել, ուղղակի անգործության է մատնված, պարբերաբար նույնիսկ արդարացնում է այս տնտեսվարողների վարքագիծը։Մասնագետն ընդգծեց՝ որքան էլ ամեն տարի նույն իրավիճակն է կրկնվում, բայց խնդիրը չի լուծվում, քանի որ մեծ ներդրումներ են պետք անել. ամեն ընկերություն պատրաստ չէ դրան։Պարսյանը շեշտեց՝ խնդրի պատճառը կարող է լինել նաև համաշխարհային շուկայում նավթի գների կտրուկ աճը, ինչպես նաև Իրան-ԱՄՆ պատերազմի ֆոնին էներգակիրների գների կտրուկ թանկացումները։Փորձագետը նշեց՝ ամսվա կտրվածքով Հայաստան է ներկրվում մոտ 5000-7000 տ հեղուկ գազ, ու հենց այդքան էլ սպառվում է այդ ընթացքում։Պարսյանն ընդգծեց` հայկական ընկերությունները պետք է գազի մատակարարման վերաբերյալ երկարաժամկետ պայմանագրեր ունենան ռուսական ընկերությունների հետ, ինչը թույլ կտա խուսափել նման իրավիճակներից։Հիշեցնենք` հեղուկ գազը Հայաստանում 4 օրում 190 դրամից դարձել է 250-300 դրամ։
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, սուրեն պարսյան, հեղուկ գազ, գին, թանկացում
հայաստան, սուրեն պարսյան, հեղուկ գազ, գին, թանկացում
Ի՞նչ գործոններ են ազդել հեղուկ գազի շուկայի վրա․ պարզաբանում է մասնագետը
Ամսվա կտրվածքով Հայաստան է ներկրվում մոտ 5000-7000 տ հեղուկ գազ ու հենց այդքան էլ սպառվում է այդ ընթացքում։
ԵՐԵՎԱՆ, 27 ապրիլի — Sputnik. Հայաստանում հեղուկ գազի խնդիրը կապված է ոչ միայն Մերձավոր Արևելքում տեղի ունեցող իրադարձությունների և Վերին Լարսի անցակետով անցնող ճանապարհի պարբերաբար փակման, այլև ներքին գործոնների հետ:
Sputnik Արմենիայի հետ զրույցում այս տեսակետը հայտնեց տնտեսագետ Սուրեն Պարսյանը։
Վերջին օրերին վարորդները
դժգոհում են, որ լցակայանների մի մասը չի գործում, իսկ գործողներում էլ գազը կա՛մ սահմանափակ է, կա՛մ վաճառվում է բարձր գներով։ Երկար հերթ են կանգնում, որպեսզի ավտոմեքենան լիցքավորեն։ Որոշ գազալցակայաններում հեղուկ գազը կտրոններով է վաճառվում։
Պարսյանը հիշեցրեց, որ Հայաստանը հեղուկ վառելիքը հիմնականում ներկրում է Ռուսաստանից, բայց ձմռան ամիսներին` նաև Իրանից և Իրաքից։ Տարածաշրջանում վերջին իրադարձություններով պայմանավորված` Իրանից և Իրաքից ներկրվող հեղուկ վառելիքի ծավալները կտրուկ նվազել են։ Անցած շաբաթ էլ եղանակային պայմանների պատճառով Վերին Լարսն էր փակվել, ինչն էլ ուղղակի ազդեցություն է թողնում Հայաստանի հեղուկ վառելիքի մատակարարումների վրա։
Նրա խոսքով՝ Հայաստանում կան մի քանի կազմակերպություններ, որոնք ունեն հեղուկ վառելիքի կուտակման հնարավորություններ, մնացածը ներկրում և սպառում են անմիջական եղանակով։ Փորձագետի պնդմամբ՝ այն ընկերությունները, որոնք ունեն կուտակման հնարավորություններ, նման պայմաններում օգտվում են առիթից և գինը բարձրացնում։ Սա էլ վարորդների մոտ խուճապ է առաջացնում։
Պարսյանի խոսքով` Մրցակցության հանձնաժողովը, որը իրավասու է այս հարցը քննել և համապատասխան որոշումներ կայացնել, ուղղակի անգործության է մատնված, պարբերաբար նույնիսկ արդարացնում է այս տնտեսվարողների վարքագիծը։
«Երեկ վերադառնում էի Հրազդանից, ճանապարհին բազմաթիվ լցակայաններ կային, որտեղ հեղուկ գազ չկար, գրել էին՝ «հեղուկ գազ՝ 0»` դրանով ցույց տալով վարորդներին, որ կարիք չկա կանգնելու։ Բավականին լուրջ խնդիր ունենք հիմա Հայաստանում, ու, ցավոք, այն պատշաճ ուշադրության չեն արժանացնում պետական մարմինները»,- ասաց Պարսյանը։
Մասնագետն ընդգծեց՝ որքան էլ ամեն տարի նույն իրավիճակն է կրկնվում, բայց խնդիրը չի լուծվում, քանի որ մեծ ներդրումներ են պետք անել. ամեն ընկերություն պատրաստ չէ դրան։
Պարսյանը շեշտեց՝ խնդրի պատճառը կարող է լինել նաև համաշխարհային շուկայում նավթի գների կտրուկ աճը, ինչպես նաև Իրան-ԱՄՆ պատերազմի ֆոնին էներգակիրների գների կտրուկ թանկացումները։
Փորձագետը նշեց՝ ամսվա կտրվածքով Հայաստան է ներկրվում մոտ 5000-7000 տ հեղուկ գազ, ու հենց այդքան էլ սպառվում է այդ ընթացքում։
Պարսյանն ընդգծեց` հայկական ընկերությունները պետք է գազի մատակարարման վերաբերյալ երկարաժամկետ պայմանագրեր ունենան ռուսական ընկերությունների հետ, ինչը թույլ կտա խուսափել նման իրավիճակներից։
Հիշեցնենք` հեղուկ գազը Հայաստանում 4 օրում 190 դրամից դարձել է 250-300 դրամ։
