https://arm.sputniknews.ru/20260424/majr-atvorum-durs-berec-hajvoc-ceghaspanutjan-srbvoc-nahatakac-masunqarany-101373942.html

Մայր աթոռում դուրս է բերվել Հայոց ցեղասպանության սրբոց նահատակաց մասունքարանը

Մայր աթոռում դուրս է բերվել Հայոց ցեղասպանության սրբոց նահատակաց մասունքարանը

Sputnik Արմենիա

Մայր աթոռ Սուրբ Էջմիածնում իրականացվել են Հայոց ցեղասպանության սուրբ նահատակների ոգեկոչման արարողություններ։ 24.04.2026, Sputnik Արմենիա

2026-04-24T16:54+0400

2026-04-24T16:54+0400

2026-04-24T17:04+0400

հայաստան

մայր աթոռ սուրբ էջմիածին

հայոց ցեղասպանություն

ապրիլի 24. հայոց ցեղասպանության չմոռացվող էջը

https://cdn.am.sputniknews.ru/img/07ea/04/18/101370577_0:78:1500:922_1920x0_80_0_0_c2cc02e01f61024794e5fefbb50d397a.jpg

ԵՐԵՎԱՆ, 24 ապրիլի — Sputnik. Հայոց ցեղասպանության սուրբ նահատակների հիշատակի օրվա առիթով Էջմիածնի Մայր տաճարում սուրբ և անմահ պատարագ է մատուցվել։ Տեղեկությունը հայտնում է Մայր աթոռի տեղեկատվական համակարգը։«Ապրիլի 24-ին՝ Հայոց ցեղասպանության սուրբ նահատակների հիշատակի օրվա առիթով, Ն.Ս.Օ.Տ.Տ. Գարեգին Երկրորդ ծայրագույն պատրիարք և Ամենայն հայոց կաթողիկոսի հանդիսապետությամբ, Էջմիածնի Մայր տաճարում մատուցվեց սուրբ և անմահ պատարագ։ Այդ կապակցությամբ հավատացյալների խոնարհումի համար դուրս էր բերվել Հայոց ցեղասպանության սրբոց նահատակաց մասունքարանը: Պատարագիչն էր Մայր աթոռի միջեկեղեցական բաժնի տնօրեն Հոգեշնորհ Տ․ Գարեգին վարդապետ Համբարձումյանը»,- ասված է հաղորդագրությունում։Քարոզում Հայր սուրբը, անդրադառնալով օրվա խորհրդին, նշել է, որ Հայոց ցեղասպանության զոհերը պարզապես պատմության մեջ զոհեր չեղան, նրանք վկաներ են։«Այսօր նահատակ սրբերի հիշատակով մենք կանգնած չենք մահվան լռության առջև, այլ կանգնած ենք հավատքի վկայության առջև, որովհետև նրանք ընտրեցին հավատքը»,- ասել է Գարեգին վարդապետը։Նա ընդգծել է`նահատակների կյանքի մեջ բացահայտվել է հավատքը, որը հնարավոր չէր որևէ կերպ մարել, բացահայտվել է սերը, որը որևէ կերպ չի վերածվել ատելության, բացահայտվել է հույսը, որը ոչ մի կայսրություն չի կարողացել ջնջել։Պատարագիչ հոգևորականը հավելել է, որ նահատակները չեն իմացել՝ ինչ է լինելու եկեղեցու ապագան, չեն իմացել, որ այսօր վերապրած սերունդներ են ունենալու, վերակառուցված եկեղեցիներ են ունենալու, եկեղեցին զարգանալու է, հավատքի մեջ զորանալու է, չեն իմացել, բայց նրանք, մահվան դռան առջև, ընդունել են Քրիստոսի այն խոսքը։Վերջում Գարեգին վարդապետը մաղթել է, որ տառապանքի և նահատակության ճանապարհով անցած սրբերի օրինակը հավատավոր հայորդիների կյանքում դառնա իրական վկայություն։Սուրբ պատարագի ավարտին եկեղեցականների թափորը տարել է սուրբ նահատակների մասունքարանը, որն ուղղվել է դեպի Մայր տաճարի շրջափակ։ Հենց այնտեղ աղոթքի և ուխտի խաչքարի առջև, Ամենայն հայոց կաթողիկոսի հանդիսապետությամբ կատարվել է Հայոց ցեղասպանության սուրբ նահատակների բարեխոսական կարգ:Մոսկվայի հայկական տաճարում Ցեղասպանության սուրբ նահատակների բարեխոսական կարգ է անցկացվելՀիշեցնենք` 1915 թվականին տեղի ունեցած ոճրագործությունը, որի հետևանքով Օսմանյան կայսրությունում ավելի քան 1.5 մլն հայ է սպանվել, ХХ դարի առաջին ցեղասպանությունն է համարվում։ Թուրքիան ավանդաբար մերժում է ցեղասպանություն իրագործելու մեղադրանքներն ու անչափ ցավագին է ընդունում այդ հարցի վերաբերյալ քննադատությունները։Հայոց ցեղասպանությունն առաջինը ճանաչել է Ուրուգվայը 1965 թվականին, այնուհետև նրա օրինակին են հետևել Ֆրանսիան, Ռուսաստանը, Իտալիան, Գերմանիան, Հոլանդիան, Բելգիան, Լեհաստանը, Լիտվան, Սլովակիան, Շվեդիան, Շվեյցարիան, Հունաստանը, Կիպրոսը, Լիբանանը, Կանադան, Վենեսուելան, Արգենտինան, Բրազիլիան, Չիլին, Վատիկանը, Բոլիվիան, Չեխիան, Ավստրիան, Լյուքսեմբուրգը, ԱՄՆ–ն։

2026

Լուրեր

am_HY

հայաստան, մայր աթոռ սուրբ էջմիածին, հայոց ցեղասպանություն, ապրիլի 24. հայոց ցեղասպանության չմոռացվող էջը