https://arm.sputniknews.ru/20260421/barerar-levvon-hajrapetjani-hushatakhtaky-kteghadrvi-erevanum-101199860.html
Բարերար Լևոն Հայրապետյանի հուշատախտակը կտեղադրվի Երևանում
Բարերար Լևոն Հայրապետյանի հուշատախտակը կտեղադրվի Երևանում
Sputnik Արմենիա
2008 թվականի հոկտեմբերի 16-ին Շուշիում և Գանձասարում բարերարը կազմակերպել է 700 զույգի պսակադրություն։ 21.04.2026, Sputnik Արմենիա
2026-04-21T10:22+0400
2026-04-21T10:22+0400
2026-04-21T10:22+0400
լևոն հայրապետյան
փողոց
արցախ
երևան
երևանի քաղաքապետարան
https://cdn.am.sputniknews.ru/img/910/42/9104283_0:24:2049:1176_1920x0_80_0_0_34da9959823d677115845066edb654d4.jpg
ԵՐԵՎԱՆ, 21 ապրիլի - Sputnik. Երևանի Մոսկովյան փողոցում կտեղադրվի հայ մեծանուն բարերար, ծնունդով արցախցի Լևոն Հայրապետյանի հիշատակը հավերժացնող հուշատախտակ։ Նման որոշում կայացրեց Երևան քաղաքի ավագանին։Սա օրակարգի չզեկուցվող հարցերից էր։Այն տեղադրվելու է Մոսկովյան փողոցի 31 հասցեում։Հուշատախտակը փակցնելու միջնորդությունը ներկայացրել է ՀՀ քաղաքացի Ալեքսան Բաբայանը: Հուշատախտակի տեղադրման ֆինանսական ծախսերը կատարվելու է ընտանիքի կողմից:Լևոն Հայրապետյանը ծնվել է 1949 թվականի մարտի 12-ին Լեռնային Ղարաբաղի Վանք գյուղում։ Ավարտել է Մոսկվայի պետական համալսարանի փիլիսոփայության ֆակուլտետը, աշխատել է որպես լրագրող, հիմնել է «Սոբեսեդնիկ» հրատարակչատունը։Զբաղվել է նավթի վաճառքի հետ կապված բիզնեսով։ Ակտիվ մասնակցություն է ունեցել ԼՂՀ ստեղծման գործում։ Համարվել է ամենախոշոր ներդրողը Լեռնային Ղարաբաղի ժամանակակից պատմության մեջ։ Նրա ծրագրերն իրագործվել են Ստեփանակերտում, Մարտակերտի շրջանի Վանք գյուղում: 2000-2002թթ. գործարարի միջոցներով վերակառուցվել է հայկական հռչակավոր Գանձասարի վանական համալիրը (13-րդ դար): 2007 թվականին Լևոն Հայրապետյանը ֆինանսավորել է 2,5 միլիոն խմ տարողությամբ ջրամբարի կառուցումը Խաչեն գետի վրա։2008 թվականի հոկտեմբերի 16-ին, ԼՂՀ հինավուրց Շուշիում և պատմական Գանձասարում բարերարը կազմակերպել է նորապսակների համատեղ պսակադրություն։ Մեծ հարսանիքի օրը 200 զույգ պսակադրվել է Գանձասարի վանքում։ Մի քանի ժամ անց ևս 500 զույգ պսակադրվել է Շուշիի Ղազանչեցոց եկեղեցում։ Հայրենի Վանք գյուղում Լևոն Հայրապետյանը հիմնել է հյուրանոցային համալիրներ, բանկեր, հանդիսությունների սրահ, բարեկարգել է Արցախի կենդանաբանական և բուսաբանական այգիները, վերակառուցել է Արցախի բազմաթիվ միջպետական և հանրապետական ավտոճանապարհներ։ 2011 թվականին Հայրապետյանը պարգևատրվել է Պատվո շքանշան պարգևով:2014 թվականի հուլիսի 15-ին Մոսկվայի «Դոմոդեդովո» օդանավակայանում Լևոն Հայրապետյանը ձերբակալվել է, ուր նա ժամանել էր Մոնակոյից։ Լևոն Հայրապետյանը մահացել է 2017թ. հոկտեմբերի 18-ին:
երևան
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
լևոն հայրապետյան, փողոց, արցախ, երևան, երևանի քաղաքապետարան
լևոն հայրապետյան, փողոց, արցախ, երևան, երևանի քաղաքապետարան
Բարերար Լևոն Հայրապետյանի հուշատախտակը կտեղադրվի Երևանում
2008 թվականի հոկտեմբերի 16-ին Շուշիում և Գանձասարում բարերարը կազմակերպել է 700 զույգի պսակադրություն։
ԵՐԵՎԱՆ, 21 ապրիլի - Sputnik. Երևանի Մոսկովյան փողոցում կտեղադրվի հայ մեծանուն բարերար, ծնունդով արցախցի Լևոն Հայրապետյանի հիշատակը հավերժացնող հուշատախտակ։ Նման որոշում կայացրեց Երևան քաղաքի ավագանին։
Սա օրակարգի չզեկուցվող հարցերից էր։
Այն տեղադրվելու է Մոսկովյան փողոցի 31 հասցեում։
Հուշատախտակը փակցնելու միջնորդությունը ներկայացրել է ՀՀ քաղաքացի Ալեքսան Բաբայանը: Հուշատախտակի տեղադրման ֆինանսական ծախսերը կատարվելու է ընտանիքի կողմից:
Լևոն Հայրապետյանը ծնվել է 1949 թվականի մարտի 12-ին Լեռնային Ղարաբաղի Վանք գյուղում։ Ավարտել է Մոսկվայի պետական համալսարանի փիլիսոփայության ֆակուլտետը, աշխատել է որպես լրագրող, հիմնել է «Սոբեսեդնիկ» հրատարակչատունը։
Զբաղվել է նավթի վաճառքի հետ կապված բիզնեսով։ Ակտիվ մասնակցություն է ունեցել ԼՂՀ ստեղծման գործում։ Համարվել է ամենախոշոր ներդրողը Լեռնային Ղարաբաղի ժամանակակից պատմության մեջ։ Նրա ծրագրերն իրագործվել են Ստեփանակերտում, Մարտակերտի շրջանի Վանք գյուղում: 2000-2002թթ. գործարարի միջոցներով վերակառուցվել է հայկական հռչակավոր Գանձասարի վանական համալիրը (13-րդ դար): 2007 թվականին Լևոն Հայրապետյանը ֆինանսավորել է 2,5 միլիոն խմ տարողությամբ ջրամբարի կառուցումը Խաչեն գետի վրա։
2008 թվականի հոկտեմբերի 16-ին, ԼՂՀ հինավուրց Շուշիում և պատմական Գանձասարում բարերարը կազմակերպել է նորապսակների համատեղ պսակադրություն։ Մեծ հարսանիքի օրը 200 զույգ պսակադրվել է Գանձասարի վանքում։ Մի քանի ժամ անց ևս 500 զույգ պսակադրվել է Շուշիի Ղազանչեցոց եկեղեցում։ Հայրենի Վանք գյուղում Լևոն Հայրապետյանը հիմնել է հյուրանոցային համալիրներ, բանկեր, հանդիսությունների սրահ, բարեկարգել է Արցախի կենդանաբանական և բուսաբանական այգիները, վերակառուցել է Արցախի բազմաթիվ միջպետական և հանրապետական ավտոճանապարհներ։ 2011 թվականին Հայրապետյանը պարգևատրվել է Պատվո շքանշան պարգևով:
2014 թվականի հուլիսի 15-ին Մոսկվայի «Դոմոդեդովո» օդանավակայանում Լևոն Հայրապետյանը ձերբակալվել է, ուր նա ժամանել էր Մոնակոյից։ Լևոն Հայրապետյանը մահացել է 2017թ. հոկտեմբերի 18-ին:
